Thursday, 19 November 2026
Ads by

ރައީސް މުޢިއްޒުގެ ސާފު މެސެޖު: އިޒްރޭލަށް މި ފަސްގަނޑުން ޖާގައެއް ނެތް، އިސްކުރާނީ ޤައުމީ މަޞްލަޙަތު!

ރައީސް މުޢިއްޒުގެ ސާފު މެސެޖު: އިޒްރޭލަށް މި ފަސްގަނޑުން ޖާގައެއް ނެތް، އިސްކުރާނީ ޤައުމީ މަޞްލަޙަތު!

ސަރުކާރަށް ތިން އަހަރު ފުރުން ފާހަގަކުރުމުގެ ގޮތުން ބޭއްވި ޚާއްޞަ ޖަލްސާގައި ރައީސުލްޖުމްހޫރިއްޔާ ވާހަކަފުޅު ދައްކަވަނީ.. ފޮޓޯ| ރައީސް އޮފީސް

މި ސަރުކާރުގެ ޚާރިޖީ ސިޔާސަތަކީ ”މޯލްޑިވްސް ފަސްޓް“ ނުވަތަ ދިވެހިރާއްޖެއާއި ދިވެހި ރައްޔިތުންނަށް އެންމެ ފައިދާހުރި ގޮތް އިސްކުރުމުގެ ސިޔާސަތު ކަމަށާއި، މިނިވަންކަމުގެ ރަތް ރޮނގު ހިމާޔަތްކުރުމާއެކު އިޒްރޭލު ފިޔަވައި ހުރިހާ ޤައުމަކާއެކު ގުޅުން ބަދަހިކުރަން ތައްޔާރަށް އޮތް ކަމަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވިދާޅުވެއްޖެއެވެ.

Ad Image
Ads by

ރައީސުލްޖުމްހޫރިއްޔާ މިހެން ވިދާޅުވީ މި ސަރުކާރަށް ތިން އަހަރު ފުރުން ފާހަގަކުރުމުގެ ގޮތުން ބޭއްވި ޚާއްޞަ ޖަލްސާގައި ވާހަކަފުޅު ދައްކަވަމުންނެވެ.

ރައީސްގެ ވާހަކަފުޅުގައި، ރާއްޖޭގެ ޚާރިޖީ ސިޔާސަތު ބައްޓަންކޮށްފައިވަނީ ދިވެހިރައްޔިތުންގެ މަޞްލަޙަތު އެންމެ އިސްކުރާ އުޞޫލުގެ މަތިން ކަމަށް ބަޔާންކުރެއްވިއެވެ. އެގޮތުން، އަވައްޓެރި ޤައުމުތަކާ ގާތް ގުޅުމެއް ބޭއްވުމަށާއި، ވަކިން ޚާއްޞަކޮށް އިސްލާމީ ޤައުމުތަކާއެކު އޮންނަ ގުޅުން އިތުރަށް ބަދަހިކުރުމަށް ސަރުކާރުން އިސްކަންދެއްވާ ކަމަށް ވިދާޅުވިއެވެ. ހަމައެއާއެކު، ރާއްޖެއަށް ފައިދާހުރި ކަންކަމުގައި ބައިނަލްއަޤްވާމީ ހުރިހާ ފަރާތްތަކާ ގުޅިގެން މަސައްކަތްކުރަމުންދާ ކަން އެމަނިކުފާނު ފާހަގަކުރެއްވިއެވެ.

މީގެއިތުރުން، ޤައުމުގެ މިނިވަންކަމާއި ސިޔާދަތަށް އަލިއަޅުއްވާލައްވަމުން ރައީސް ވިދާޅުވީ، ރާއްޖޭގެ މިނިވަންކަމުގެ ”ފަލަ ރަތް ރޮނގު“ ސަރުކާރުން އަބަދުވެސް ހިމާޔަތްކުރާނެ ކަމަށާއި، އެއީ އެއްވެސް ފަރާތަކަށް ހުރަސްކުރެވޭނެ ރޮނގެއް ނޫން ކަމަށެވެ. އެ ކަންކަން ކަށަވަރުކުރުމާއެކު ހުރިހާ ޤައުމަކާއެކު ގުޅުން ބޭއްވި ނަމަވެސް، އެ އުޞޫލުން އިސްތިސްނާވާ ހަމައެކަނި ޤައުމަކީ އިޒްރޭލު ކަމަށް ރައީސް ތަކުރާރުކުރެއްވިއެވެ.

