Tuesday, 17 November 2026
Ads by

ގަޞްދުގައި ދޮގު ފެތުރުމުގެ ސަބަބުން ޑިޖިޓަލް ސްޕޭސްތަކަށް އޮންނަ އިތުބާރު ގެއްލޭ: އިޙްސާން

ގަޞްދުގައި ދޮގު ފެތުރުމުގެ ސަބަބުން ޑިޖިޓަލް ސްޕޭސްތަކަށް އޮންނަ އިތުބާރު ގެއްލޭ: އިޙްސާން

ގަޞްދުގައި ދޮގު ފެތުރުމުގެ ސަބަބުން ހަޤީޤަތް ގެއްލި، ޑިޖިޓަލް ސްޕޭސްތަކަށް އޮންނަ އިތުބާރު ގެއްލިގެންދާނެ ކަމަށް ހޯމް މިނިސްޓަރު ޢަލީ އިޙްސާން ވިދާޅުވެއްޖެއެވެ.

Ad Image
Ads by

މިނިސްޓަރު އިޙްސާން މި މޭރުމުން ވިދާޅުވީ އޭއައި ޖެނެރޭޓެޑް ފޮޓޯއަކާ ގުޅުވައި މިނިސްޓަރުގެ ބޮލުގައި ދޮގު ތުހުމަތުތަކެއް އަޅުވަމުން އަންނަ ދަނޑިވަޅެއްގައި، އެކަމަށް ރައްދުދެއްވައި އެކްސްގައި ހިއްސާކުރެއްވި ޕޯސްޓެއްގައެވެ. ”އަލީ އާނިމް“ ގެ ނަމުގައި ހިންގަމުން އައި އެކްސް އެކައުންޓަކުން ޕޯސްޓުކޮށްފައިވާ އޭއައި ޖެނެރޭޓެޑް އެ ފޮޓޯއިން ފެންނަނީ ކުރީގެ ރައީސް ޑރ. މުޙައްމަދު ވަޙީދު ޙަސަން މަނިކާއި، ކުޑަކުދިންނަށް ޖިންސީ ގޯނާކުރިކަމުގެ ސީރިއަސް ތުހުމަތުތަކެއް ކުރެވޭ ޖެފްރީ އެޕްސްޓީންގެ އިތުރުން މިނިސްޓަރު އިޙުސާން ފޮޓޯއަކަށް ހުއްޓިލައިގެން ހުންނަ މަންޒަރެވެ.

މިނިސްޓަރު ވިދާޅުވީ، ސޯޝަލް މީޑިއާގައި މިހާރު ދައުރުކުރަމުން ގެންދަނީ އޭއައި ޖެނެރޭޓެޑް ފޭކު ފޮޓޯއެއް ކަމަށާއި، އޭގެ އަޞްލު ފޮޓޯއަކީ 25 ޖަނަވަރީ 2013 ވަނަ ދުވަހު މިނިސްޓަރުގެ އަމިއްލަ ފޭސްބުކް އެކައުންޓުގައި ޕޯސްޓުކޮށްފައިވާނެ ކަމަށެވެ. އޭގެ އަޞްލު ފޮޓޯއަކީ އެމެރިކާގެ މެރިން ކޯޕްސް ބޭސް ކުއަންޓިކޯގައި ބޭސިކް އޮފިސަރ ކޯސް ފުރިހަމަ ކުރަމުން ދިޔަ ދުވަސްވަރުގެ ފޮޓޯއެއް ކަމަށް މިނިސްޓަރު ވިދާޅުވިއެވެ. މި ފޮޓޯގައި މިނިސްޓަރުގެ އަރިހުގައި، އޭރުގެ ރާއްޖެއިން އެމެރިކާއަށް ކަނޑައަޅުއްވާފައި ހުންނަވާ ސަފީރު އަދި ފަސްޓް ސެކްރެޓަރީ ބައިވެރިވެވަޑައިގެންފައިވެއެވެ.

”މި ފޮޓޯ ސޯޝަލް މީޑިއާގައި ފަތުރަން އޭއައި ޓެކްނޮލޮޖީގެ ބޭނުން ނަހަމަ ގޮތުގައި ހިފައިގެން ސޯޝަލް މީޑިއާގައި ދައުރުވަމުންދާތީ އެކަން އަޅުގަނޑު ހަރުކަށި އިބާރާތުން ކުށްވެރިކުރަން. ގަޞްދުގައި ދޮގު ފެތުރުމުގެ ސަބަބުން ހަޤީޤަތް ގެއްލި، ޑިޖިޓަލް ސްޕޭސްތަކަށް އޮންނަ އިތުބާރު ގެއްލިގެންދޭ،“ — މިނިސްޓަރު އިޙްސާން ވިދާޅުވިއެވެ.

