Tuesday, 17 November 2026
Ads by

ތިން އަހަރަށް ފަހު ޕާކިސްތާނުގެ ވަޒީރަކު އިންޑިއާއަށް ވަޑައިގަންނަވަނީ

ތިން އަހަރަށް ފަހު ޕާކިސްތާނުގެ ވަޒީރަކު އިންޑިއާއަށް ވަޑައިގަންނަވަނީ

ތިން އަހަރަށް ވުރެ ގިނަ ދުވަހުގެ މެދުކެނޑުމަކަށް ފަހު، އަދި ”އޮޕަރޭޝަން ސިންދޫރު“ އަށް ފަހު ފުރަތަމަ ފަހަރަށް ޕާކިސްތާނުގެ ވަޒީރަކު އިންޑިއާއަށް ދަތުރުފުޅު ކުރައްވާ ގޮތަށް ހަމަޖެހިއްޖެއެވެ.

Ad Image
Ads by

ޕާކިސްތާނުގެ ފޮރިން އޮފީހުން ހޮނިހިރު ދުވަހު ހާމަކުރި ގޮތުގައި، މި މަހުގެ 20 އިން 22 އަށް އިންޑިއާގެ ވެރިރަށް ނިއުދިއްލީގައި ބޭއްވުމަށް ހަމަޖެހިފައިވާ ޝަންހާއީ ކޯޕަރޭޝަން އޯގަނައިޒޭޝަން (އެސްސީއޯ) ގެ ”ސިވިލައިޒޭޝަނަލް ޑައިލޮގް ފޯރަމް“ ގައި ޕާކިސްތާނުގެ ފަރާތުން ބައިވެރިވެވަޑައިގަންނަވާނީ އެ ގައުމުގެ ކްލައިމެޓް ޗޭންޖް މިނިސްޓަރު މުސައްދިގު މަސްއޫދު މަލިކެވެ.

ޕާކިސްތާނުގެ ޚާރިޖިއްޔާއިން ނެރުނު ބަޔާނެއްގައި ބުނެފައިވަނީ، އިހުތިރާމާއި އެކު އެސްސީއޯގެ އޮނިގަނޑުގެ ތެރެއިން ތަހުޒީބުތަކުގެ މެދުގައި މަޝްވަރާތައް ކުރިއަރުވައި، ރައްޔިތުންގެ މެދުގައި ގުޅުން ބަދަހިކުރުމަށް ޕާކިސްތާނުން އަބަދުވެސް މަސައްކަތްކުރާނެ ކަމަށެވެ.

މި ފޯރަމްގައި ބައިވެރިވެވަޑައިގަތުމަށް އިންޑިއާއިން ފުރަތަމަ ދައުވަތު އަރުވާފައިވަނީ ޕާކިސްތާނުގެ ނޭޝަނަލް ހެރިޓޭޖް އެންޑް ކަލްޗަރ މިނިސްޓަރު އަައުރަންގަޒޭބް ޚާން ޚީޗީ އަށެވެ. ނަމަވެސް، ޚީޗީގެ ބަދަލުގައި މަލިކު ފޮނުވަން ނިންމި ސަބަބެއް ޕާކިސްތާނުގެ ބަޔާނުގައި ހާމަކޮށްފައެއް ނުވެއެވެ. އިންޑިއާގެ ޔޫނިއަން ކަލްޗަރ މިނިސްޓަރު ގަޖެންދުރަ ސިންގް ޝެކާވަތު ވަނީ ޕާކިސްތާނުން މި ބައްދަލުވުމުގައި ބައިވެރިވާނެ ކަމަށް އުންމީދުކުރައްވާ ކަމަށް ވިދާޅުވެފައެވެ.

މި ފޯރަމަކީ އިންޑިއާގެ އިސްނެގުމަކަށް ބާއްވާ ހަރަކާތެކެވެ. މިއީ މިދިޔަ އަހަރުގެ ސެޕްޓެމްބަރު މަހު ޓިއަންޖިންގައި ބޭއްވި އެސްސީއޯ ސަމިޓުގައި އިންޑިއާގެ ބޮޑުވަޒީރު ނަރެންދުރަ މޯދީ ހުށަހެޅުއްވި ހުށަހެޅުއްވުމެކެވެ. މި ފޯރަމުގައި އެސްސީއޯގެ މެންބަރު ގައުމުތަކާއި ޕާޓްނަރު ގައުމުތައް ހިމެނޭހެން 25 އަށް ވުރެ ގިނަ ގައުމުން ބައިވެރިވާނެ ކަމަށް ބެލެވެއެވެ.

ޕާކިސްތާނުގެ ވަޒީރަކު އެންމެ ފަހުން އިންޑިއާއަށް ވަޑައިގެންފައިވަނީ 2023 ވަނަ އަހަރުގެ މެއި މަހު ގޯއާގައި ބޭއްވި އެސްސީއޯގެ ފޮރިން މިނިސްޓަރުންގެ ބައްދަލުވުމުގައި ބައިވެރިވެވަޑައިގަތުމަށް އޭރުގެ ޚާރިޖީ ވަޒީރު ބިލާވަލް ބުއްޓޫ ޒަރުދާރީއެވެ. އޭގެ ފަހުން ޕަހަލްގާމްގައި ދިން ޓެރަރިސްޓް ހަމަލާއާއި، އޭގެ ރައްދުގައި އިންޑިއާއިން ހިންގި ”އޮޕަރޭޝަން ސިންދޫރު“ އާ ގުޅިގެން ދެ ގައުމުގެ ގުޅުން ވަނީ ވަރަށް ބޮޑަށް ގޯސްވެފައެވެ.

