Monday, 23 November 2026
Ads by

ރިޔާޟަށް އަމާޒުކޮށް ހޫޘީން ފޮނުވާލި ތިން މިސައިލެއް ސައުދީ އިއްތިހާދުން ވައްޓާލައިފި

ރިޔާޟަށް އަމާޒުކޮށް ހޫޘީން ފޮނުވާލި ތިން މިސައިލެއް ސައުދީ އިއްތިހާދުން ވައްޓާލައިފި

ސައުދީ އަރަބިއްޔާގެ ސޮވެރިން ވެލްތު ފަންޑުގެ މައި މަރުކަޒު ހިންގާ ރިޔާޟްގެ އުސް ޢިމާރާތް [ފޮޓޯ: އޭއެފްޕީ]

ޔަމަނުގެ ސަރުކާރަށް ވާގިވެރިވާ ސައުދީ އިސްވެ އޮންނަ އަސްކަރީ އިއްތިހާދުން، ސައުދީ އަރަބިއްޔާގެ ވެރިރަށް ރިޔާޟަށް އަމާޒުކޮށް ޔަމަނުގެ ހޫޘީ ހަނގުރާމަވެރިން ފޮނުވާލި ބެލިސްޓިކް ތިން މިސައިލެއް ވައިގެ ތެރޭގައި ހުއްޓުވައި، ވައްޓާލައިފިއެވެ.

Ad Image
Ads by

މިއަދު ހެނދުނުގެ ވަގުތެއްގައި ހޫޘީން މި ހަމަލާ ދީފައިވަނީ ސައުދީގެ ވެރިރަށުގައި ކުއްލި ނުރައްކަލުގެ އެލާޓްތަކެއް އެޅުމަށްފަހުގައެވެ. މި ހަމަލާ އައިސްފައި މިވަނީ، ރިޔާޟްގެ އެންމެ އުސް ސްކައިސްކްރޭޕާ އަދި ސައުދީގެ ސޮވެރިން ވެލްތު ފަންޑުގެ މައި މަރުކަޒު ކަމަށްވާ ޕަބްލިކް އިންވެސްޓްމަންޓް ފަންޑް (ޕީއައިއެފް) ޓަވަރަށް ހޫޘީން ދިން ހަމަލާއެއްގައި ގެއްލުންތަކެއް ލިބުނުތާ ދެ ދުވަސް ފަހުންނެވެ. މިއީ ރިޔާޟަށް ނުރައްކާ އޮތް ކަމަށް ބުނެ ސައުދީން ކުއްލި ސަމާލު ނެރުނު ވިދިވިދިގެން ތިންވަނަ ދުވަހެވެ.

މިސައިލްތައް ވައްޓާލިތާ މަދު ގަޑިއިރުތަކެއް ފަހުން އިއްތިހާދުން ވަނީ ސައުދީގެ ދެކުނުގެ ސަރަހައްދަކަށް އަމާޒުކޮށް ހޫޘީން ފޮނުވާލި ޑްރޯނެއްވެސް ވައްޓާލާފައިވާ ކަމަށް ބުނެފައެވެ. ނަމަވެސް އެއީ ސީދާ ކޮން ޕްރޮވިންސަކަށް އަމާޒުކުރި ހަމަލާއެއް ކަމެއް ހާމަކޮށްފައެއް ނުވެއެވެ. ސައުދީގެ ސިވިލް ޑިފެންސް އޭޖެންސީން ހުކުރު ދުވަހުގެ ހެނދުނު 7:30 އިން ފެށިގެން 24 ގަޑިއިރުގެ ތެރޭގައި ކުއްލި ނުރައްކަލުގެ 8 އިންޒާރެއް އާންމުންނަށް ވަނީ ނެރެފައެވެ.

މި ހަމަލާތައް ވަރުގަދަވެފައި މިވަނީ، ހުކުރު ދުވަހުގެ ކުރީކޮޅު ސައުދީ އިއްތިހާދުން ހޫޘީންގެ ބާރުގެ ދަށުގައިވާ ރަތްކަނޑުގެ ބަނދަރެއް ކަމަށްވާ ހުދައިދާ ބަނދަރަށާއި ވެރިރަށް ސަންއާގެ އަސްކަރީ އަމާޒުތަކަށް ”ހާއްސަ އޮޕަރޭޝަނެއް“ ހިންގުމާ ގުޅިގެންނެވެ. އިއްތިހާދުގެ ތަރުޖަމާނު ތުރުކީ އަލް މާލިކީ ވިދާޅުވި ގޮތުގައި އެ ހަމަލާތައް އަމާޒުކުރީ ހަތިޔާރާއި ބެލިސްޓިކް މިސައިލް ވަގަށް އެތެރެކުރުމަށް ހޫޘީން ބޭނުންކުރަމުންދިޔަ ހުދައިދާ ބަނދަރުގެ އޮޕަރޭޝަނަލް ވަސީލަތްތަކަށެވެ.

ބައިނަލްއަގުވާމީ ގޮތުން ބަލައިގެންފައިވާ ޔަމަނުގެ ސަރުކާރުން ވަނީ ހުދައިދާ ބަނދަރަށް ދިން ހަމަލާތައް ދިފާއުކޮށް، އީރާނުން ވަގަށް އެތެރެކުރާ ހަތިޔާރުތައް ބަލައިގަތުމަށާއި އަސްކަރީ ހަރަކާތްތަކަށް ހޫޘީން އެ ބަނދަރު ބޭނުންކުރާ ކަމަށް ތުހުމަތުކޮށްފައެވެ.

