އަންނަ އެޕްރީލް 04 ވާ ހޮނިހިރު ދުވަހު ބޭއްވުމަށް ހަމަޖެހިފައިވާ ލޯކަލް ކައުންސިލްތަކުގެ އިންތިޚާބާއި އަންހެނުންގެ ތަރައްޤީއަށް މަސައްކަތްކުރާ ކޮމިޓީގެ އިންތިޚާބަށް، ކުރިމަތިލާ ޝަރުޠު ހަމަވެފައިވާ ފަރާތްތަކުގެ ތެރެއިން، މާލެ ސިޓީގެ ލޯކަލް ކައުންސިލްތަކުގެ އިންތިޚާބާއި އަންހެނުންގެ ތަރައްޤީއަށް މަސައްކަތްކުރާ ކޮމިޓީގެ ނަންތައް ތަރުތީބު ކުރުމަށްޓަކައި ބާއްވާ ގުރުއަތުނެގުން މިއަދު ކުރިއަށް ގެންގޮސްފިއެވެ.
ކެންޑިޑޭޓުންގެ ނަންބަރު ތަރުތީބުކުރިއިރު، ޕީއެންސީގެ ފަރާތުން މާލޭގެ މޭޔަރުކަމަށް ވާދަކުރައްވާ ރޓޑ މޫސާ ޖަލީލަށް ލިބިވަޑައިގަތީ ކެންޑިޑޭޓް ނަންބަރު 4 އެކެވެ. މިއީ މިދިޔަ ރިޔާސީ އިންތިޚާބުގައި މިހާރުގެ ރައީސް ޑރ. މުޢިއްޒު އަށްވެސް ލިބިވަޑައިގަތް ކެންޑިޑޭޓް ނަންބަރެވެ. އަދި އިދިކޮޅު އެމްޑީޕީގެ މޭޔަރު ކެންޑިޑޭޓް މިހާރުގެ މޭޔަރ އާދަމް އާޒިމްއަށް ލިބިވަޑައިގަތީ މިދިޔަ ރިޔާސީ އިންތިޚާބުގައި ކުރީގެ ރައީސް އިބޫ ސޯލިހުއަށްވެސް ލިބިވަޑަގެންނެވި 3 ނަންބަރެވެ. މިދިޔަ ރިޔާސީ އިންތިޚާބުގައި 3 ނަންބަރު ވަނީ ބޮޑު ނާކާމިޔާބީއަކާ ކުރިމަތިލާން ޖެހިފައެވެ. އެހެންކަމުން ޕީއެންސީގެ ސޯޝަލްމީޑިއާ އެކްޓިވިސްޓުން ބުނަމުންދަނީ މިއީ އެ ޕާޓީގެ ލަކީ ނަންބަރު ކަމަށާއި، އިންތިޚާބު ކާމިޔާބު ވުމުގެ އުންމީދުވެސް ބޮޑުކަމަށެވެ.
#Vote4MoosaJaleel#MoosaJaleel4Mayor pic.twitter.com/0Gd9DdiKOo
— Dr Mohamed Muizzu (@MMuizzu) February 12, 2026
ގުރުއަތުނެގުން ކުރިއަށް ދިޔައީ މިއަދު ހެނދުނު 10:00 ގައި އިންތިޚާބާބެހޭ މަރުކަޒުގައި (ކުރީގެ ޑްރަގް ކޯޓު) ގައެވެ. ސިޓީތަކާއި އެހެނިހެން ރަށްތަކުގައި ގުރުއަތު ނެގުން ކުރިއަށްދާނީ ކައުންސިލް އިދާރާގައި ނުވަތަ އެރަށެއްގެ ކައުންސިލުން ކަނޑައަޅާފައިވާ ތަންތަނުގައެވެ. މިގުރުއަތު ނެގުން ރާއްޖޭގެ ހުރިހާ ރަށެއްގައިވެސް ކުރިއަށްދިޔައީ އެއް ވަގުތެއްގައެވެ.
