އިއްޔެ ބޭއްވިބައި އިލެކްޝަންގައި ވޯޓުލާ ނިކުމެފައިވަނީ މަދު ބަޔަކު ކަމަށާއި އިންތިހާބުގެ ނަތީޖާ ނުކުތް ގޮތަކާމެދު މާޔޫސްވާންވީ ސަބަބެއް ނެތް ކަމަށް އިދިކޮޅު އެމްޑީޕީގެ ޗެއާޕާސަން ފައްޔާޒް އިސްމާއިލް ވިދާޅުވެއްޖެއެވެ.
ރައީސް ޞާލިޙުުގެ ސަރުކާރުގެ އިކޮނޮމިކް މިނިސްޓަރ ފައްޔާޒު އެކްސްގައި ކުރެއްވި ޕޯސްޓެއްގައި ވިދާޅުވީ ކައުންސިލް ބައިއިލެކްޝަންތަކުގައި ވާދަކުރި އެމްޑީޕީގެ ކެންޑިޑޭޓުން ކުރި ހިތްވަރާއި މަސައްކަތަށް ވަރަށް ބޮޑަށް ޝުކުރު ދަންނަވާ ކަމަށެވެ. އަދި މަދު އަދަދެއްގެ ބަޔަކު ވޯޓުލީ އިންތިހާބުގެ ނަތީޖާ ނުކުތް ގޮތަކާމެދު މާޔޫސްވާންވީ ސަބަބެއް ނެތް ކަމަށްވެސް ފައްޔާޒު ވިދާޅުވިއެވެ.
ޕާޓީގެ ހިންގުން ހަރުދަނާކުރުމަށް މިހާރު މިކުރެވޭ މަސައްކަތްތަކުގެ ތެރެއިން އިރާދަކުރެއްވިއްޔާ މި ޕާޓީއަށް ކުރިއަށް އޮތީ ކާމިޔާބު ދުވަސްތަކެއް
– ފައްޔާޒް ވިދާޅުވިއެވެ.
ލޯކަލް ކައުންސިލްތަކުގެ ހަ ދާއިރާއެއްގެ ބައި އިލެކްޝަން އިއްޔެ ބޭއްވިއިރު މި އިންތިހާބުތަކުގައި އެމްޑީޕީން ވާދަކޮށްގެން އެންމެ ގޮނޑި އެއްވެސް ލިބިފައެއް ނުވެއެވެ. ނަމަވެސް ސަރުކާރު ހިންގާ ޕާޓީ ޕީއެންސީ އިން ވަނީ ބޮޑު ކާމިޔާބީއެއް ހޯދާފައެވެ.
އިއްޔެގެ އިންތިހާބުގައި މާލޭން ވޯޓްލާން ނިކުތް މީހުންގެ އަދަދު ދަށެވެ. ވޯޓްނުލާ މީހުންގެ އިންސައްތަ ހުރީ 73 ޕަސެންޓްގައެވެ. ނަމަވެސް އެމްޑީޕީ ބަލިވީ ވޯޓްލީ މީހުންގެ ބޮޑު ތަފާތަކުންނެވެ.
ބޮކައް ރަންދުނިޔެ ފެނުނީމާ ވާގޮއެއް ތިއޮތީވެފާ ދަލުބޭރުން ޖެހުނުބައެއްގެ އަވާގާޖެހިގެން ހަލާކުވީ ދެންވެސް ނިދިންހޭލެވޭތޯ ބަލާ
މަޝްހޫރުކަމާ, އާރާއި ބާރާ, މަޤާމު އަދި ރުފިޔާގެ ދަހިވެތި ކަމުގަ ރާއްޖޭގަ އޮތް އެންމެ އެކްޓިވް އެންމެ ވަރުގަދަ ސިޔާސީ ޕާޓީގައި ކަތުރު ފަނި އަޅުވައި ހަލާކު ކުރި މީހަކީ ތީ. ޙަޤީގަތަކީ އެމްޑީޕީ, އެމްޑީޕީ ގޮތުގަ އެންމެ ވަރުގަދަ ޕާޓީ ގޮތުގަ އޮތީ ރައީސް ނަޝީދު ޕާޓީގެ ހެޑް ގެ ގޮތުގައި ހުރިއިރު.