Saturday, 21 November 2026
Ads by

ކުޑަކުދިންގެ ޙައްޤުތައް ކަށަވަރުކޮށް، އެކުދިންގެ އަޑުއެހުމަށް ދިވެހިރާއްޖެ އަބަދުވެސް ދެމިއޮންނާނެ: ރައީސް

ކުޑަކުދިންގެ ޙައްޤުތައް ކަށަވަރުކޮށް، އެކުދިންގެ އަޑުއެހުމަށް ދިވެހިރާއްޖެ އަބަދުވެސް ދެމިއޮންނާނެ: ރައީސް

ދުނިޔޭގެ ކުޑަކުދިންގެ ދުވަހުގެ މުނާސަބަތުގައި، ކުޑަކުދިންގެ ޙައްޤުތައް ރައްކާތެރިކުރުމަށާއި އެކުދިންގެ ދިރިއުޅުމާ ގުޅޭގޮތުން ނިންމާ ނިންމުންތަކުގައި އެކުދިންގެ އަޑުއެހުމަށް ދިވެހިރާއްޖެއިން ދޭ އަހައްމިއްޔަތުކަން ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު އިބްރާހީމް އަލުން ކަށަވަރުކޮށްދެއްވައިފިއެވެ.

Ad Image
Ads by

މިއަދު ފާހަގަކުރަމުންދާ ދުނިޔޭގެ ކުޑަކުދިންގެ ދުވަހާ ގުޅުވައިގެން ސޯޝަލް މީޑިއާގައި ހިއްސާކުރެއްވި މެސެޖެއްގައި ރައީސް ވިދާޅުވީ، މިއަހަރުގެ މި ދުވަސް ފާހަގަކުރަނީ ”މައި ޑޭ، މައި ރައިޓްސް، މައި ފިއުޗަރ“ މި ޝިޢާރުގެ ދަށުން ކަމަށެވެ. އަދި މި ޝިޢާރާ އެއްގޮތަށް ކުޑަކުދިންގެ ޙައްޤުތައް ހިމާޔަތްކުރުމަށާއި އެކުދިންގެ މުސްތަޤުބަލު ބައްޓަންކުރުމުގައި އެކުދިންގެ ބައިވެރިވުން މުހިންމު ކަމަށް އެމަނިކުފާނު ފާހަގަކުރެއްވިއެވެ.

ރައީސުލްޖުމްހޫރިއްޔާގެ މެސެޖުގައި، ކުޑަކުދިން ބޮޑުވަމުން އަންނަ ކޮންމެ މަރުޙަލާއެއްގައިވެސް އެކުދިންގެ ބޭނުންތައް ފުއްދައިދިނުމަށް ސަރުކާރުން އިސްކަންދޭކަން ފާހަގަކުރެއްވިއެވެ. އެގޮތުން އަނިޔާއިން ރައްކާތެރިކުރުމުގެ ނިޒާމު ވަރުގަދަކުރުމާއި، އާއިލީ ވެއްޓެއްގައި ކުދިން ބެލެހެއްޓޭނެ އިންތިޒާމުތައް ފުޅާކުރުމާއި، ޞިއްޙީ ޚިދުމަތްތަކާއި، ޝާމިލު ތަޢުލީމާއި، ތެރަޕީގެ ޚިދުމަތްތަކުގެ އިތުރުން އިޖުތިމާޢީ ރައްކާތެރިކަމާއި އަލުން މުޖުތަމަޢަށް ރުޖޫޢަކުރުމުގެ ޚިދުމަތްތައް ކުރިއެރުވުމަށް ރާއްޖެއިން މަސައްކަތްކުރަމުންދާ ކަމަށް ވިދާޅުވިއެވެ.

މީގެއިތުރުން، ޒަމާނާއެކު ކުދިންނަށް ކުރިމަތިވާ އާ ގޮންޖެހުންތަކުން ރައްކާތެރިކުރުމުގެ ގޮތުން، ދުންފަތް ކޮންޓްރޯލް ކުރުމަށް ގެނެވުނު އިޞްލާޙުތަކާއި، ޑިޖިޓަލް ރައްކާތެރިކަން ކަށަވަރުކުރުމަށް އަޅަމުންދާ ފިޔަވަޅުތަކަކީ ކުޑަކުދިންގެ ލާބައަށް ސަރުކާރުން ދޭ އަހައްމިއްޔަތުކަން ހާމަކޮށްދޭ ކަންކަން ކަމުގައި އެމަނިކުފާނު ވިދާޅުވިއެވެ.

