ވިލުފުށީގައި އިންތިޚާބުކުރަން ޖެހެނީ ކައުންސިލުގެ ރައީސާއި، ކައުންސިލުގެ ހަަތަރު މެންބަރުންނާއި، އަންހެނުންގެ ތަރައްޤީއަށް މަސައްކަތްކުރާ ކޮމިޓީގެ ރައީސާއާއި، އެ ކޮމިޓީގެ ހަތަރު މެންބަރުންނެވެ.
ވިލުފުށިން ކައުންސިލުގެ ރައީސްކަމަށް އަދި އަންހެނުންގެ ތަރައްގީއަށް މަސައްކަތްކުރާ ކޮމިޓީގެ ރައީސާގެ މަގާމަށް މިނިވަން ދެ ކެންޑިޑޭޓުން ވާދަކުރެއްވުމަށް ވަނީ ހަމަޖެހިފައެވެ. އެހެންކަމުން އެ ދެ ގޮނޑިއަށް ވާދަކުރައްވާ ދެ ކެންޑިޑޭޓުން އިންތިޚާބުކުރުމަށް ވޯޓު ނަގަންޖެހޭނެއެވެ.
އެހެންނަމަވެސް ކައުންސިލަށް ވާދަކުރައްވާ އަށް ކެންޑިޑޭޓުންނަކީ ޕީއެންސީގެ ފަރާތުން ވާދަކުރައްވާ ކެންޑިޑޭޓުންނަށް ވާތީ އެ އަށް ގޮނޑި ވަނީ އެ ޕާޓީއަށް ވޯޓު ނެގުމަކާ ނުލައި ލިބިފައެވެ.
ވިލުފުށީގެ އަށް ގޮނޑި ވޯޓުނެގުމަކާ ނުލައި ޕީއެންސީއަށް ލިބިފައިވާއިރު މި ސަރުކާރުން އަންނަނީ ވިލުފުށީގައި ޢުމްރާނީ ތަރައްޤީގެ ގިނަ މަޝްރޫއުތަކެއް ހިންގަމުންނެވެ. އެގޮތުން ވިލުފުށީ އެއަރޕޯޓް އެޅުމުގެ މަސައްކަތް ހިމެނެއެވެ.
