މިއަދު މުޅި ޤައުމު ސިއްސުވައިލީ ކެންސަރު ބަލީގައި އަލީ ޝާރިފް ނިޔާވި ހަބަރާ އެކީގައެވެ. އެންމެންވެސް ސިފަކުރާ ގޮތުން އޭނާއަކީ މަޑުމައިތިރި ހިތްހެޔޮ މިޒާޖެއްގެ ވެރިއެކެވެ.
އޭނާ މި ދުނިޔެ ދޫކުރީ ބައްޕަ ނިޔާވިތާ 10 މަސް ވީ ފަހުންނެވެ. ޝާރިފްގެ ބައްޕަ ނިޔާވީ މިދިޔަ އަހަރުގެ ނޮވެމްބަރު މަހުގެ 11 ވަނަ ދުވަހުއެެވެ. ބައްޕަގެ ޖަނާޒާގެ ހުރިހާ ކަމެއްގައި ވެސް އޭނާ އުޅުނީ ގަދަފަދަ ހާލުގައެވެ. އެހެން ނަމަވެސް ކޮންމެ ސިކުންތަކު ވެސް ދިރިއުޅުން ބަދަލުވެދާނެ ކަމީ އޭގައި ޝައްކެއް އޮތް ކަމެއް ނޫނެވެ.
ޝާރިފް އޭނާގެ ފޭސްބުކްގައި ދާދި ފަހުން ކޮށްފައިވާ ޕޯސްޓެއް މީސް މީޑިއާގައި ދައުރުވަމުން އެބަދެއެވެ. އެ ޕޯސްޓުގައި ބުނެފައިވަނީ އެކި މީހުންނާ މަރު އައިސް ކުރިމަތިލަމުންދާ ކަމަށާއި الله ތަޢާލާ އަހަރެމެންނަށް ހެޔޮނިމުން މިންވަރު ކުރެއްވުމަށް އެދި ދުޢާކުރާ ކަމަށެވެ.
އޭގެ ކުރިން ކޮށްފައިވާ ޕޯސްޓެއްގައި ބުނެފައިވަނީ ”އަހުރެންގެ ހިތުގައި އެއްވެސް މީހަކަށް ނަފްރަތްތެރިކަމެއް ހަސަވެރި ކަމެއްނެތް ހިތް ވަރަށް ސާފް މާދަންވެސް މި ފަނާވެނި ދުނިޔެއަށް ވަކިވެދާނެ އެންމެންވެސް އަޅުގަނޑާ ހިތްހެޔޮކުރާތި“ މިހެންނެވެ.
إِنَّا لِلَّٰهِ وَإِنَّا إِلَيْهِ رَاجِعُونَ،
މާތް ﷲ އޭނާގެ ފުރާނަ މަތިވެރިވެގެންވާ ޖަންނަތުލް ފިރުދައުސްގައި ލައްވާށިއެވެ! އަދި އާއިލާއަށް ކެތްތެރިކަން މިންވަރު ކުރައްވާށިއެވެ! އާމީން.
އާމީން 🤲