ކުރިއަށްއޮތް ލޯކަލް ކައުންސިލްތަކުގެ އިންތިޚާބުން މިހާރުގެ ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ބޮޑުކޮށް ބަލިކުރަން ވަރަށް ބޭނުން ކަމަށް ގަލޮޅު ދެކުނު ދާއިރާގެ މެމްބަރު މީކާއިލް އަހްމަދު ނަސީމް ވިދާޅުވެއްޖެ އެވެ.
މީކާއީލް މިފަދައިން ވިދާޅުވީ އެމްޑީޕީން ކުރިއަށް ގެންދިޔަ އެޕާޓީގެ ހަރުގެ ޖަލްސާގައި ވާހަކަ ދައްކަވަމުންނެވެ. އޭނާ ވިދާޅުވީ ކުރިއަށްއޮތް ކައުންސިލް އިންތިޚާބު ކާމިޔާބުކުރުމަށް އެމްޑީޕީން އެކަތިގަނޑަކަށްވެ، އެންމެން އެކުގައި ގިނަ މަސައްކަތްތަކެއް ކުރަންޖެހޭ ކަމަށެވެ. އަދި ނެރެން ބޭނުންވާ ނަތީޖާއަކީ ރައީސް މުޢިއްޒު ބޮޑުކޮށް ބަލިކުރުން ކަމުގައި އޭނާ ވިދާޅުވިއެވެ.
“ އަޅުގަނޑުމެން އެމްޑީޕީ އެކުއެކީގައި ނުކުމެ އިންތިޚާބުކާމިޔާބު ކުރަން ގިނަ މަސައްކަތްތަކެއް ކުރަންޖެހޭ، އަޅުގަނޑު އެދެނީ ރައީސް މުޢިއްޒު ބޮޑުކޮށް ބަލިކުރަން“ މީކާއިލް ވިދާޅުވިއެވެ.
މީކާއިލްގެ ވާހަކައިގައިވަނީ ރާއްޖޭގެ ރައީސް އިލެކްޝަން ކޮމިޝަންގެ ރައީސްއާއި އެކު ސިއްރު ބައްދަލުވުންތަކެއް ބާއްވާކަމަށް ތުހުމަތުކުރައްވާފައެވެ. އަދި ސަރުކާރަށާއި، ރައީސް މުޢިއްޒުގެ މުހިންމު ނިންމެވުންތަކަށް ވަރަށްބޮޑަށް ފާޑުވިދާޅުވިއެވެ.
ކައުންސިލް އިންތިޚާބަށް ދާއިރު މި އިންތިޚާބު މުހިންމު ވަނީ މިއީ ދިވެހިންގެ ޑިމޮކްރަޓިކް ޕާޓީގެ އެތަށް މެންބަރުންނެއްގެ އެތައް އަހަރަކު ކުރެއްވި ބުރަ މަސައްކަތުން އުފަންކުރި ޖަވާބުދާރީ ކުރުވަނިވި ދަޢުލަތެއްގެ މި ފުރިހަމަ ނިޒާމް ދެމެހެއްޓުމަށް ލިބޭނޭ އެންމެ ފަހުގެ ފުރުސަތަށް މިއިންތިޚާބުވާތީ ކަމަށް މީކާއިލް ވިދާޅުވިއެވެ.