ހަމައެކަނި ސިޔާސަތުތަކެއް އެކުލަވާލުމުން އެދެވޭ ކުރިއެރުމެއް ނުލިބޭނެކަން ފާހަގަކުރައްވަމުން ރައީސް ވިދާޅުވީ، ޙަޤީޤީ ކުރިއެރުމެއް ހޯދުމަށްޓަކައި ކުދިންގެ ތަޖުރިބާތަކުގެ އަޑުއަހައި، އެކުދިންގެ ވިސްނުމަށް އިޙްތިރާމްކޮށް، އެކުދިންނަށް ވާރުތަވާން އޮތް މުސްތަޤުބަލު އަމިއްލައަށް ބިނާކުރުމުގެ ބާރުވެރިކަން އެކުދިންނަށް ދޭންޖެހޭ ކަމަށެވެ.

ރައީސުލްޖުމްހޫރިއްޔާގެ މެސެޖު ނިންމަވާލެއްވީ، ދިވެހި ކުޑަކުދިން އެދޭފަދަ އުޖާލާ މުސްތަޤުބަލެއް ބިނާކުރުމަށްޓަކައި ބޭނުންވާ އެންމެހައި އެއްބާރުލުމާއި އެހީތެރިކަން ފޯރުކޮށްދިނުމުގައި ދެމިތިބުމަށް އެންމެހައި ފަރާތްތަކަށް ގޮވާލައްވަމުންނެވެ.

Ads by
މިލިޔުމާއި ގުޅޭ

ކޮމެންޓް

guest
0 ކޮމެންޓް
ކުރީގެ
ފަހުގެ އެންމެ ގިނަ ވޯޓް
ހަބަރުގެ ތެރެއިން ހިޔާލު
...ހިޔާލުތައް ކިޔާލުމަށް
Ads by
ފަހުގެ ޚަބަރު
large_thumb_1795178805320
ކަރާޗީ-މާލެ ސީދާ ކަނޑުދަތުރު ފަށައި، ވިޔަފާރި 200 މިލިއަން އިތުރުކުރަނީ
Kandhufathi 1421
މި ސަރުކާރުގެ 3 އަހަރު ތެރޭގައި ޖުމްލަ 111 ކަނދުފަތި ޤާއިމްކޮށްފި
Thimarafushi5556
ތ. އަދި ލ. އަތޮޅުގައި ޓޫރިސްޓް ހޮޓާ އަޅަން ހަތަރު ބިމެއް ބިޑަށް ލައިފި
madaaam
ބޭހަށް ނުގުޑާ ޖަރާސީމުން ރައްކާތެރިވެފައިވާ ވިލުންތެރި މުޖުތަމައެއް ބިނާކުރަންޖެހޭ: މެޑަމް ސާޖިދާ
Ads by
މަގުބޫލު
IMG_3293
2015 ގައި މާބަނޑު އަންހެނަކު މަރުވި އެކްސިޑެންޓް: ފިރިމީހާއާއި ދަރިފުޅު މަރުގެ ދިޔަ ބޭނުމެއް ނުވި
Adam Azim 1414
ވެރިކަމުގައި އިބޫ ނުވަތަ ނަޝީދު ހުންނެވި ނަމަ ރަސްމާލެ އޯކޭ: އާޒިމް
Moosun2525
ދުނިޔޭގެ މޫސުމަށް ބޮޑެތި ބަދަލުތަކެއް އަތުވެދާނެ ކަމުގެ އިންޒާރު ނާސާއިން ދީފި
mutholibi and saeed
"އަދަދު" ނޫސްވެރިން 2 މިނިސްޓަރަކާއި މަގުމަތިން ދިމާކޮށް ފުރައްސާރަކޮށްފި
IMG_3293
2015 ގައި މާބަނޑު އަންހެނަކު މަރުވި އެކްސިޑެންޓް: ފިރިމީހާއާއި ދަރިފުޅު މަރުގެ ދިޔަ ބޭނުމެއް ނުވި
Adam Azim 1414
ވެރިކަމުގައި އިބޫ ނުވަތަ ނަޝީދު ހުންނެވި ނަމަ ރަސްމާލެ އޯކޭ: އާޒިމް
Moosun2525
ދުނިޔޭގެ މޫސުމަށް ބޮޑެތި ބަދަލުތަކެއް އަތުވެދާނެ ކަމުގެ އިންޒާރު ނާސާއިން ދީފި
mutholibi and saeed
"އަދަދު" ނޫސްވެރިން 2 މިނިސްޓަރަކާއި މަގުމަތިން ދިމާކޮށް ފުރައްސާރަކޮށްފި