ފުޅާދާއިރާއެއްގައި ޑޮލަރުގެ ވަގު ވިޔަފާރި ކުރަމުން ދިޔަ 5 ބިދޭސީއަކު އިމިގްރޭޝަނުން އަތުލައިގެންފިއެވެ.
މިކަން ހާމަކޮށް އިމިގްރޭޝަން އިން އިއްޔަ ”އެކްސް“ގައި ކުރި ޕޯސްޓެއްގައި ބުނެފައިވަނީ ޓާސްކް ފޯސްއަށް ލިބުނު މައުލޫމާތަކާއި ގުޅިގެން ހާއްސަ ރެއިޑެއް ކުރިއަށް ގެންގޮސްފައިވާ ކަމަށެވެ.
މި ރެއިޑްގައި ގަވާއިދާ ހިލާފަށް ފުޅާދާއިރާއެއްގައި ކަޅު ބާޒާރުގައި ޑޮލަރުގެ ވިޔަފާރި ކުރަމުންދާ 05 ބިދޭސީއަކު އިމިގްރޭޝަން ބެލުމުގެ ދަށަށް ގެންގޮސްފައިވާ ކަމަށާއި އަދި މި މީހުން އަތުން ގިނަ އަދަދެއްގެ ފައިސާ ގެ އިތުރުން ޑެބިޓް/ކްރެޑިޓް ކާޑު ފެނިފައިވާ ކަމަށް އިމިގްރޭޝަނުން ހާމަކޮށްފައިވެއެވެ.
އަދި އޭގެ އިތުރުން އިިމިގްރޭޝަނުން ބުނެފައިވަނީ މި މައްސަލައާއި ގުޅިގެން އިތުރަށް ތަހުގީގު ކުރެވެމުން ދާ ކަމަށާއި އަދި އިތުރު ތަފްސީލު ފަހުން ހިއްސާކުރާނެ ކަމަށެވެ.
ޓާސްކު ފޯސް އަށް ލިބުނު މަޢުލޫމާތެއްގެ އަލީގައި، އިމިގްރޭޝަނާއި ފުލުހުން ގުޅިގެން، މިއަދު ވަނީ ހާއްސަ ރެއިޑެއް ކުރިއަށް ގެންގޮސްފައި. މި ރެއިޑުގައި ގަވާއިދާ ހިލާފަށް، ފުޅާދާއިރާއެއްގައި ކަޅު ބާޒާރުގައި ޑޮލަރުގެ ވިޔަފާރި ކުރަމުންދާ 05 ބިދޭސީއަކު ވަނީ އިމިގްރޭޝަން ބެލުމުގެ ދަށަށް… pic.twitter.com/rrAE4vigsM
— Maldives Immigration (@ImmigrationMV) September 5, 2024
ގަވާއިދާ ހިލާފަށް ރާއްޖޭގައި އުޅޭ ބިދޭސީން ހޯދުމަށް އިމިގްރޭޝަން އާއި ކަމާ ބެހޭ އިދާރާއިން ދަނީ ހާއްސަ އޮޕަރޭޝަންތަކެއް ކުރިއަށް ގެންގޮސްފައެވެ. މި ރެއިޑް އޮޕަރޭޝަންގެ ދަށުން ބައިވަރު ބިދޭސީން އިމިގްރޭޝަންގެ ދަށަށް ގެންގޮސްފައިވެއެވެ.މި އޮޕަރޭޝަންތަކުގައި ގެންދާ އެއްވެސް ބިދޭސީ އަކަށް ދެވަނަ ފުރުސަތެއް ނުދޭނެކަމަށް އެ އިދާރާއިން ބުނެއެވެ.
