މާލޭގައި އަންހެނަކު ކަރުގައި ވަޅި ޖައްސާ ރަހީނުކުރި އަތުހަރު އަމިއްލައަށް މަރުވާން މަސައްކަތް ކޮށްފިއެވެ.
ފުލުހުން މީޑިއާތަކާ ހިއްސާކުރި މެސެޖެއްގައި ބުނީ އަތުހަރު އަމިއްލައަށް މަރުވާން އުޅެނިކޮށް ސަލާމަތްކޮށް، އޭނާ ހޮސްޕިޓަލަށް ގެންގޮސްފައިވާ ކަމަށެވެ. މިކަމާއި ގުޅޭ އިތުރު ތަފްސީލެއް ފުލުހުން ދީފައެއް ނުވެއެވެ.
އަތުހަރު ރަހީނުކޮށް ކަރުގައި ވަޅި ޖައްސާ ބިރުދައްކާފައިވަނީ އޭނާގެ ލޯބިވެރިޔާއަށެވެ. އެ އަންހެން މީހާ ސަލާމަތްކުރުމަށް ފުލުހުން ހިނގި އޮޕަރޭޝަންގައި އަތުހަރަށްް ލިބުނު އަނިޔާތަކަށް ފަރުވާދިނުމަށްފަހު ހޮސްޕިޓަލުން ދޫކޮށްލުމުން އޭނާ ވަނީ ފުލުހުންގެ ހައްޔަރަށް ގެންގޮސްފައެވެ.
ފުލުހުން ބުނީ އަތުހަރު ޝަރީއަތް ނިމެންދެން ބަންދުކުރަން ކޯޓުން އަމުރު ނެރުނީ އޭނާގެ އައިރު ހާޒިރުގައި ކަމަށެވެ.