މިފަދަ ހައްސާސް ހާލަތެއްގައި ވެސް، އެސްސީއޯ އަކީ ދެ ގައުމުގެ ދެމެދުގައި މަޝްވަރާތައް ކުރިއަށްދާ މަދު ޕްލެޓްފޯމްތަކުގެ ތެރެއިން އެއް ވަސީލަތެވެ. ޕާކިސްތާނުން ވަނީ 2026-27 ވަނަ އަހަރަށް އެސްސީއޯގެ ޗެއާމަންކަމާ ހަވާލުވެފައެވެ. އަދި އޮގަސްޓް 2027 ގައި އެ ޖަމާއަތުގެ އިސްވެރިންގެ ސަމިޓް ބޭއްވުމަށް ހަމަޖެހިފައިވަނީ ޕާކިސްތާނުގެ އިސްލާމްއާބާދުގައެވެ. މީގެ އިތުރުން، މިދިޔަ ސެޕްޓެމްބަރު މަހު އިންޑިއާގެ އެސްސީއޯ ނޭޝަނަލް ކޯޑިނޭޓަރު އަލޯކް ދިމްރީ ވެސް ވަނީ އިސްލާމްއާބާދުގައި ބޭއްވި ބައްދަލުވުމެއްގައި ބައިވެރިވެވަޑައިގެންފައެވެ.

Ads by
މިލިޔުމާއި ގުޅޭ

ކޮމެންޓް

guest
0 ކޮމެންޓް
ކުރީގެ
ފަހުގެ އެންމެ ގިނަ ވޯޓް
ހަބަރުގެ ތެރެއިން ހިޔާލު
...ހިޔާލުތައް ކިޔާލުމަށް
Ads by
ފަހުގެ ޚަބަރު
mutholibi and saeed
"އަދަދު" ނޫސްވެރިން 2 މިނިސްޓަރަކާއި މަގުމަތިން ދިމާކޮށް ފުރައްސާރަކޮށްފި
large_thumb_1794838270108
މާފަރާއި ފޮއްދޫގައި އަލަށް ބިނާކުރި ފުލުހުންގެ މަރުކަޒު ރަސްމީކޮށް ހުޅުވައި ޚިދުމަތް ދޭން ފަށައިފި
vazeerunge majilis
ސިޔާސަތުތަކަށް ފަންނީ ތަޖުރިބާކާރުންގެ އިލްމީ ލަފާ ހޯދަން ކޮމިޓީތަކެއް އުފައްދަވަނީ
big_y0OjWZ5sc0AZ00GFfi0UbJiYK
2028 ގައި ރައީސް މުޢިއްޒަށް ދެވަނަ ދައުރެއް ދިނުމަކީ ޤައުމުގެ ހަމަޖެހުމަށް އޮތް ހަމައެކަނި މަގު: ޢަބްދުއްރަޙީމް
Ads by
މަގުބޫލު
Dhivehi Raeesun 123
ޖުމުހޫރީ ދުވަސް: އަމިއްލަ މިނިވަންކަމާއި، ސިޔާދަތާއި އިސްތިޤުލާލުގެ ތާރީޚީ ރަމުުޒު
IMG_3293
2015 ގައި މާބަނޑު އަންހެނަކު މަރުވި އެކްސިޑެންޓް: ފިރިމީހާއާއި ދަރިފުޅު މަރުގެ ދިޔަ ބޭނުމެއް ނުވި
Adam Azim 1414
ވެރިކަމުގައި އިބޫ ނުވަތަ ނަޝީދު ހުންނެވި ނަމަ ރަސްމާލެ އޯކޭ: އާޒިމް
Moosun2525
ދުނިޔޭގެ މޫސުމަށް ބޮޑެތި ބަދަލުތަކެއް އަތުވެދާނެ ކަމުގެ އިންޒާރު ނާސާއިން ދީފި
Dhivehi Raeesun 123
ޖުމުހޫރީ ދުވަސް: އަމިއްލަ މިނިވަންކަމާއި، ސިޔާދަތާއި އިސްތިޤުލާލުގެ ތާރީޚީ ރަމުުޒު
IMG_3293
2015 ގައި މާބަނޑު އަންހެނަކު މަރުވި އެކްސިޑެންޓް: ފިރިމީހާއާއި ދަރިފުޅު މަރުގެ ދިޔަ ބޭނުމެއް ނުވި
Adam Azim 1414
ވެރިކަމުގައި އިބޫ ނުވަތަ ނަޝީދު ހުންނެވި ނަމަ ރަސްމާލެ އޯކޭ: އާޒިމް
Moosun2525
ދުނިޔޭގެ މޫސުމަށް ބޮޑެތި ބަދަލުތަކެއް އަތުވެދާނެ ކަމުގެ އިންޒާރު ނާސާއިން ދީފި