Tuesday, 17 November 2026
Ads by

ޔަމަން ހަނގުރާމައިގެ ފޯރިގަދަވެ، ސައޫދީ ކޯލިޝަންގެ ކޮމާންޑަރު ބަދަލުކޮށްފި

ޔަމަން ހަނގުރާމައިގެ ފޯރިގަދަވެ، ސައޫދީ ކޯލިޝަންގެ ކޮމާންޑަރު ބަދަލުކޮށްފި

ކޯލިޝަންގެ އާ ކޮމާންޑަރަކަށް ހަމަޖެއްސި، ސައޫދީ އަސްކަރިއްޔާގެ ޗީފް އޮފް ދަ ޖެނެރަލް ސްޓާފް ޖެނެރަލް ފައްޔާޒް ބިން ހާމިދު އަލް ރުވައިލީ --- ފޮޓޯ: އޭއެފްޕީ

ރަތް ކަނޑުގެ އައްސޭރިފަށުގައި ހޫތީ ހަނގުރާމަވެރިންގެ ހަމަލާތައް ވަރުގަދަވެ، ސައޫދީން ވާގިވެރިވާ ޔަމަނުގެ ސަރުކާރު ސިފައިން ފަހަތަށް ޖެހެން މަޖުބޫރުވުމާ ގުޅިގެން، ސައޫދީ އަރަބިއްޔާ އިސްވެ އޮވެ އުފައްދާފައިވާ އަސްކަރީ ކޯލިޝަންގެ ކޮމާންޑަރު މަގާމުން ވަކިކޮށް އާ ބޭފުޅަކު އެ މަގާމަށް އައްޔަންކޮށްފި އެވެ.

Ad Image
Ads by

ސައޫދީ ރަސްގެފާނު ސަލްމާން ބިން އަބްދުލްއަޒީޒް އިއްޔެ ނެރުއްވި ރަސްމީ އަމުރުފުޅެއްގައި، ޖޮއިންޓް ފޯސަސް ކޯލިޝަންގެ އާ ކޮމާންޑަރުގެ މަގާމު ހަވާލުކުރައްވާފައި ވަނީ ސައޫދީ އަސްކަރިއްޔާގެ ޗީފް އޮފް ދަ ޖެނެރަލް ސްޓާފް ޖެނެރަލް ފައްޔާޒް ބިން ހާމިދު އަލް ރުވައިލީއާ އެވެ.

ސައޫދީ ޕްރެސް އެޖެންސީން ހާމަކޮށްފައިވާ ގޮތުގައި، ޖެނެރަލް ރުވައިލީ ކޯލިޝަންގެ ކޮމާންޑަރުކަމާ ހަވާލުވެވަޑައިގަންނަވާނީ، އޭނާ މިހާރު ވެސް އަދާކުރައްވަމުން ގެންދަވާ ޗީފް އޮފް ސްޓާފްގެ މަގާމާ އެކުގަ އެވެ.

މި ބަދަލާއެކު މަގާމުން ވަކިކުރި ލެފްޓިނެންޓް ޖެނެރަލް ފަހުދު ބިން ހަމަދު އަލް ސަލްމާން ދެން އައްޔަންކުރައްވާފައި ވަނީ، ޑިފެންސް މިނިސްޓަރު ޕްރިންސް ހާލިދު ބިން ސަލްމާންގެ އަސްކަރީ ކަންކަމާ ބެހޭ މުޝީރުގެ މަގާމަށެވެ.

ފަހުދު އަލް ސަލްމާން ކޯލިޝަންގެ ކޮމާންޑަރުކަމާ ހަވާލުވެވަޑައިގަތީ 2024 ވަނަ އަހަރުގެ އޯގަސްޓް މަހުގެ ތެރޭގަ އެވެ.

އަސްކަރީ ލީޑަޝިޕަށް މި ބޮޑު ބަދަލު ގެނެސްފައި މި ވަނީ، ސްޓްރެޓެޖިކް ގޮތުން މުހިންމު ބާބުލް މަންދަބު ކަނޑުއޮޅި ކައިރިން ކޯލިޝަން ސިފައިން ފަހަތަށް ޖެހުނުތާ އެއް ދުވަސް ފަހުންނެވެ.