މި ހަމަލާތަކަށް ރައްދު ދިނުމުގެ ގޮތުން ހޫޘީން ވަނީ ޖިއްދާ އާއި ރަތްކަނޑުގެ އެހެން ބަނދަރުތަކަށް ހަމަލާދޭނެ ކަމުގެ އިންޒާރު ދީފައެވެ. އަދި ސައުދީގެ ވައިގެ ސަރަހައްދަކީ ”ރައްކާތެރި ތަނެއް ނޫން“ ކަމަށް ބުނެ އެއާލައިންތަކަށްވެސް އިންޒާރު ދީފައިވެއެވެ. މީގެއިތުރުން ރިޔާޟްގެ މާލީ މަރުކަޒަށާއި، ދެކުނު ހުޅަނގުގައިވާ އަލް-ޝުގައިގްގެ ކަރަންޓު އުފައްދާ ސްޓޭޝަނަކަށް ހަމަލާދޭނެ ކަމުގެ ބިރުވެސް ވަނީ ދައްކާފައެވެ.

މަސްރަހު މިގޮތަށް ހޫނުވަމުންދާތީ އދ. އިން ވަނީ ކަންބޮޑުވުން ފާޅުކޮށްފައެވެ. އަދި ހަނގުރާމަ މިގޮތަށް ކުރިއަށްދާނަމަ، ޔަމަނުގެ ރައްޔިތުންނަށް އިންސާނީ އެހީ ފޯރުކޮށްދިނުމަށް ބޭނުންކުރާ މުހިންމު މަގުތަކަށް ބުރޫއަރައި، ނުރައްކާ ކުރިމަތިވެދާނެ ކަމުގެ އިންޒާރު އދ. އިން ވަނީ ދީފައެވެ.

Ads by
މިލިޔުމާއި ގުޅޭ

ކޮމެންޓް

guest
0 ކޮމެންޓް
ކުރީގެ
ފަހުގެ އެންމެ ގިނަ ވޯޓް
ހަބަރުގެ ތެރެއިން ހިޔާލު
...ހިޔާލުތައް ކިޔާލުމަށް
Ads by
ފަހުގެ ޚަބަރު
committee
ރިއަލް އެސްޓޭޓް ބިލަށް ސިޔާސީ ޕާޓީތަކާއި ޖަމިއްޔާތަކުގެ ހިޔާލު ހޯދަން ނިންމައިފި
sudan
ސޫދާނުގެ ވެރިރަށަށް ދިން ޑްރޯން ހަމަލާތަކެއްގައި ހަތަރު މީހުން މަރުވެ، އދ. ގެ އިމާރާތަކަށް ގެއްލުން ވެއްޖެ
indonesia
އިންޑޮނޭޝިއާގެ ކާރުޚާނާއެއްގައި އަލިފާން ރޯވެ 3 މީހުން މަރުވެ، 36 މީހުން ގެއްލިއްޖެ
pales
ވެސްޓް ބޭންކުގެ އަވަށްތަކަކަށް ޔަހޫދީ ވަޒަންވެރިން ހަމަލާދީ، ގިނަ އަދަދެއްގެ އުޅަނދުތަކުގައި ރޯކޮށްލައިފި
Ads by
މަގުބޫލު
Shahid couple
ޝާހިދު ބުނީ 'ދޮންދަރި' އެއް ނެތްކަމަށް، ޒިފްލީނާއި އޭނާގެ ކައިވެނި ރާއްޖޭގަ ރަޖިސްޓްރީވެސް ނުކުރޭ!
IMG_3293
2015 ގައި މާބަނޑު އަންހެނަކު މަރުވި އެކްސިޑެންޓް: ފިރިމީހާއާއި ދަރިފުޅު މަރުގެ ދިޔަ ބޭނުމެއް ނުވި
HXoRFUHawAAzUJa
މިރޭ ހުޅުމާލެ ފޭސް 2 ގައި ހަވާ އަރުވަނީ
mutholibi and saeed
"އަދަދު" ނޫސްވެރިން 2 މިނިސްޓަރަކާއި މަގުމަތިން ދިމާކޮށް ފުރައްސާރަކޮށްފި
Shahid couple
ޝާހިދު ބުނީ 'ދޮންދަރި' އެއް ނެތްކަމަށް، ޒިފްލީނާއި އޭނާގެ ކައިވެނި ރާއްޖޭގަ ރަޖިސްޓްރީވެސް ނުކުރޭ!
IMG_3293
2015 ގައި މާބަނޑު އަންހެނަކު މަރުވި އެކްސިޑެންޓް: ފިރިމީހާއާއި ދަރިފުޅު މަރުގެ ދިޔަ ބޭނުމެއް ނުވި
HXoRFUHawAAzUJa
މިރޭ ހުޅުމާލެ ފޭސް 2 ގައި ހަވާ އަރުވަނީ
mutholibi and saeed
"އަދަދު" ނޫސްވެރިން 2 މިނިސްޓަރަކާއި މަގުމަތިން ދިމާކޮށް ފުރައްސާރަކޮށްފި