Tuesday, 17 November 2026
Ads by

2028 ގައި ރައީސް މުޢިއްޒަށް ދެވަނަ ދައުރެއް ދިނުމަކީ ޤައުމުގެ ހަމަޖެހުމަށް އޮތް ހަމައެކަނި މަގު: ޢަބްދުއްރަޙީމް

2028 ގައި ރައީސް މުޢިއްޒަށް ދެވަނަ ދައުރެއް ދިނުމަކީ ޤައުމުގެ ހަމަޖެހުމަށް އޮތް ހަމައެކަނި މަގު: ޢަބްދުއްރަޙީމް

ރައްޔިތުންގެ މަޖިލީހުގެ ރައީސް އަދި ކޮންގްރެސް ޕާޓީގެ ޗެއާޕާސަން ޢަބްދުއްރަޙީމް ޢަބްދުﷲ --

ދިވެހިރާއްޖޭގެ ހަމަޖެހުމާއި ރައްކާތެރިކަން ދެމެހެއްޓުމުގެ އިތުރުން ޤައުމީ ތަރައްޤީ ކަށަވަރުކުރުމަށް އޮތް ހަމައެކަނި މަގަކީ 2028 ވަނަ އަހަރުގެ ރިޔާސީ އިންތިޚާބުގައި ރައީސުލްޖުމްހޫރިއްޔާ ޑރ. މުޙައްމަދު މުޢިއްޒަށް ދެވަނަ ދައުރެއް ދިނުން ކަމަށް ރައްޔިތުންގެ މަޖިލީހުގެ ރައީސް އަދި ކޮންގްރެސް ޕާޓީގެ ޗެއާޕާސަން ޢަބްދުއްރަޙީމް ޢަބްދުﷲ ވިދާޅުވެއްޖެއެވެ.

Ad Image
Ads by

ޢަބްދުއްރަޙީމް މިހެން ވިދާޅުވީ، ޕީއެންސީއާއި އަދާލަތު ޕާޓީއާ ދެމެދު ކޯލިޝަން އެއްބަސްވުމެއްގައި ސޮއިކުރުމަށް ބޭއްވި ޚާއްޞަ ރަސްމިއްޔާތުގައި ވާހަކަފުޅު ދައްކަވަމުންނެވެ.

މިހާރު އަމަލުކުރަމުންދާ ޤާނޫނުއަސާސީގެ ދަށުން ފުރަތަމަ ފަހަރަށް ދެވަނަ ދައުރަކަށް އިންތިޚާބުވެވަޑައިގަންނަވާ ރައީސަކަށް ރައީސް މުޢިއްޒު ހަދަންޖެހޭ ސަބަބުތައް ބަޔާންކުރައްވަމުން އޭނާ ވިދާޅުވީ، ރާއްޖޭގެ މިނިވަންކަމާއި އިސްތިޤުލާލުގެ ފަލަ ރަތް ރޮނގު ހުރަސްކުރުމުގެ ފުރުޞަތު އެއްވެސް ފަރާތަކަށް ނުދެއްވައި، ރިވެތި ޑިޕްލޮމަސީގެ އުސޫލުން އެމަނިކުފާނު ޚާރިޖީ ގުޅުންތައް ބަދަހިކުރައްވަމުން ގެންދަވާ ކަމަށެވެ.

ސިޔާސީ މަސްރަޙުގައި ބަޔަކު ޝައްކާއި ވަހުމު އުފައްދަން މަސައްކަތް ކުރި ނަމަވެސް، ޤައުމުގެ ހޭލުންތެރި އަދި ވިސްނުންތެރި ބޮޑު އަޣުލަބިއްޔަތު ތިބީ ރައީސް މުޢިއްޒުގެ ސަރުކާރުގެ ސިޔާސަތުތައް ބަލައިގަނެ، އެމަނިކުފާނަށް ތާއީދުކުރަން ތައްޔާރަށް ކަމަށް ޢަބްދުއްރަޙީމް ވިދާޅުވިއެވެ.

އެގޮތުން، އިސްލާމްދީނުގެ އަސާސްތައް ނަގަހައްޓައި ދެމެހެއްޓުމުގެ މަޤްޞަދުގައި އުފެއްދެވި، ރާއްޖޭގައި މިވަގުތު އޮތް އެންމެ ދުވަސްވީ އެއް ސިޔާސީ ޕާޓީ ކަމަށްވާ އަދާލަތު ޕާޓީން ސަރުކާރާ ގުޅުމުން ދޭހަވަނީ ރައްޔިތުންގެ ހިތުގައި ސަރުކާރަށް އޮތް އިތުބާރާއި ޔަޤީންކަން ކަމަށް އޭނާ ފާހަގަކުރެއްވިއެވެ.

ޕީއެންސީގެ ސަރުކާރަށް ތިން އަހަރު ފުރެން އެއް ދުވަހަށް ވެފައި ވަނިކޮށް އަދާލަތު ޕާޓީން ސަރުކާރާ ގުޅުމަކީ ތަރައްޤީގެ މަސައްކަތްތައް އިތުރު ގިޔަރަކަށް ޖެހި، ހަލުވިވެގެންދާނެ ކަމެއް ކަމަށްވެސް ޢަބްދުއްރަޙީމް ވިދާޅުވިއެވެ.

