އިސްރާއީލުގެ ގާނޫނު ހަދާ މަޖިލީހުގެ އެންމެ މަތީ ޝަރަފު ”ސްޕީކާ އޮފް ދަ ކްނެސެޓް މެޑަލް“ އިންޑިއާގެ ބޮޑުވަޒީރު ނަރެންދުރަ މޯދީއަށް އަރުވައިފިއެވެ.
މިއީ އިންޑިއާގެ ތާރީހުގައި އެ ގައުމުގެ ބޮޑުވަޒީރަކަށް އިސްރާއީލުން މިފަދަ މަތީ ޝަރަފެއް އެރުވި ފުރަތަމަ ފަހަރެވެ. އިސްރާއީލުގެ ޕާލަމެންޓުގައި މޯދީ ދެއްކި ވާހަކަތަކަށްފަހު މި މެޑަލް ހަވާލުކޮށްދިނީ ކްނެސެޓްގެ ރައީސް އަމީރު އޮހާނާއެވެ. މި އެވޯޑު މޯދީއަށް ދިނީ ދެ ގައުމުގެ ދެމެދުގައި އޮތް ސްޓްރެޓެޖިކް ގުޅުންތައް ހަރުދަނާކުރުމަށް މޯދީ ގެންގުޅޭ ހަރުދަނާ ލީޑަޝިޕްގެ އަގުވަޒަން ކުރުމުގެ ގޮތުން ކަމަށްބުނެއެވެ.
މިއީ ވޭތުވެދިޔަ ނުވަ އަހަރު ދުވަހުގެ ތެރޭގައި މޯދީ އިސްރާއީލަށް ކުރި ދެވަނަ ދަތުރެވެ. އިސްރާއީލަށް މޯދީ ދިއުމުން އެއާޕޯޓުން މަރުހަބާ ކިޔާފައިވަނީ މުސްލިމުންގެ ލެއިން ތަތްތެޅިފައިވާ އަނިޔާވެރި ޔަހޫދީންގެ ބޮޑުވަޒީރު ބެންޖަމިން ނަތަންޔާހޫ އާއި އޭނާގެ އަނބިމީހާއެވެ. މި ދަތުރާއެކު މޯދީގެ އަމިއްލަ ޤައުމު އިންޑިއާގެ އެތައް ހާސް ރަައްޔިތުން ދަނީ ފާޑުކިޔުން އަމާޒުކުރަމުންނެވެ.
