ރަމަޟާން މަހުގެ ފަހު ދިހައެއް ހިމެނޭ ދުވަސްތަކަކީ ސަރުކާރު ބަންދު ދުވަސްތަކެއް ނަމަވެސް, ފަހު ދިހައެއްގެ ދެދުވަހަކު ޢާންމުންނަށާއި ބޭންކުތަކަށް ޚިދުމަތް ދިނުމަށް އެމްއެމްއޭ ހުޅުވާނެކަމަށް މޯލްޑިވްސް މަނިޓަރީ އޮތޯރިޓީ (އެމްއެމްއޭ) އިން ހާމަކޮށްފިއެވެ.
މިކަމާ ގުޅިގެން އެމްއެމްއޭ އިން ހާމަކޮށްފައިވާ ގޮތުގައި، ރަމަޟާން މަހުގެ ފަހު ދިހައެއްގައި ޚިދުމަތް ދިނުމަށް ހަމަޖެހިފައިވަނީ އަންނަ މާރިޗު މަހުގެ 11 ވަނަ ދުވަހާއި 18 ވަނަ ދުވަހުއެވެ. މި ދެދުވަހު އެމްއެމްއޭއިން ޚިދުމަތް ދިނުމަށް ހަމަޖެހިފައިވަނީ، ހެނދުނު 09:00 އިން ފެށިގެން މެންދުރުފަހު 13:00 އާއި ހަމައަށް ކަމަށްވެސް އެމްއެމްއޭ އިން ބުންޏެވެ.
https://t.co/zZpFfhwiSk pic.twitter.com/MUv0PjPikJ
— MMA (@MMA_Maldives) February 22, 2026
އެމްއެމްއޭ އިން ބުނެފައިވަނީ އަންނަ މާރިޗު މަހުގެ 11 އަދި 18 ވަނަ ދުވަހު ފައިސާ ދޫކޮށް ބަލައިގަތުމާއި، ސިޓީ އަދި އެހެނިހެން ތަކެތި ބަލައިގަތުމުގެ ހުރިހާ ޚިދުމަތެއް ކުރިއަށް ދާނީ ހެނދުނު 09:00 އިން ފެށިގެން މެންދުރުފަހު 12:00 އާއި ހަމައަށް ކަމަށެވެ.
ރަމަޟާން މަހުގެ ފަހު ދިހައެއް ހިމެނޭ ދުވަސްތަކަކީ ސަރުކާރު ބަންދު ދުވަސްތަކެއް ނަމަވެސް، އެކިއެކި އިދާރާތަކުން ރައްޔިތުންނަށް ކޮންމެހެން ފޯރުކޮށް ދޭންޖެހޭ ޚިދުމަތްތައް ފޯރުކޮށްދިނުމަށް އަބަދުވެސް މަސައްކަތް ކުރަމުން އަންނަކަން ފާހަގަކޮށްލަންޖެހެއެވެ.