ޤައުމާމެދު ވިސްނާނަމަ ކަންކަމުގައި ޙައްޤުބަސް ބުނަންޖެހޭނެ ކަމަށާއި، ތިމާއަށްވުރެ މޮޅަށް އެހެން މީހަކު ކަމެއް ކުރާނަމަ އެކަމަކަށް އެއްބާރުލުން ދިނުމަކީ އެންމެ ރަނގަޅު ގޮތް ކަމަށް ޢަބްދުއްރަޙީމް ވިދާޅުވިއެވެ.

ހަމައެކަނި ދުލުން ”ޤައުމާއި ދީނަށްޓަކައޭ“ ބުނުމުގެ ބަދަލުގައި ޢަމަލީގޮތުން ޤައުމީ މަޞްލަޙަތު އިސްކުރަންޖެހޭ ކަމަށާއި، އަމިއްލަ އެދުމަށްޓަކައި ޙަޤީޤަތް އޮޅުވާލައި ފިތުނަ އުފެއްދުމަކީ ޤައުމަށް އިޚްލާޞްތެރިވުން ނޫން ކަމަށްވެސް އޭނާ ވިދާޅުވިއެވެ.

ވާހަކަފުޅު ނިންމަވާލައްވަމުން ޢަބްދުއްރަޙީމް ވަނީ، ޒުވާނުންގެ ވިސްނުން ބަދަލުވެފައިވާ މި ދަނޑިވަޅުގައި އާ ފިކުރާއެކު ޤައުމު ބިނާކުރުމަށް އެންމެން ގުޅިގެން އިޚްލާޞްތެރިކަމާއެކު މަސައްކަތް ކުރުމަށް ގޮވާލައްވާފައެވެ.

Ads by
މިލިޔުމާއި ގުޅޭ

ކޮމެންޓް

guest
0 ކޮމެންޓް
ކުރީގެ
ފަހުގެ އެންމެ ގިނަ ވޯޓް
ހަބަރުގެ ތެރެއިން ހިޔާލު
...ހިޔާލުތައް ކިޔާލުމަށް
Ads by
ފަހުގެ ޚަބަރު
mutholibi and saeed
"އަދަދު" ނޫސްވެރިން 2 މިނިސްޓަރަކާއި މަގުމަތިން ދިމާކޮށް ފުރައްސާރަކޮށްފި
large_thumb_1794838270108
މާފަރާއި ފޮއްދޫގައި އަލަށް ބިނާކުރި ފުލުހުންގެ މަރުކަޒު ރަސްމީކޮށް ހުޅުވައި ޚިދުމަތް ދޭން ފަށައިފި
vazeerunge majilis
ސިޔާސަތުތަކަށް ފަންނީ ތަޖުރިބާކާރުންގެ އިލްމީ ލަފާ ހޯދަން ކޮމިޓީތަކެއް އުފައްދަވަނީ
big_y0OjWZ5sc0AZ00GFfi0UbJiYK
2028 ގައި ރައީސް މުޢިއްޒަށް ދެވަނަ ދައުރެއް ދިނުމަކީ ޤައުމުގެ ހަމަޖެހުމަށް އޮތް ހަމައެކަނި މަގު: ޢަބްދުއްރަޙީމް
Ads by
މަގުބޫލު
Dhivehi Raeesun 123
ޖުމުހޫރީ ދުވަސް: އަމިއްލަ މިނިވަންކަމާއި، ސިޔާދަތާއި އިސްތިޤުލާލުގެ ތާރީޚީ ރަމުުޒު
IMG_3293
2015 ގައި މާބަނޑު އަންހެނަކު މަރުވި އެކްސިޑެންޓް: ފިރިމީހާއާއި ދަރިފުޅު މަރުގެ ދިޔަ ބޭނުމެއް ނުވި
Adam Azim 1414
ވެރިކަމުގައި އިބޫ ނުވަތަ ނަޝީދު ހުންނެވި ނަމަ ރަސްމާލެ އޯކޭ: އާޒިމް
Moosun2525
ދުނިޔޭގެ މޫސުމަށް ބޮޑެތި ބަދަލުތަކެއް އަތުވެދާނެ ކަމުގެ އިންޒާރު ނާސާއިން ދީފި
Dhivehi Raeesun 123
ޖުމުހޫރީ ދުވަސް: އަމިއްލަ މިނިވަންކަމާއި، ސިޔާދަތާއި އިސްތިޤުލާލުގެ ތާރީޚީ ރަމުުޒު
IMG_3293
2015 ގައި މާބަނޑު އަންހެނަކު މަރުވި އެކްސިޑެންޓް: ފިރިމީހާއާއި ދަރިފުޅު މަރުގެ ދިޔަ ބޭނުމެއް ނުވި
Adam Azim 1414
ވެރިކަމުގައި އިބޫ ނުވަތަ ނަޝީދު ހުންނެވި ނަމަ ރަސްމާލެ އޯކޭ: އާޒިމް
Moosun2525
ދުނިޔޭގެ މޫސުމަށް ބޮޑެތި ބަދަލުތަކެއް އަތުވެދާނެ ކަމުގެ އިންޒާރު ނާސާއިން ދީފި