ސަރުކާރާ ދެކޮޅު ޕޮލިސީއެއް ގެންގުޅޭ ކަމަށް ބުނެ ޚަބަރު ފަތުރަމުންދާ އަދަދު ނޫހުން ސަރުކާރަށް ފާޑުކިޔުމުގެ ނަމުގައި އިސްލާމްދީނަށް ހަޖޫޖަހާ ކާޓޫނު ކުރެހުން އިދިކޮޅު އެމްޑީޕީން ދިފާއުކޮށްފިއެވެ.
އަދަދު ނޫހުން ސަރުކާރުގެ ސިޔާސަތުތަކަށް ފާޑުކިޔުމުގެ ނަމުގައި ވެރިންނަށާއި ސަރުކާރުގެ އެކިފަރާތްތަކަށް ފުރައްސާރަކޮށް ހަދަމުންދާ ސިޔާސީ ކާޓޫން ކޮންޓެންޓް ހައްދުން ނައްޓާ މިފަހަރު ކުރަހާފައިވަނީ ނަމާދުކުރާ މީހެއްގެ ޖީބުން މީހަކު ފައިސާ ވަގަށްނަގާ ގޮތަށް ހުރި ކާޓޫނެކެވެ. އިސްލާމްދީނަށް ފުރައްސާރަކޮށް ކާޓޫނު ކުރެހި މައްސަލާގައި މީޑިއާ ކޮމިޝަނުން އެ ކޮންޓެންޓު ފޮހެލުމަށާއި، އެކަމާގުޅިގެން ކޮމިޝަނަށް ޖަވާބުދާރީވުމަށް އަދަދު ނޫހަށް އެންގުމުން އެނޫހުން ހުއްޖަތްދައްކާ އެކަން ވަނީ ދިފާއުކޮށްފައެވެ. މިކަމާގުޅިގެން ވަރަށް ގިނަ ރައްޔިތުން ވަނީ އަދަދު ނޫހަށް ވަރަށް ބޮޑަށް ފާޑުކިޔާފައެވެ.
އެހެންނަމަވެސް އިސްލާމްދީނަށް ފުރައްސާރަކުރުމުގެ މާޒީއެއްވެސް އޮތް، އިދިކޮޅު އެމްޑީޕީގެ އިސްފަރާތްތަކުން ދަނީ މިކަން ދިފާޢުކޮށް އަދަދު ނޫހަށް ހިތްވަރުދެމުންނެވެ. އޭގެ ތެރެެއިން އެމްޑީޕީ ވެރިކަމުގެ ޑިފެންސް މިނިސްޓަރ މާރިޔާ ދީދީ ފާހަގަކޮށްލެވެއެވެ. މާރިޔާ ދީދީ ވަނީ އިސްލާމްދީނަށް ފުރައްސާރަ ކުރުމަށް ހިތްވަރުދީ ވާހަކަ ދައްކާފައެވެ. އެގޮތުން އޭނާގެ އެކްސްގައި ކުރި ޕޯސްޓެއްގައި ބުނީ އަދަދު ނޫހުގައި އިއްޔެ ޝާއިއުކުރި ދީނަށް ހަޖޫޖެހި ޕޯސްޓަކީ ސަރުކާރަށް ފާޑުކިޔާ ކުރެހުމެއް ގޮތުގައި މާރިޔާ ވަނީ ސިފަކުރައްވާފައެވެ. އަދި މީޑިއާ ރެގިއުލޭޓްކުރާ ކޮމިޝަނަކީ މީޑިއާ ކޮންޓްރޯލްކުރާ ކޮމިޝަނެއްގެ ގޮތުގައި މާރިޔާ ވަނީ ސިފަކުރައްވާފައެވެ.
Adhadh news has been instructed by the Media Control Commission to take down a satire drawing which was published yesterday on Adhadh news.
My curiosity, like many others is now aroused!! https://t.co/cqRgN4lImV— Mariya Didi 🇲🇻 (@MariyaDidi) January 23, 2026
ތަރީޚަށް ނަޒަރު ހިންގާލާއިރު މިފަދަ ކޮންމެ ދީނާޚިލާފު ކަމެއް ނުވަތަ އިސްލާމްދީނަށް ފުރައްސާރަކުރާ ބައެއްގެ ދިފާޢުގައި އެމްޑީޕީން ވަކާލާތުކުރެއެވެ.
