ބޭންކް އޮފް މޯލްޑިވްސް (ބީއެމްއެލް) އިން މަމްސް އެއިޑްގެ ”ބެކް ޓު ސްކޫލް“ ކެމްޕޭނަށް 100،000 ރުފިޔާ ހަދިޔާކޮށްފިއެވެ.
ބީއެމްއެލް އިން ވިދާޅުވީ، މި ކެމްޕޭނަކީ ކުރިއަށް އޮތް ދިރާސީ އާ އަހަރާ ދިމާކޮށް ސްކޫލަށް ތައްޔާރުވުމަށް ދަތިތަކާ ކުރިމަތިލާން ޖެހިފައިވާ އާއިލާތަކަށް އެހީތެރިވުމަށް ހިންގާ ކެމްޕޭނެއް ކަމަށެވެ.
މި ކެމްޕޭނުން މަމްސް އެއިޑުގެ ކެއާ ލިސްޓުގައި ހިމެނޭ އާއިލާތަކަށް އެހީތެރިކަން ފޯރުކޮށްދޭނެއެވެ.
ވޭތުވެދިޔަ އަހަރުތަކުގައި މަމްސް އެއިޑުން ހިންގި އެކި ހަރަކާތްތަކަށްވެސް ބޭންކުން ވަނީ އެކި ގޮތްގޮތުން އެހީތެރިކަން ފޯރުކޮށްދީފައެވެ. މިގޮތުން މިދިޔަ އަހަރު ބީއެމްއެލް އިސްލާމިކުން ބެކް ޓު ސްކޫލް ކެމްޕޭނަށް ހަދިޔާކޮށް، 100 ކުދީންނަށް އެހީތެރިކަން ފޯރުކޮށްދީފައި ވެއެވެ.
ބީއެމްއެލް އިން އަމިއްލަ ޖަމިއްޔާތަކަށާއި، ސަރުކާރަށް އަދި މުޖްތަމަޢުއަށް ބޭނުންތެރި ކަންކަމުގައި މިފަދަ އެތައް އެހީއެއް ދަނީ ފޯރުކޮށްދެމުންނެވެ.
