ޕޮލިސް ޓޯޔާޑުގައި ހުރި ވެހިކަލްތަކަކަށް ފުލުހުން ގެއްލުންދޭ މަންޒަރު ކަމަށް ބުނެ ދައުރުވާ ވީޑިއޯގައި ފެންނަ ވެހިކަލްތަކަކީ ނައްތާލަން ގެންދިޔަ ވެހިކަލްތަކެއް ކަމަށް ފުލުހުން ބުނެފިއެވެ.
މާލޭ މެރީބްރައުން ކައިރީގައި ހުންނަ ފުލުހުންގެ ޓޯޔާޑަށް ގެންދިޔަ ސައިކަލުތަކެއް ޕިކަޕަކުން އުކާލާ މަންޒަރު ފެންނަ ވީޑިއޯ އެއް ދަނީ ދައުރުވަމުންނެވެ. އެތަނުން ސައިކަލެއްގައި ފުލުސް އޮފިސަރަކު ފައިން ޖަހާ ސައިކަލެއް ބިން މައްޗަށް ވައްޓާލާ މަންޒަރު ވީޑިއޯއިން ފެނެއެވެ.
ދައުރުވަމުންދާ ވީޑިއޯއާ ގުޅިގެން މީޑިއާތަކަށް ފޮނުވި މެސެޖެއްގައި ފުލުހުން ބުނެފައިވަނީ އެ އުޅަނދުތަކަކީ ގަވައިދުގެ ތެރެއިން ނައްތާލަން ހަމަޖެހިފައިވާ ވެހިކަލްތަކެއް ކަމަށެވެ.
އިއްޔެ ނައްތާލެވުނު ވެހިކަލްތަކުގެ އަދަދު:
- ސައިކަލު: 247
- ހަތަރު ފުރޮޅުލީ އުޅަނދު: 29
- ބައިސްކަލު: 223
- އެމްބިއުލާންސް: 1
