އަމާޒަކީ ނޮވެމްބަރުގެ ކުރިން ޕީއެންސީއަށް 70,000 މެމްބަރުން ހަމަކުރުން ކަމަށް ޕީއެންސީގެ ޕާލިމެންޓަރީ ގްރޫޕުގެ ލީޑަރު އިބްރާހިމް ފަލާހު ވިދާޅުވެއްޖެއެވެ.
ފަލާހް މިފަދައިން ވިދާޅުވީ ޕީއެންސީން މިއަދު ކުރިއަށްގެންދިޔަ ނޫސްވެރިންގެ ބައްދަލުވުމުގައި ވާހަކަ ދައްކަވަމުންނެވެ.
ފަލާހް ވިދާޅުވީ ޕީއެންސީއަށް 70,000 މެމްބަރުން ހަމަކުރުމަކީ ރައީސް ޑރ. މުޙައްމަދު މުޢިއްޒުގެ އަމާޒެއް ކަމަށެވެ. އަދި އެ މަސައްކަތް މިހާރު ފަށާފައިވާ ކަމަށާއި ނޮވެމްބަރުގެ ކުރިން އެ އަދަދު ހަމަވާނެ ކަމަށް ލަފާކުރެވޭ ކަމަށެވެ.
ޕީއެންސީގެ މެމްބަރުންގެ އަދަދަކީ 28،704އެވެ. އެންމެ ގިނަ މެމްބަރުން ތިބެނީ ވެރިކަން ކުރާ މައި ޕާޓީ އެމްޑީޕީގައެވެ. އެމްޑީޕީގައި މިހާރު ތިބެނީ 50,980 މެމްބަރުންނެވެ.
