މާލޭ، މާފަންނު ގަޑިބުރު ކައިރީގައި ހުރި ގެޔެއްގެ ކޮޓަރި ތެރޭގައި މަރުވެފައި އޮތް މީހަކު ފެނިއްޖެއެވެ.
ރޭ 23:33 ހާއިރު މީހަކު މަރުވެފައި އޮއްވައި ފެނިގެން ރިޕޯޓް ކުރުމާއި ގުޅިގެން ފުލުހުން ވަނީ އެ ގެޔަށްގޮސް ހެޒްމެޓް ސޫޓު ލައިގެން ހަރަކާތްތެރިވެފައެވެ.
ނިޔާވެފައި އޮއްވައި ފެނުނީ، އުމުރުން 57 އަހަރުގެ އަހްމަދު ފަޔާޒް ކިޔާ މީހެކެވެ. އޭނާ ނިޔާވެފައި އޮއްވައި ފެނުނީ، މ. ނަލަހިޔާ މަންޒިލް ގޭގެ ކޮޓަރިއެއްގައެވެ.
ނިޔާވެފައި އޮއްވައި ފެނުނު މީހާގެ ހަށިގަނޑުގެ ބޭރުފުށުން އެއްވެސް އަނިޔާއެއް ލިބިފައިހުރިކަން ފެންނަން ނެތް ކަމުގައި ފުލުހުން ހާމަކުރިއެވެ.