ހޫތީންގެ ހަމަލާތައް ވަރުގަދަކޮށް ޔަމަނުގެ ވަގުތީ ވެރިރަށް އަދަންއާ 60 ކިލޯމީޓަރަށް ކައިރިވުމާ ގުޅިގެން، ކޯލިޝަން ސިފައިން ވަނީ އަދަންގެ ދިފާއީ ފިޔަވަޅުތައް ވަރުގަދަކުރުމަށް ފަހަތަށް ޖެހިފަ އެވެ.

މިދިޔަ ޖުލައި މަހު ޔަމަނުގެ ހަނގުރާމަ އަލުން ހޫނުވުމަށް ފަހު، ސެޕްޓެމްބަރު މަހުގެ ތެރޭގައި ހޫތީން ވަނީ ބަނދަރުމަތީ ރަށެއް ކަމަށްވާ މޮޚާ ވެސް ހިފައިފަ އެވެ.

މީގެ އިތުރުން ސައޫދީގެ އެއާޕޯޓްތަކަށާއި ތެޔޮ ކާރުހާނާތަކަށް އަމާޒުކޮށް ހޫތީ ހަނގުރާމަވެރިން ދަނީ ބެލިސްޓިކް މިސައިލް ހަމަލާތައް ވެސް ފޮނުވަމުންނެވެ.

Ads by
މިލިޔުމާއި ގުޅޭ

ކޮމެންޓް

guest
0 ކޮމެންޓް
ކުރީގެ
ފަހުގެ އެންމެ ގިނަ ވޯޓް
ހަބަރުގެ ތެރެއިން ހިޔާލު
...ހިޔާލުތައް ކިޔާލުމަށް
Ads by
ފަހުގެ ޚަބަރު
7e4540a4-916a-4870-a24f-014e071673d4
އިސްތިސްނާއެއް ނެތި ހުރިހާ ދާއިރާއަކުން އަމަލީ ނަތީޖާ ނެރެދެވިއްޖެ: ރައީސް
9b5b4d8e-b840-4da1-851e-160614c56bed
އުމްރާނީ ތަރައްގީގެ ފުރިހަމަ މާނަ ނުކުންނާނީ އިހުތިރާމު ކުރުމުގެ ސިފަ އަށަގަނެގެން: ރައީސް
original
އެކަމަކީ ޤައުމަށް ފައިދާވާ ކަމެއްނަމަ ނުރުހުން އަމާޒުވިޔަސް ކުރައްވާނަން: ރައީސް
Raees 564
ދަރަންޏާއި ބިލުތަކަށް ބޮޑު ހޭދައެއްކޮށް، ބަޖެޓު ޑެފިސިޓް އެއް އަކުރަށް ތިރިކޮށްފިން: ރައީސް
Ads by
މަގުބޫލު
IMG_3293
2015 ގައި މާބަނޑު އަންހެނަކު މަރުވި އެކްސިޑެންޓް: ފިރިމީހާއާއި ދަރިފުޅު މަރުގެ ދިޔަ ބޭނުމެއް ނުވި
Dhivehi Raeesun 123
ޖުމުހޫރީ ދުވަސް: އަމިއްލަ މިނިވަންކަމާއި، ސިޔާދަތާއި އިސްތިޤުލާލުގެ ތާރީޚީ ރަމުުޒު
Adam Azim 1414
ވެރިކަމުގައި އިބޫ ނުވަތަ ނަޝީދު ހުންނެވި ނަމަ ރަސްމާލެ އޯކޭ: އާޒިމް
Moosun2525
ދުނިޔޭގެ މޫސުމަށް ބޮޑެތި ބަދަލުތަކެއް އަތުވެދާނެ ކަމުގެ އިންޒާރު ނާސާއިން ދީފި
IMG_3293
2015 ގައި މާބަނޑު އަންހެނަކު މަރުވި އެކްސިޑެންޓް: ފިރިމީހާއާއި ދަރިފުޅު މަރުގެ ދިޔަ ބޭނުމެއް ނުވި
Dhivehi Raeesun 123
ޖުމުހޫރީ ދުވަސް: އަމިއްލަ މިނިވަންކަމާއި، ސިޔާދަތާއި އިސްތިޤުލާލުގެ ތާރީޚީ ރަމުުޒު
Adam Azim 1414
ވެރިކަމުގައި އިބޫ ނުވަތަ ނަޝީދު ހުންނެވި ނަމަ ރަސްމާލެ އޯކޭ: އާޒިމް
Moosun2525
ދުނިޔޭގެ މޫސުމަށް ބޮޑެތި ބަދަލުތަކެއް އަތުވެދާނެ ކަމުގެ އިންޒާރު ނާސާއިން ދީފި