ފަލަސްޠީނުގެ ޙައްޤުތަކާއި އިސްލާމީ އުންމަތުގެ މަޞްލަޙަތަށް އިޙްތިރާމްކުރުމުގެ ގޮތުން، މި ސަރުކާރު އޮތްހާ ހިނދަކު އަދި އެމަނިކުފާނުގެ ސިޔާސަތު ތަންފީޒުވަމުންދާހާ ހިނދަކު އިޒްރޭލާއެކު އެއްވެސް ގުޅުމެއް ނުބާއްވާނެ ކަމަށް ރައީސް މުޢިއްޒު ވިދާޅުވިއެވެ. އަދި ކުރިއަށް އޮތް ތަނުގައި މި ސިޔާސަތު ޤާނޫނީ ފެންވަރުގައި އިތުރަށް ވަރުގަދަކުރެވިގެންދާނެ ކަމަށާއި، ރާއްޖެއިން އިޒްރޭލުގެ ރައްޔިތުންނަށް އެއްވެސް ފުރުޞަތެއް ނުދެއްވާނެ ކަމުގެ ޔަޤީންކަން ވެސް އެމަނިކުފާނު ދެއްވިއެވެ.

އިތުރަށް ރައީސް ވިދާޅުވީ، އިޒްރޭލު ފިޔަވައި އެހެން ހުރިހާ ޤައުމުތަކާއެކު ވެސް ރާއްޖެއަށް ލާބަޔާއި މަންފާ ލިބެނިވި ގޮތެއްގައި ގުޅުން ބަދަހިކުރައްވާނެ ކަމަށާއި، ކުރިއަށް އޮތް ތަނުގައިވެސް ސަރުކާރު ކުރިއަށްދާނީ ޤައުމީ މި ސިޔާސަތުގެ މަތީގައި ކަމަށެވެ.

Ads by
މިލިޔުމާއި ގުޅޭ

ކޮމެންޓް

guest
0 ކޮމެންޓް
ކުރީގެ
ފަހުގެ އެންމެ ގިނަ ވޯޓް
ހަބަރުގެ ތެރެއިން ހިޔާލު
...ހިޔާލުތައް ކިޔާލުމަށް
Ads by
ފަހުގެ ޚަބަރު
Screenshot_20261119_102939_Chrome
ކުޑަކުދިންނަށް ކުރާ އަނިޔާތައް ރިޕޯޓްކުރުމަކީ ގާނޫނީ ގޮތުން ލާޒިމު ކަމެއް: މިނިސްޓްރީ
fgd
ގުރައިދޫގައި ތޫނު އެއްޗަކުން ހަމަލާދީ ހިންގި މާރާމާރީއާ ގުޅިގެން 2 މީހަކު ހައްޔަރުކޮށްފި
693278370
ބަޣުދާދުގައި ޔަހޫދީންގެ ތަރިކަ ދާރުލްއާސާރެއް ހުޅުވުމާ ގުޅިގެން އީރާނަށް ތާއީދުކުރާ ޖަމާއަތަކުން އިންޒާރު ދީފި
mauroofu
ރިއަލް އެސްޓޭޓް ބިލާމެދު ނުރުހުން ފާޅުކުރައްވައި، މެންބަރު މައުރޫފް މަޖިލީހުގައި އެ ބިލް ވީދާލައްވައިފި
Ads by
މަގުބޫލު
IMG_3293
2015 ގައި މާބަނޑު އަންހެނަކު މަރުވި އެކްސިޑެންޓް: ފިރިމީހާއާއި ދަރިފުޅު މަރުގެ ދިޔަ ބޭނުމެއް ނުވި
Adam Azim 1414
ވެރިކަމުގައި އިބޫ ނުވަތަ ނަޝީދު ހުންނެވި ނަމަ ރަސްމާލެ އޯކޭ: އާޒިމް
Moosun2525
ދުނިޔޭގެ މޫސުމަށް ބޮޑެތި ބަދަލުތަކެއް އަތުވެދާނެ ކަމުގެ އިންޒާރު ނާސާއިން ދީފި
mutholibi and saeed
"އަދަދު" ނޫސްވެރިން 2 މިނިސްޓަރަކާއި މަގުމަތިން ދިމާކޮށް ފުރައްސާރަކޮށްފި
IMG_3293
2015 ގައި މާބަނޑު އަންހެނަކު މަރުވި އެކްސިޑެންޓް: ފިރިމީހާއާއި ދަރިފުޅު މަރުގެ ދިޔަ ބޭނުމެއް ނުވި
Adam Azim 1414
ވެރިކަމުގައި އިބޫ ނުވަތަ ނަޝީދު ހުންނެވި ނަމަ ރަސްމާލެ އޯކޭ: އާޒިމް
Moosun2525
ދުނިޔޭގެ މޫސުމަށް ބޮޑެތި ބަދަލުތަކެއް އަތުވެދާނެ ކަމުގެ އިންޒާރު ނާސާއިން ދީފި
mutholibi and saeed
"އަދަދު" ނޫސްވެރިން 2 މިނިސްޓަރަކާއި މަގުމަތިން ދިމާކޮށް ފުރައްސާރަކޮށްފި