Tuesday, 17 November 2026
Ads by

ކުޑަކުދިންނަށް ޖިންސީ ގޯނާކުރި 20 ކުށްވެރިން ގޭބަންދުގައި ތިބި މައްސަލަ ބަލަން މަޖިލީހަށް ހުށަހަޅައިފި

ކުޑަކުދިންނަށް ޖިންސީ ގޯނާކުރި 20 ކުށްވެރިން ގޭބަންދުގައި ތިބި މައްސަލަ ބަލަން މަޖިލީހަށް ހުށަހަޅައިފި

ގަލޮޅު އުތުރު ދާއިރާގެ މެންބަރު މުހައްމަދު އިބްރާހީމް (ކުޑޫ) ---

ކުޑަކުދިންނަށް ޖިންސީ ގޯނާކުރުމުގެ ކުށް ސާބިތުވެ، ޖަލު ހުކުމް ތަންފީޒުކުރަމުންދާންޖެހޭ 20 މީހަކު ގޭބަންދުގައި ތިބި މައްސަލަ ތަހުގީގުކޮށް، އެކަމާ ގުޅުންހުރި އިދާރާތައް ރައްޔިތުންގެ މަޖިލީހުގެ ކޮމިޓީއަށް ހާޒިރުކޮށްދިނުމަށް ގަލޮޅު އުތުރު ދާއިރާގެ މެންބަރު މުހައްމަދު އިބްރާހީމް (ކުޑޫ) މިއަދު އެދިވަޑައިގެންފި އެވެ.

Ad Image
Ads by

މަޖިލީހުގެ ރައީސް އަބްދުއްރަހީމް އަބްދުﷲއަށް ކުޑޫ ފޮނުއްވި ސިޓީގައި ފާހަގަކުރައްވާފައިވަނީ ޗައިލްޑް އެންޑް ފެމިލީ ޕްރޮޓެކްޝަން ސާވިސް (ސީއެފްޕީއެސް) އިން އާންމުކޮށްފައިވާ ކުޑަކުދިންނަށް ޖިންސީ ގޯނާކުރާ މީހުންގެ ދަފުތަރުގައި ހިމެނޭ 20 މީހަކު މިހާރުވެސް ތިބީ ގޭބަންދުގައި ކަމަށެވެ.

ކުޑަކުދިންނަށް ޖިންސީ ގޯނާކުރާ މީހުންނާ މެދު ހާއްސަ އުސޫލުތަކަކަށް އަމަލުކުރުމުގެ ގާނޫނުގައިވާ ގޮތުން، އެފަދަ ކުށްވެރިންނަށް ކަފާލާތާއި ޕެރޯލްގެ ފުރުސަތު ނުލިބޭނެކަން ކުޑޫ ވަނީ ހަނދާންކޮށްދެއްވާފަ އެވެ.

އެ ގާނޫނުގެ މައިގަނޑު މަގުސަދަކީ އެފަދަ ނުރައްކާތެރި ކުށްވެރިން ހުކުމްގެ މުއްދަތު ހަމަވަންދެން މުޖުތަމައާ އެކަހެރިކޮށް ޖަލުގައި ބައިތިއްބައިގެން ކުޑަކުދިންގެ ރައްކާތެރިކަން ކަށަވަރުކުރުން ކަމަށްވާއިރު، އެ މީހުން ގޭބަންދަށް ބަދަލުކުރެވުނު ގޮތާ މެދު އޭނާ ވަނީ ސުވާލު އުފައްދަވާފަ އެވެ.

މި މައްސަލައަކީ މުޅި މުޖުތަމައުގެ ކަންބޮޑުވުން އޮތް ނާޒުކު މައްސަލައަކަށްވާތީ، އެ ކުށްވެރިން ޖަލުން ގޭބަންދަށް ބަދަލުކުރީ ކޮން ގާނޫނެއް ނުވަތަ ގަވާއިދެއްގެ ދަށުން ކޮން ފަރާތެއްގެ ނިންމުމަކުންތޯ މަޖިލީހުން ސާފުކުރަންޖެހޭ ކަމަށް ސިޓީގައިވެ އެވެ.

ގޭބަންދުގައި ތިބުމަށް އެ މީހުންނަށް ކަނޑައަޅާފައިވާ ޝަރުތުތަކާއި، އެ ޝަރުތުތަކާ އެއްގޮތަށް އަމަލުކުރޭތޯ ބަލަހައްޓަނީ ކޮން އިދާރާއަކުންކަން އޮޅުންފިލުވުމަށްވެސް ކުޑޫ ވަނީ އެދިވަޑައިގެންފަ އެވެ.

އެ މީހުން ގޭބަންދަށް ދޫކޮށްފައިވާ ރަށްރަށުގެ ކައުންސިލްތަކަށާއި ބެލެނިވެރިންނަށް އެކަން އަންގާފައިވޭތޯ ބެލުމާއި، އެ ރަށްރަށުގައި ކުޑަކުދިން ރައްކާތެރިކުރުމަށް އަޅާފައިވާ ފިޔަވަޅުތައް ދެނެގަތުމަކީވެސް ކޮމިޓީން ބަލަންޖެހޭ ކަމެއްގެ ގޮތުގައި އޭނާ ފާހަގަކުރެއްވި އެވެ.

