ރައީސް މުޢިއްޒު ސޯޝަލް މީޑިއާގައި ކުރެއްވި ޕޯސްޓެއްގައި ވަނީ، ވަޠަނީ ޚިދުމަތުގެ ދެވަނަ ބުރު ކާމިޔާބުކަމާއެކު ނިންމާލި ހުރިހާ ދަރިވަރުންނަށް އިޚްލާޞްތެރިކަމާއެކު މަރުޙަބާ ދަންނަވާފައެވެ. މި ޕްރޮގްރާމަކީ ޒުވާނުންގެ މެދުގައި ގައުމީ ލޯބި އިތުރުކޮށް، އަދަބު އަޚްލާގާއި ހުނަރުތައް ކުރިއެރުވުމަށް ސަރުކާރުން ކުރިއަށްގެންދަވާ މުހިންމު މަސައްކަތެކެވެ.

މި ފަހަރުގެ ބުރުގައި ރާއްޖޭގެ 112 ރަށަކުން ޖުމްލަ 343 ދަރިވަރުން ވަނީ ދަސްވެނިވެފައެވެ. މީގެ ތެރޭގައި ހިމެނެނީ 280 ފިރިހެން ކުދިންނާއި 63 އަންހެން ކުދިންނެވެ. އުމުރުގެ ގޮތުން ބަލާއިރު، 18 އަހަރުން ދަށުގެ 113 ކުދިން މި ބުރުގައި ބައިވެރިވެފައިވާއިރު، 18 އަހަރުން މަތީގެ 230 ފަރާތެއް ވަނީ މި ޕްރޮގްރާމް ފުރިހަމަކޮށްފައެވެ.

Congratulations to all the graduates of the second batch of National Service programme!

(A total of 343 graduates from 112 islands – 113 under 18years, 230 over years of age. Out of the 343, 280 are males, 63 are females). pic.twitter.com/2q1BswKeLE

— Dr Mohamed Muizzu (@MMuizzu) May 17, 2026

ވަޠަނީ ޚިދުމަތުގެ ޕްރޮގްރާމަކީ ދިވެހި ޒުވާނުންނަކީ ގައުމަށް ބޭނުންތެރި، ޒިންމާދާރު ބަޔަކަށް ހެދުމަށްޓަކައި ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުގެ ސަރުކާރުން ވަރަށް ބޮޑު އިސްކަމެއް ދެއްވައިގެން ކުރިއަށްގެންދަވާ ޕްރޮގްރާމެކެވެ.