އިންޑިއާގެ 2 ހޮސްޕިޓަލެއްކަމަށްވާ އެސްޓާ ސީއެމްއައި ހޮސްޕިޓަލް އަދި ސައިޓްކެއާ ހޮސްޕިޓަލުން އާސަންދަ ދިނުން ވަގުތީގޮތުން މެދުކަނޑާލައިފިއެވެ.
މި ދެ ހޮސްޕިޓަލަކީ ވެސް އާންމުކޮށް ދިވެހިން އާސަންދައިގެ ދަށުން ބޭސްފަރުވާ ކުރުމަށް ދަތުރު ކުރާ ބެންގަލޫރުގައި ހުންނަ 2 ހޮސްޕިޓަލެވެ.
އާސަންދައިން ހާމަކޮށްފައިވާ ގޮތުގައި މި 2 ހޮސްޕިޓަލުން އާސަންދަ ދިނުން މެދުކަނޑާލަން ޖެހުނީ މި 2 ހޮސްޕިޓަލުން ވެސް ކްރެޑިޓަށް ބޭސްފަރުވާދިނުން ހުއްޓާލުމަށް ނިންމާފައިވާތީއެވެ. އަދި މި 2 ހޮސްޕިޓަލުގެ އެދުމުގެ މަތިން މި 2 ހޮސްޕިޓަލަށް އާސަންދައިގެ ދަށުން ބޭސްފަރުވާކުރުމަށް ދާ ފަރާތްތައް ފޮނުވުން ވަގުތީ ގޮތުން ހުއްޓާލާފައިވާކަމަށް ވެސް އާސަންދައިން ހާމަކުރެއެވެ.
ޖެނުއަރީ 2022 އިން ފެށިގެން މި އަހަރުގެ ޖޫން މަހުގެ ނިޔަލަށް އާސަންދައިން އެސްޓަ ސީއެމްއައި ހޮސްޕިޓަލަށް 7,780,674ރ ހަރަދުކޮށްފައިވެއެވެ. އަދި އެ މުއްދަތުގައި ސައިޓް ކެއާ ހޮސްޕިޓަލަށް އާސަންދައިން ހަރަދުކޮށްފައިވަނީ 3,642,978ރ އެވެ.
އާސަންދަ ނިޒާމަކީ އިސްރާފުކަން ކުޑަ އަދި އެންމެ ޚައްޤުކަން ބޮޑު މީހުނަށް އެހީ ފޯރުކޮށްދެވޭ ނިޒާމަކަށް ހެދުމަށް އާސަންދަ ކުންފުނިން ދަނީ ގިނަ މަސައްކަތްތަކެއް ކުރަމުންނެވެ. އެގޮތުން އިތުރު އިންޝުއަރެންސެއް އޮންނަ މީހުންނަށް އާސަންދަ ލިބޭނީ އެ އިންޝުއަރެންސަކުން ކެނޑުމަށްފަހުގައިކަމަށް އާސަންދައިން މިހާރު ވަނީ ނިންމާފައެވެ.
ރައްޔިތުންނައް ދަތިވިޔަސް އޯކޭ , ރައީސް މީހާ އެންމެ ފަހުން ޗެކެއް ޖަހާލަން ސިންގަޕޫރަ…