Saturday, 21 November 2026
Ads by

ޓެކްސްއާ ގުޅޭ ތިން ޤާނޫނަކަށް ގެނައި އިޞްލާޙުތައް ރައީސް ތަޞްދީޤުކުރައްވައިފި

ޓެކްސްއާ ގުޅޭ ތިން ޤާނޫނަކަށް ގެނައި އިޞްލާޙުތައް ރައީސް ތަޞްދީޤުކުރައްވައިފި

ޓެކްސް ނިޒާމަށް މުހިންމު ބަދަލުތަކެއް ގެނައުމާއެކު، ބޭރުގެ ބުކިންގ އޭޖެންޓުންގެ އަތުން ނަގަމުން އައި ޖީއެސްޓީ ހުއްޓާލުމަށާއި މީރާގެ ނިންމުންތައް އިސްތިއުނާފު ކުރުމުގައި ޓެކުހުގެ ބައެއް ދައްކަން މަޖުބޫރުވާ ގޮތަށް ރައްޔިތުންގެ މަޖިލީހުން ފާސްކުރި ތިން ބިލު، ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު މިއަދު ތަޞްދީޤުކުރައްވައިފިއެވެ.

Ad Image
Ads by

މިދިޔަ އަންގާރަ ދުވަހު ބޭއްވި މަޖިލީހުގެ ޖަލްސާއިން ފާސްކުރި މި ތިން ބިލަކީ މުދަލާއި ޚިދުމަތުގެ އަގުން ޓެކްސް ނެގުމުގެ ޤާނޫނާއި، ޓެކްސް ނެގުމާބެހޭ އިދާރީ ޤާނޫނުގެ އިތުރުން އާމްދަނީން ޓެކްސް ނެގުމުގެ ޤާނޫނަށް ގެނައި އިޞްލާޙުތަކެވެ.

މުދަލާއި ޚިދުމަތުގެ އަގުން ޓެކްސް ނެގުމުގެ ޤާނޫނަށް ގެނައި 9 ވަނަ އިޞްލާޙާއެކު، ރާއްޖޭގައި ދާއިމީ ވިޔަފާރިއެއް ނެތް ބޭރުގެ ފަރާތްތަކުން ފޯރުކޮށްދޭ އިންބައުންޑް ޓޫރިޒަމް ޕްރޮޑަކްޓްތަކަށާއި، އެފަދަ ޚިދުމަތްތަކާ ގުޅޭ އޭޖެންސީ ނުވަތަ ބުކިންގ ޚިދުމަތްތަކުން މިއަހަރުގެ އޮކްޓޫބަރު މަހުގެ އެއްވަނަ ދުވަހުން ފެށިގެން ނަގަމުން އައި ޖީއެސްޓީ ނެގުން ވަނީ ހުއްޓާލާފައެވެ.

އޭގެ އިތުރުން، ޖީއެސްޓީ ދެއްކުމުން އެއްކިބާވާ ފަރާތްތަކާ މެދު މޯލްޑިވްސް އިންލަންޑް ރެވެނިއު އޮތޯރިޓީ (މީރާ) އަށް އެޅޭނެ ފިޔަވަޅުތައް މި އިޞްލާޙުގެ ދަށުން އިތުރަށް ހަރުދަނާކޮށްފައިވެއެވެ.

ޓެކްސް ނެގުމާބެހޭ އިދާރީ ޤާނޫނަށް ގެނައި 5 ވަނަ އިޞްލާޙުގައިވާ ގޮތުން، މީރާއިން ކަނޑައަޅާ ޓެކުހުގެ އަދަދަކާ މެދު ހިތްހަމަނުޖެހިގެން ޓެކްސް އެޕީލް ޓްރައިބިއުނަލަށް މައްސަލަ ހުށަހެޅޭނީ، އިސްތިއުނާފު ކުރާ އަދަދުގެ މަދުވެގެން 50 އިންސައްތަ މީރާއަށް ދެއްކުމަށްފަހުގައެވެ.

އަދި ވަކި ޙާލަތްތަކެއްގައި އިސްތިއުނާފު ކުރާ މުޅި އަދަދު އެއްކޮށް ދައްކަން ޖެހޭ ގޮތަށް ކަނޑައަޅާފައިވާއިރު، ޖޫރިމަނާއާއި އިންޓްރެސްޓާ މެދު ޢަމަލުކުރާނެ އުސޫލުތައްވެސް މި ބިލުގައި ވަނީ ތަފްޞީލުކޮށްދީފައެވެ.

