އިންތިޚާބަކާ ނުލައި ހއ. ބާރަށާއި އުތީމު ކައުންސިލް ރައީސްގެ ގޮނޑިވެސް ވެރިކަންކުރާ ޕީޕަލްސް ނޭޝަނަލް ކޮންގްރެސް (ކޮންގްރެސް ޕާޓީ) އަށް ލިބިއްޖެ އެވެ.
ހއ. އަތޮޅުގެ ދެ ރަށުގެ ރައީސްކަން ޕީއެންސީއަށް ލިބުނުކަން އިއުލާނުކުރެއްވީ ރައްޔިތުންގެ މަޖިލީހުގެ ބާރަށު ދާއިރާގެ މެންބަރު އިބްރާހީމް ޝުޖާއު ’އެކްސް‘ ގައި ކުރެއްވި ޕޯސްޓެއްގަ އެވެ.
🎶ޖޯޝޭގެނައިމީ ޤައުމީ ޤަޢުމީ އުފާ އައިމީ މޫސުމްދޭ ޚިޔާލުގާ ވީރާނާކަން ނެތި ކޮށްލީވީރާ🎶
މަރުޙަބާ ހއ.އުތީމު ކައުންސިލްގެ އިންތިޚާބީ ރައީސް ޢަބްދުالله ރަޝީދު.މާތްاللهގެ ވާގިފުޅާއެކު ރައީސް ޑރ @MMuizzu ޒަޢާމަތުގައި އަބްދުالله ރަޝީދުގެ ރައީސް ކަމުގެ ދައުރުގައި އުތީމު ރައްޔިތުން… pic.twitter.com/uB9OJjwJq3
— Ibrahim Shujau (@IbrahimShujaau) February 1, 2026
ޝުޖާޢުގެ ޕޯސްޓުގައި ވާގޮތުން، ބާރަށު ކައުންސިލްގެ ރައީސްކަން ލިބިފައިވަނީ ޢަލީ ޝަމީމް (އަލިބެ) އަށެވެ. އުތީމު ކައުންސިލްގެ ރައީސްކަން ކަށަވަރުވެފައިވަނީ ޢަބްދުﷲ ރަޝީދު އަށެވެ.
🎶އެރޭ ހާދަރުއިމޭ ހަނދާންވޭ އެމަންޒަރު
ދުށީން ދާދި ކައިރިން…🎶🥺މަރުޙަބާ ބާރަށު ކައުންސިލްގެ އިންތިޚާބީ ރައީސް ޢަލީ ޝަމީމް (އަލިބެ).މާތްاللهގެ ވާގިފުޅާއެކު ރައީސް ޑރ @MMuizzu ޒަޢާމަތުގައި ޢަލިބެގެ ރައީސް ކަމުގެ ދައުރުގައި ބާރަށު ރައްޔިތުން ތަރައްޤީގެ އައު އުސްމިންތަކެއް ހާސިލް… pic.twitter.com/Mslmu3oxzC
— Ibrahim Shujau (@IbrahimShujaau) February 1, 2026
މި ރަށްތަކުގެ ކައުންސިލް ރައީސްކަމުގެ ގޮނޑި ކަށަވަރުވީ އިތުރު ކެންޑިޑޭޓުން ކުރިމަތިލާފައި ނުވާތީއެވެ.
މީގެއިތުރުން އިންތިޚާބަކާ ނުލައި އދ. އަތޮޅުގެ 2 ދާއިރާއެއްގެ ކައުންސިލް ރައީސްގެ ގޮނޑި އަދި އަންހެނުންގެ ތަރައްޤީއަށް މަސައްކަތްކުރާ ކޮމިޓީގެ ބައެއް ގޮނޑިތައް ވެރިކަން ކުރާ ޕީއެންސީއަށް ވަނީ ކަށަވަރުވެފައެވެ. ޕީއެންސީއަށް ކަށަވަރުވެފައި ވަނީ އދ. ދިއްދޫ އަދި އދ. މަންދޫ ކައުންސިލް ރައީސްގެ ގޮނޑި އެވެ.
މަޢުލޫމާތު ލިބޭގޮތުގައި ދިއްދޫ އަދި މަންދޫ ކައުންސިލްގެ ރައީސްގެ ގޮނޑި، ޕީއެންސީއަށް ލިބުނީ އެ ގޮނޑިތަކަށް އިތުރު ބަޔަކު ކުރިމަތިލާފައި ނުވާތީއެވެ.
