Tuesday, 17 November 2026
Ads by

އާންމުންގެ ލޯބި ހޯދި ”ބާބާ“ އަށް ހާޓްއެޓޭކެއް ޖެހި ބޭރުން ފަރުވާ ހޯދަން ދީލަތި އެހީއަކަށް އެދިއްޖެ

އާންމުންގެ ލޯބި ހޯދި ”ބާބާ“ އަށް ހާޓްއެޓޭކެއް ޖެހި ބޭރުން ފަރުވާ ހޯދަން ދީލަތި އެހީއަކަށް އެދިއްޖެ

ކާބޯތަކެތީގެ ވިޔަފާރިން އާންމުންގެ ބޮޑު މަގުބޫލުކަމެއް ހޯދާފައިވާ ”ބާބާ ގާޑިޔާ“ ގެ ވެރިޔާ، ހަސަން އަތީގު (ބާބާ) އަށް ހާޓް އެޓޭކެއް ޖެހި، ހާލު ސީރިއަސްވުމާ ގުޅިގެން ރާއްޖެއިން ބޭރަށް ގޮސް އިތުރު ފަރުވާ ހޯދުމަށް އާންމުންގެ ދީލަތި އެހީތެރިކަމަށް އެދިއްޖެ އެވެ.

Ad Image
Ads by

ފުވައްމުލަކަށް އުފަން އަތީގަށް ހާޓް އެޓޭކެއް ޖެހުނީ މިދިޔަ އޮކްޓޯބަރު މަހުގެ 27 ވަނަ ދުވަހު އެ ރަށުގައި ހުއްޓަ އެވެ. އެ ރަށު ހޮސްޕިޓަލުން ފުރަތަމަ ފަރުވާ ދިނުމަށްފަހު، އިތުރު ފަރުވާއަށް ޖެހިގެން އައި ދުވަހު މާލެ ގެނެސް އައިޖީއެމްއެޗުގައި ވަނީ އެޑްމިޓްކޮށްފަ އެވެ.

މާލެ ގެނައި ފަހުން އޭނާގެ ހިތުގެ ދެ އެންޖިއޯގްރާމް މިހާތަނަށް ހަދާފައިވާއިރު، ހާޓް އެޓޭކަށްފަހު ކަރުގެ ދެފަރާތުގެ ނާރުތައް ވަރަށް ބޮޑަށް ދުޅަވެ ރިއްސާތީ އުޅޭ ކަމަށް އަތީގު ބުނެފައިވެ އެވެ. މި ތަދު ބޮޑުވާތީ ހޮސްޕިޓަލަށް ދާ ކޮންމެ ފަހަރަކު އިމަޖެންސީ ރޫމުގައި އެޑްމިޓްކޮށްގެން ފަރުވާ ދޭން ޖެހޭ ކަމަށް ވެސް އޭނާ ފާހަގަކުރި އެވެ.

ކާޑިއޯ، ނިއުރޯ އަދި އީއެންޓީ ޑޮކްޓަރުންނަށް ދައްކައިގެން ގިނަ ޓެސްޓުތަކެއް ހެދި ނަމަވެސް، އެންޖިއޯގްރާމަށްފަހު މެޔަށާއި ކަރުގެ ނާރުތަކަށް އަރާ ތަދުގެ އަސްލު ސަބަބު މިހާތަނަށް ދެނެގަނެވިފައި ނުވާ ކަމަށާއި، ރޭގަނޑު ހަމަނިދި ނުލިބޭ ކަމަށް އަތީގު އޭނާގެ ފޭސްބުކް ޕޯސްޓުގައި ބުނެފައިވެ އެވެ.

ބައްޔަށް އެއްވެސް ލުޔެއް ނުލިބި ދިގުލައިގެންދާތީ ރާއްޖެއިން ބޭރުން ފަރުވާ ހޯދުމަށް މިހާރު ވަނީ އާސަންދަ ހަމަޖެހިފަ އެވެ. ނަމަވެސް، ބަލިވުމާ ގުޅިގެން އޭނާގެ އާމްދަނީގެ މައިގަނޑު ވަސީލަތް ކަމަށްވާ ގާޑިޔަލުގެ ވިޔަފާރި އެއްކޮށް ހުއްޓިފައިވާތީ، އިންޑިއާގައި ހޭދަވާނެ މުއްދަތެއް ނޭނގޭ ދަތުރެއްގެ ހުރުމާއި ކެއުމުގެ ޚަރަދުތައް ހަމަޖެއްސޭނެ މާލީ ތަނަވަސްކަމެއް ނެތް ކަމަށް އޭނާ ބުންޏެވެ.