އާމްދަނީން ޓެކްސް ނެގުމުގެ ޤާނޫނަށް ގެނައި 3 ވަނަ އިޞްލާޙުގެ ދަށުން، ޓެކްސް ބިނާކުރެވޭ އާމްދަނީ ހިސާބުކުރުމުގައި މާލީ އިދާރާތައް ފިޔަވައި އެހެން ފަރާތްތަކަށް ދައްކާ އިންޓްރެސްޓުން އުނިކުރެވޭ މިންވަރު ނުވަތަ އިންޓްރެސްޓް ކެޕޭސިޓީ ޓެކްސް-އެބިޓްޑާ ވަނީ 30 އިންސައްތައިން 25 އިންސައްތައަށް ދަށްކޮށްފައެވެ.

ރައީސުލްޖުމްހޫރިއްޔާ މި ބިލުތައް ތަޞްދީޤުކުރައްވައި ސަރުކާރުގެ ގެޒެޓުގައި ޝާއިޢުކުރެއްވުމާއެކު، ޖީއެސްޓީ ޤާނޫނާއި ޓެކްސް ނެގުމާބެހޭ އިދާރީ ޤާނޫނުގެ އިޞްލާޙުތަކަށް މިއަދުން ފެށިގެން ޢަމަލުކުރަން ފަށާފައިވާއިރު، އާމްދަނީން ޓެކްސް ނެގުމުގެ ޤާނޫނަށް ގެނައި ބަދަލަށް ޢަމަލުކުރަން ފަށާނީ 2027 ވަނަ އަހަރުގެ ޖަނަވަރީ މަހުގެ އެއްވަނަ ދުވަހުން ފެށިގެންނެވެ.

Ads by
މިލިޔުމާއި ގުޅޭ

ކޮމެންޓް

guest
0 ކޮމެންޓް
ކުރީގެ
ފަހުގެ އެންމެ ގިނަ ވޯޓް
ހަބަރުގެ ތެރެއިން ހިޔާލު
...ހިޔާލުތައް ކިޔާލުމަށް
Ads by
ފަހުގެ ޚަބަރު
large_thumb_1795178805320
ކަރާޗީ-މާލެ ސީދާ ކަނޑުދަތުރު ފަށައި، ވިޔަފާރި 200 މިލިއަން އިތުރުކުރަނީ
Kandhufathi 1421
މި ސަރުކާރުގެ 3 އަހަރު ތެރޭގައި ޖުމްލަ 111 ކަނދުފަތި ޤާއިމްކޮށްފި
Thimarafushi5556
ތ. އަދި ލ. އަތޮޅުގައި ޓޫރިސްޓް ހޮޓާ އަޅަން ހަތަރު ބިމެއް ބިޑަށް ލައިފި
madaaam
ބޭހަށް ނުގުޑާ ޖަރާސީމުން ރައްކާތެރިވެފައިވާ ވިލުންތެރި މުޖުތަމައެއް ބިނާކުރަންޖެހޭ: މެޑަމް ސާޖިދާ
Ads by
މަގުބޫލު
IMG_3293
2015 ގައި މާބަނޑު އަންހެނަކު މަރުވި އެކްސިޑެންޓް: ފިރިމީހާއާއި ދަރިފުޅު މަރުގެ ދިޔަ ބޭނުމެއް ނުވި
Adam Azim 1414
ވެރިކަމުގައި އިބޫ ނުވަތަ ނަޝީދު ހުންނެވި ނަމަ ރަސްމާލެ އޯކޭ: އާޒިމް
Moosun2525
ދުނިޔޭގެ މޫސުމަށް ބޮޑެތި ބަދަލުތަކެއް އަތުވެދާނެ ކަމުގެ އިންޒާރު ނާސާއިން ދީފި
mutholibi and saeed
"އަދަދު" ނޫސްވެރިން 2 މިނިސްޓަރަކާއި މަގުމަތިން ދިމާކޮށް ފުރައްސާރަކޮށްފި
IMG_3293
2015 ގައި މާބަނޑު އަންހެނަކު މަރުވި އެކްސިޑެންޓް: ފިރިމީހާއާއި ދަރިފުޅު މަރުގެ ދިޔަ ބޭނުމެއް ނުވި
Adam Azim 1414
ވެރިކަމުގައި އިބޫ ނުވަތަ ނަޝީދު ހުންނެވި ނަމަ ރަސްމާލެ އޯކޭ: އާޒިމް
Moosun2525
ދުނިޔޭގެ މޫސުމަށް ބޮޑެތި ބަދަލުތަކެއް އަތުވެދާނެ ކަމުގެ އިންޒާރު ނާސާއިން ދީފި
mutholibi and saeed
"އަދަދު" ނޫސްވެރިން 2 މިނިސްޓަރަކާއި މަގުމަތިން ދިމާކޮށް ފުރައްސާރަކޮށްފި