Candidate number 4 it is ! A number that already carries a winning history. Good luck @GeneralJaleel ❤️🇲🇻#Vote4MoosaJaleel#MoosaJaleel4Mayor #DhiveheengeRaajje #VoteDhoonyah pic.twitter.com/WWMkeQoDYm
— Mariyam Shiuna (@shiuna_m) February 12, 2026
ކެންޑިޑޭޓުންގެ ގުރުއަތުލުން ފަށާފައިވާއިރު ގުރުއަތު ނަގަން ދާންވާނީ ކެންޑިޑޭޓު އަމިއްލައަށް ނުވަތަ ބަދަލުގައި މީހަކު ފޮނުވައިގެން ކަމަށް އިލެކްޝަންސް ކޮމިޝަނުން ވިދާޅުވެއެވެ. އެގޮތުން ބަދަލުގައި މީހަކު ފޮނުވާނަމަ، އެކަން ބަޔާންކޮށް ކެންޑިޑޭޓުގެ ސިޓީއެއް ފޮނުވަންޖެހޭނެއެވެ. މި ސިޓީގައި ގުރުއަތުނަގަން ދާ މީހާގެ ނަމާއި، އައިޑީ ނަންބަރު އަދި އައިޑީ ކޮޕީ ހިމަންނަންވާނެ. އަދި ގުރުއަތު ނެގުމަށް އައިޑީ ކާޑުގެ އަސްލު ގެންދަންޖެހެއެވެ.
އެއްވެސް ކެންޑިޑޭޓަކަށް ހާޒިރުނުވެވޭނަމަ ނުވަތަ ބަދަލުގައި މީހަކު ނުފޮނުވޭނަމަ އެ މީހެއްގެ ފަރާތުން ގުރުއަތު ނަގާނީ އިލެކްޝަންސް ކޮމިޝަނުގެ މުވައްޒަފުންނެވެ.
އޭޕްރީލް މަހުގެ 4 ވަނަ ދުވަހު ބާއްވާ ލޯކަލް ކައުންސިލް އިންތިޚާބާއި އަންހެނުންގެ ތަރައްގީއަށް މަސައްކަތް ކުރާ ކޮމިޓީގެ އިންތިޚާބުގައި 2،994 ކެންޑިޑޭޓުން ވާދަކުރުމަށް ވަނީ ހުށައަޅާފައެވެ.
ނަން ތަރުތީބުކޮށްފައިވާ ކެންޑިޑޭޓުންގެ ދާއިމީ ލިސްޓް އިލެކްޝަންސް ކޮމިޝަންއިން ރަސްމީކޮށް އިޢުލާނު ކުރާނީ ހޮނިހިރު ދުވަހުކަމަށް އެ ކޮމިޝަނުން ބުނެފައިވެއެވެ.
މިފަހަރުގެ އިންތިޚާބުގައި 6 ސިޔާސީ ޕާޓީއަކުން ވާދަކުރެއެވެ. ސިޔާސީ ޕާޓީތަކުން 1210 ކެންޑިޑޭޓުން ވާދަކުރާއިރު އަމިއްލަ ގޮތުން ވާދަކުރަނީ 401 ކެންޑިޑޭޓުންނެވެ.
މީ އިއްތިފާގެއްނޫން..!! އިންޝާﷲ އަޅުގަނޑުމެންގެ ނަންބަރަކީ 4!!
.
.#Vote4MoosaJaleel#MoosaJaleel4Mayor#LCE2026 #DhiveheengeRaajje pic.twitter.com/cTxYjnpzya— Zarra (@Zarra_zeday_zaa) February 12, 2026
މި އިންތިޚާބުގައި ރަށު ކައުންސިލްތަކަށް 626 އަދި ސިޓީ ކައުންސިލްތަކަށް 52 ކައުންސިލަރުން އިންތިޚާބު ކުރާނެއެވެ. އަދި އަންހެނުންގެ ކޮމިޓީތަކަށްވެސް އެ އަދަދަށް މެންބަރުން އިންތިޚާބު ކުރާނެއެވެ. މިފަހަރުގެ އިންތިޚާބުގައި 294,937 މީހުންނަށް ވޯޓުލުމުގެ ޙައްޤު ލިބިގެންވެއެވެ.