މީގެ އިތުރުން، ގޭބަންދުގައި ތިބި އެ ކުށްވެރިންގެ ފައިގައި އިލެކްޓްރޯނިކް ޓެގް އަޅައިގެން މޮނިޓާކުރާ ނިޒާމެއް ގާއިމުކޮށްފައިވޭތޯ ބެލުމަށާއި، އެ މީހުން އަނބުރާ ޖަލަށް ގެންދިއުމަށް ކަމާބެހޭ ވުޒާރާއިން ކުރަމުންދާ މަސައްކަތްތައް ސާފުކޮށްދިނުމަށް ކުޑޫ ވަނީ އެދިވަޑައިގެންފަ އެވެ.

މި ކަމުގައި ގާނޫނީ ޒިންމާ އުފުލަންޖެހޭ ފަރާތްތައް ދެނެގަނެ، ކުޑަކުދިންގެ ރައްކާތެރިކަމަށްޓަކައި އަވަސް އަދި ހަރުދަނާ ފިޔަވަޅުތަކެއް އެޅުމަށް ކަމާގުޅޭ ހުރިހާ އިދާރާތަކެއް ކޮމިޓީއަށް ހާޒިރުކޮށްދިނުމަށް އޭނާ ވަނީ މަޖިލީހުގެ ރައީސްގެ އަރިހުން އެދިވަޑައިގެންފަ އެވެ.

Ads by
މިލިޔުމާއި ގުޅޭ

ކޮމެންޓް

guest
0 ކޮމެންޓް
ކުރީގެ
ފަހުގެ އެންމެ ގިނަ ވޯޓް
ހަބަރުގެ ތެރެއިން ހިޔާލު
...ހިޔާލުތައް ކިޔާލުމަށް
Ads by
ފަހުގެ ޚަބަރު
mutholibi and saeed
"އަދަދު" ނޫސްވެރިން 2 މިނިސްޓަރަކާއި މަގުމަތިން ދިމާކޮށް ފުރައްސާރަކޮށްފި
large_thumb_1794838270108
މާފަރާއި ފޮއްދޫގައި އަލަށް ބިނާކުރި ފުލުހުންގެ މަރުކަޒު ރަސްމީކޮށް ހުޅުވައި ޚިދުމަތް ދޭން ފަށައިފި
vazeerunge majilis
ސިޔާސަތުތަކަށް ފަންނީ ތަޖުރިބާކާރުންގެ އިލްމީ ލަފާ ހޯދަން ކޮމިޓީތަކެއް އުފައްދަވަނީ
big_y0OjWZ5sc0AZ00GFfi0UbJiYK
2028 ގައި ރައީސް މުޢިއްޒަށް ދެވަނަ ދައުރެއް ދިނުމަކީ ޤައުމުގެ ހަމަޖެހުމަށް އޮތް ހަމައެކަނި މަގު: ޢަބްދުއްރަޙީމް
Ads by
މަގުބޫލު
Dhivehi Raeesun 123
ޖުމުހޫރީ ދުވަސް: އަމިއްލަ މިނިވަންކަމާއި، ސިޔާދަތާއި އިސްތިޤުލާލުގެ ތާރީޚީ ރަމުުޒު
IMG_3293
2015 ގައި މާބަނޑު އަންހެނަކު މަރުވި އެކްސިޑެންޓް: ފިރިމީހާއާއި ދަރިފުޅު މަރުގެ ދިޔަ ބޭނުމެއް ނުވި
Adam Azim 1414
ވެރިކަމުގައި އިބޫ ނުވަތަ ނަޝީދު ހުންނެވި ނަމަ ރަސްމާލެ އޯކޭ: އާޒިމް
Moosun2525
ދުނިޔޭގެ މޫސުމަށް ބޮޑެތި ބަދަލުތަކެއް އަތުވެދާނެ ކަމުގެ އިންޒާރު ނާސާއިން ދީފި
Dhivehi Raeesun 123
ޖުމުހޫރީ ދުވަސް: އަމިއްލަ މިނިވަންކަމާއި، ސިޔާދަތާއި އިސްތިޤުލާލުގެ ތާރީޚީ ރަމުުޒު
IMG_3293
2015 ގައި މާބަނޑު އަންހެނަކު މަރުވި އެކްސިޑެންޓް: ފިރިމީހާއާއި ދަރިފުޅު މަރުގެ ދިޔަ ބޭނުމެއް ނުވި
Adam Azim 1414
ވެރިކަމުގައި އިބޫ ނުވަތަ ނަޝީދު ހުންނެވި ނަމަ ރަސްމާލެ އޯކޭ: އާޒިމް
Moosun2525
ދުނިޔޭގެ މޫސުމަށް ބޮޑެތި ބަދަލުތަކެއް އަތުވެދާނެ ކަމުގެ އިންޒާރު ނާސާއިން ދީފި