ފާހަގަކޮށްލެވޭ ގޮތުގައި، ޖެފްރީ އެޕްސްޓީންއާއި ކުރީގެ ރައީސް މުޙައްމަދު ވަޙީދު ޙަސަން މަނިކުގެ އީމެއިލްތަކެއް މި ފަހުން ވަނީ ލީކުވެފައެވެ. މިކަމާ ގުޅިގެން ރައީސުލްޖުމްހޫރިއްޔާގެ ސެޕެޝަލް އެންވޯއީގެ މަޤާމުން އޭނާ ވަނީ އަމިއްލައަށް އިސްތިޢުފާވެސް ދެއްވައިފައެވެ. އެ މުޢާމަލާތްތަކުން އެނގޭ ގޮތުގައި ވަޙީދާއި އެޕްސްޓީންގެ ގުޅުން 2012 ވަނަ އަހަރުން ފެށިގެން 2015 ވަނަ އަހަރާ ހަމައަށް ކުރިއަށް ގެންގޮސްފައިވެއެވެ. މިއީ އެޕްސްޓީންގެ މައްޗަށް 2008 ވަނަ އަހަރު ޖިންސީ ކުށުގެ ތުހުމަތުކޮށް، ޖަލަށްލައި އެތައް މަހެއް ވަންދެން ބަންދުގައި ހުރުމަށް ފަހު ދޫކޮށްލި ފަހުން ބޭއްވި ގުޅުމެކެވެ.

ކުޑަކުދިންނަށް ޖިންސީ ގޯނާކުރުމުގެ އިތުރުން ވެސް ޖިންސީ އެތައް ކުށެއްގެ މައްސަލައިގައި ޖަލަށް ލާފައި ވަނިކޮށް މަރުވި އެޕްސްޓީންއާ ގުޅޭ ކަންކަން ޢާންމުންގެ ސަމާލުކަމަށް މި ފަހަރު އައީ އެމެރިކާގެ ކަމާ ބެހޭ އިދާރާތަކުން މިދިޔަ ހުކުރު ދުވަހު ޢާންމު ކުރުމުންނެވެ.

Ads by
މިލިޔުމާއި ގުޅޭ

ކޮމެންޓް

guest
0 ކޮމެންޓް
ކުރީގެ
ފަހުގެ އެންމެ ގިނަ ވޯޓް
ހަބަރުގެ ތެރެއިން ހިޔާލު
...ހިޔާލުތައް ކިޔާލުމަށް
Ads by
ފަހުގެ ޚަބަރު
mutholibi and saeed
"އަދަދު" ނޫސްވެރިން 2 މިނިސްޓަރަކާއި މަގުމަތިން ދިމާކޮށް ފުރައްސާރަކޮށްފި
large_thumb_1794838270108
މާފަރާއި ފޮއްދޫގައި އަލަށް ބިނާކުރި ފުލުހުންގެ މަރުކަޒު ރަސްމީކޮށް ހުޅުވައި ޚިދުމަތް ދޭން ފަށައިފި
vazeerunge majilis
ސިޔާސަތުތަކަށް ފަންނީ ތަޖުރިބާކާރުންގެ އިލްމީ ލަފާ ހޯދަން ކޮމިޓީތަކެއް އުފައްދަވަނީ
big_y0OjWZ5sc0AZ00GFfi0UbJiYK
2028 ގައި ރައީސް މުޢިއްޒަށް ދެވަނަ ދައުރެއް ދިނުމަކީ ޤައުމުގެ ހަމަޖެހުމަށް އޮތް ހަމައެކަނި މަގު: ޢަބްދުއްރަޙީމް
Ads by
މަގުބޫލު
Dhivehi Raeesun 123
ޖުމުހޫރީ ދުވަސް: އަމިއްލަ މިނިވަންކަމާއި، ސިޔާދަތާއި އިސްތިޤުލާލުގެ ތާރީޚީ ރަމުުޒު
IMG_3293
2015 ގައި މާބަނޑު އަންހެނަކު މަރުވި އެކްސިޑެންޓް: ފިރިމީހާއާއި ދަރިފުޅު މަރުގެ ދިޔަ ބޭނުމެއް ނުވި
Adam Azim 1414
ވެރިކަމުގައި އިބޫ ނުވަތަ ނަޝީދު ހުންނެވި ނަމަ ރަސްމާލެ އޯކޭ: އާޒިމް
Moosun2525
ދުނިޔޭގެ މޫސުމަށް ބޮޑެތި ބަދަލުތަކެއް އަތުވެދާނެ ކަމުގެ އިންޒާރު ނާސާއިން ދީފި
Dhivehi Raeesun 123
ޖުމުހޫރީ ދުވަސް: އަމިއްލަ މިނިވަންކަމާއި، ސިޔާދަތާއި އިސްތިޤުލާލުގެ ތާރީޚީ ރަމުުޒު
IMG_3293
2015 ގައި މާބަނޑު އަންހެނަކު މަރުވި އެކްސިޑެންޓް: ފިރިމީހާއާއި ދަރިފުޅު މަރުގެ ދިޔަ ބޭނުމެއް ނުވި
Adam Azim 1414
ވެރިކަމުގައި އިބޫ ނުވަތަ ނަޝީދު ހުންނެވި ނަމަ ރަސްމާލެ އޯކޭ: އާޒިމް
Moosun2525
ދުނިޔޭގެ މޫސުމަށް ބޮޑެތި ބަދަލުތަކެއް އަތުވެދާނެ ކަމުގެ އިންޒާރު ނާސާއިން ދީފި