މަލާއިކަތުންނަށް އީމާންވުމުގެ ތެރޭގައި އެބޭކަލުން ހައްދަވާފައިވަނީ ނޫރުންކަން ގަބޫލުކުރަން ޖެހޭ ކަމަށް ހުކުރު ހުތުބާގައި ބުނެފިއެވެ.
ހުކުރު ހުތުބާގައި މިއަދު އަލިއަޅުވާލާފައިވާ މައުޞޫއަކީ ”މަލާއިކަތުންނަށް އީމާންވުން“ މިއެވެ.
ހުތުބާގައި ބުނީ މަލާއިކަތުންނަށް އީމާންވުމަކީ އީމާންކަމުގެ ރުކުނެއް ކަމަށާއި އެއީ الله ތަޢާލާ މާތްކުރައްވާފއިވަ މަހްލޫގުންތަކެއް ކަމަށެވެ. މުސްލިމުން މަލާއިކަތުންނަށް އީމާންވާން ޖެހެނީ ކީރިތި ޤުރްއާނާއި މާތް ނަބިއްޔާގެ ސުންނަތުން ސާބިތުވާ ގޮތައް ކަމަށާއި މަލާއިކަތުންނަކީ ފިރިހެން ނުވަތަ އަންހެން ޖިންސަށް ނިސްބަތްވާ ބައެއް ނޫން ކަމަށް ހުތުބާގައި ބުންޏެވެ.
ހުތުބާގައި ބުނީ ކާފިރުވި މީހުންގެ ތެރޭގައި މަލާއިކަތުންނާއި ދޭތެރޭ ނުބައި ގަބޫލުކުރުންތަކެއް ފެތުރިފައިވާ ކަމަށެވެ. އޭގެ ތެރޭގައި މަލާއިކަތުންނަކީ އަންހެން ޖިންސުގެ ބައެއް ކަމުގައި ގަބޫލުކުރުން ހިމެނޭ ކަމަށާއި އެއީ މާތް اللهގެ އަންހެން ދަރީންކަމުގައި ޔަހޫދީންނާއި މުޝްރިކުން ބުނާ ކަމަށެވެ.
އަދި މަލާއިކަތުންނަކީ ވަކި މަހުލޫގެއްގެ ބައެއް ކަމުގައި ނުވި ނަމަވެސް މާތް اللهގެ އިރާދަފުޅަށް އިންސާނުންގެ ސިފައިގައި މަލާއިކަތުން ފެނުމަކީ އެކަށީގެންވާ ކަމެއް ކަމަށް ހުތުބާގައި ބުންޏެވެ. މަލާއިކަތުންނަކީ މާތް اللهއަށް ކިޔަމަންގަތުމަށް ހައްދަވާފައިވާ ބައެއްކަން ފާހަގަކުރައްވާ ހުތުބާގައި ބުނީ މަލާއިކަތުންގެ އަދަދު މާތް الله ފިޔަވާ އެހެން އެއްވެސް މަހްލޫގަކަށް ނޭނގޭނެ ކަމަށެވެ.