ކޮވިޑް-19 ގެ ބަލިމަޑުކަމާ ގުޅިގެން ރިސޯޓު ވަޒީފާ ގެއްލުމުން ދަމާ ގާޑިޔަލެއްގައި މަސައްކަތް ފެށި އަތީގު ވަނީ 2021 ވަނަ އަހަރު ފުވައްމުލަކުގައި ފުޑް ޓްރަކެއްގެ ވިޔަފާރި ފަށާފަ އެވެ. ހުޅުމާލޭގައި މިދިޔަ އަހަރު ބޭއްވި މޯލްޑިވްސް އެކްސްޕޯގައި އޭނާގެ ގާޑިޔަލުން ވިއްކި ޝަވަރުމާއަށް އާންމުންގެ ބޮޑު ތަރުހީބެއް ލިބުނުއިރު، އޭރު ލިބުނު ފައިދާގެ އެއްބައި އޭނާ ވަނީ ފަލަސްތީނުގެ ރައްޔިތުންނަށް ވެސް ހަދިޔާކޮށްފަ އެވެ.

އަތީގަށް މާލީ އެހީތެރިކަން ފޯރުކޮށްދޭން ބޭނުންވާ ފަރާތްތަކަށް، ހަސަން އަތީގުގެ ނަމުގައިވާ ބީއެމްއެލް އެކައުންޓް ނަންބަރު 7703234441101 އަށް ނުވަތަ އެމްއައިބީ އެކައުންޓް ނަންބަރު 90603100669081001 އަށް ފައިސާ ޖަމާކުރެވޭނެ އެވެ.

Ads by
މިލިޔުމާއި ގުޅޭ

ކޮމެންޓް

guest
0 ކޮމެންޓް
ކުރީގެ
ފަހުގެ އެންމެ ގިނަ ވޯޓް
ހަބަރުގެ ތެރެއިން ހިޔާލު
...ހިޔާލުތައް ކިޔާލުމަށް
Ads by
ފަހުގެ ޚަބަރު
mutholibi and saeed
"އަދަދު" ނޫސްވެރިން 2 މިނިސްޓަރަކާއި މަގުމަތިން ދިމާކޮށް ފުރައްސާރަކޮށްފި
large_thumb_1794838270108
މާފަރާއި ފޮއްދޫގައި އަލަށް ބިނާކުރި ފުލުހުންގެ މަރުކަޒު ރަސްމީކޮށް ހުޅުވައި ޚިދުމަތް ދޭން ފަށައިފި
vazeerunge majilis
ސިޔާސަތުތަކަށް ފަންނީ ތަޖުރިބާކާރުންގެ އިލްމީ ލަފާ ހޯދަން ކޮމިޓީތަކެއް އުފައްދަވަނީ
big_y0OjWZ5sc0AZ00GFfi0UbJiYK
2028 ގައި ރައީސް މުޢިއްޒަށް ދެވަނަ ދައުރެއް ދިނުމަކީ ޤައުމުގެ ހަމަޖެހުމަށް އޮތް ހަމައެކަނި މަގު: ޢަބްދުއްރަޙީމް
Ads by
މަގުބޫލު
Dhivehi Raeesun 123
ޖުމުހޫރީ ދުވަސް: އަމިއްލަ މިނިވަންކަމާއި، ސިޔާދަތާއި އިސްތިޤުލާލުގެ ތާރީޚީ ރަމުުޒު
IMG_3293
2015 ގައި މާބަނޑު އަންހެނަކު މަރުވި އެކްސިޑެންޓް: ފިރިމީހާއާއި ދަރިފުޅު މަރުގެ ދިޔަ ބޭނުމެއް ނުވި
Adam Azim 1414
ވެރިކަމުގައި އިބޫ ނުވަތަ ނަޝީދު ހުންނެވި ނަމަ ރަސްމާލެ އޯކޭ: އާޒިމް
Moosun2525
ދުނިޔޭގެ މޫސުމަށް ބޮޑެތި ބަދަލުތަކެއް އަތުވެދާނެ ކަމުގެ އިންޒާރު ނާސާއިން ދީފި
Dhivehi Raeesun 123
ޖުމުހޫރީ ދުވަސް: އަމިއްލަ މިނިވަންކަމާއި، ސިޔާދަތާއި އިސްތިޤުލާލުގެ ތާރީޚީ ރަމުުޒު
IMG_3293
2015 ގައި މާބަނޑު އަންހެނަކު މަރުވި އެކްސިޑެންޓް: ފިރިމީހާއާއި ދަރިފުޅު މަރުގެ ދިޔަ ބޭނުމެއް ނުވި
Adam Azim 1414
ވެރިކަމުގައި އިބޫ ނުވަތަ ނަޝީދު ހުންނެވި ނަމަ ރަސްމާލެ އޯކޭ: އާޒިމް
Moosun2525
ދުނިޔޭގެ މޫސުމަށް ބޮޑެތި ބަދަލުތަކެއް އަތުވެދާނެ ކަމުގެ އިންޒާރު ނާސާއިން ދީފި