Tuesday, 17 November 2026
Ads by

ތާރީޚީ ނާކާމިޔާބީއަކާއެކު ލަނޑެއް ނުޖެހި ރާއްޖެ ސާފް ޗެމްޕިއަންޝިޕުން ކަޓައިފި

ތާރީޚީ ނާކާމިޔާބީއަކާއެކު ލަނޑެއް ނުޖެހި ރާއްޖެ ސާފް ޗެމްޕިއަންޝިޕުން ކަޓައިފި

ރާއްޖެ އާއި އިންޑިއާ މިއަދު ކުޅުނު މެޗުގެ ތެރެއިން: --- ފޮޓޯ: ސާފް

މުބާރާތުގެ ތާރީޚުގައި ވެސް ފުރަތަމަ ފަހަރަށް އެންމެ ލަނޑެއް ވެސް ކާމިޔާބު ނުކުރެވި، ބަންގްލަދޭޝްގައި ކުރިއަށްދާ ޓެކްނޯ ސާފް ޗެމްޕިއަންޝިޕްގެ ގްރޫޕް ސްޓޭޖުން ރާއްޖެ ކަޓައިފި އެވެ. ދިވެހި ޓީމަށް މުބާރާތް ނިމުނީ ގްރޫޕްގެ ފަހު މެޗުގައި އެންމެ ފަހުގެ ޗެމްޕިއަން އިންޑިއާ އަތުން 1-0 އިން ބަލިވުމުންނެވެ.

Ad Image
Ads by

ޑާކާގެ ގައުމީ ފުޓްބޯޅަ ސްޓޭޑިއަމްގައި ކުޅުނު މި މެޗުގެ ހަމައެކަނި ލަނޑު އިންޑިއާއިން ޖެހީ 38 ވަނަ މިނެޓުގައި ލިބުނު ޕެނަލްޓީއަކުންނެވެ. އިންޑިއާގެ ވިންގާ އަބްދުލް ރަބީހަށް ރާއްޖޭގެ ޑިފެންޑަރު ހުސައިން ސިފާއު ޔޫސުފް (ކުރޯ) އޭރިއާ ތެރެއިން ކުރި ފައުލަކާ ގުޅިގެން ލިބުނު މި ޕެނަލްޓީ ކާމިޔާބުކޮށްދިނީ ޒުވާން ފޯވާޑް ސުހޭލް އަހުމަދު ބަޓް އެވެ. މިއީ މި މުބާރާތުގައި އޭނާ ޖެހި ތިންވަނަ ލަނޑެވެ.

ފުރަތަމަ މެޗުގައި ޕާކިސްތާން އަތުން 3-0 އިން ބަލިވެފައި އޮތުމުން މުބާރާތުގައި ކުރިއަށް ދިއުމަށް މޮޅެއް ކޮންމެހެން ބޭނުންވެފައި އޮތް ރާއްޖެއިން ވަނީ ދެވަނަ ހާފުގައި ކުޅުން ރަނގަޅުކޮށް ލަނޑެއް ޖެހޭތޯ މަސައްކަތްކޮށްފަ އެވެ. އެގޮތުން ބަދަލު ކުޅުންތެރިއެއްގެ ގޮތުގައި ނުކުތް މުޒްދާން ހަސަން ފުރުސަތުތަކެއް ތަނަވަސްކުރަން މަސައްކަތް ކުރިއިރު، ޒުވާން ފޯވާޑް އީތަން އިބްރާހިމް ޒަކީ ވަނީ އިންޑިއާގެ ޑިފެންސަށް ބާރުބޮޑުކޮށްފަ އެވެ. މެޗުގެ ފަހު ވަގުތުކޮޅު ތެރޭގައި ރާއްޖެއިން ނަތީޖާ ހަމަހަމަ ކުރުމާ ވަރަށް ގާތަށް ޖެހިލި ނަމަވެސް، އިންޑިއާގެ ގޯލްކީޕަރު ޕްރިޔާންޝް ދުބޭ ވަނީ އެ ނުރައްކާތެރި ހަމަލާ ހުށިޔާރުކަމާއެކު ދިފާއުކޮށްފަ އެވެ.

ކޯޗު ނައުޝާދު މޫސާގެ އިރުޝާދުގެ ދަށުން 23 އަހަރުން ދަށުގެ ކުޅުންތެރިންނާއެކު މި މުބާރާތަށް ނުކުތް އިންޑިއާ ޓީމުން ވަނީ ކުޅުނު ދެ މެޗު ވެސް ކޮންޓްރޯލްކޮށްގެން މޮޅުވެ، ހަ ޕޮއިންޓާއެކު ގްރޫޕްގެ އެއްވަނަ ހޯދައިފަ އެވެ. މި ގްރޫޕްގެ ދެވަނަ ޓީމުގެ ގޮތުގައި ސެމީ ފައިނަލުން ޖާގަ ހޯދީ ޕާކިސްތާނެވެ.

ސާފް ޗެމްޕިއަންޝިޕްގެ ތަށި 10 ވަނަ ފަހަރަށް އުފުލާލުމަށް އަމާޒު ހިފާފައިވާ އިންޑިއާ އަންނަ ހޮނިހިރު ދުވަހު ކުޅޭ ސެމީ ފައިނަލުގައި ނުކުންނާނީ ގްރޫޕް އޭގެ ދެވަނަ ހޯދާ ޓީމަކާ ދެކޮޅަށެވެ. އެ ގްރޫޕުން ބަންގްލަދޭޝްއަށް ސެމީގެ ޖާގަ ކަށަވަރުވެފައިވާއިރު، ދެވަނައިގައި މިވަގުތު އޮތީ ސްރީލަންކާ އެވެ.

Ads by
މިލިޔުމާއި ގުޅޭ

ކޮމެންޓް

guest
1 ކޮމެންޓް
ކުރީގެ
ފަހުގެ އެންމެ ގިނަ ވޯޓް
ހަބަރުގެ ތެރެއިން ހިޔާލު
...ހިޔާލުތައް ކިޔާލުމަށް
ދެރަސޮރު
ދެރަސޮރު
4 ދުވަސް ކުރިން

ސަރުކާރުން ބަލަންވީ ނަތީޖާ ނުނެރެވޭ ކުޅިވަރުތަކައް ހަރަދު ނުކުރަން. ކުޑަ ހަރަދަކުން މެޑަލްގެނެސްދޭ ކުޅުވަރތަކަޢް ފުޓުބޯޅައަޢް ކުރާ ހަރަދު ކުރަން. އޭރުން ކުރާ ހަރަދާ އެއްވަރުގެ ނަތީޖާ ލިބޭނެތާ. މިހާރު މިވަނީ ފޫނެތް ފަޔަކަޢް ފެންފުރުންފަދަ ކަމަކަޢް. ތަކުރާރުކޮއް ކޮންމެ ފަހަރަކު ތައްޓޭ ކިޔާފަގޮސްފަ އަންނަޏީ ފަނުފުލުން ގޮސްގެން

Ads by
ފަހުގެ ޚަބަރު
mutholibi and saeed
"އަދަދު" ނޫސްވެރިން 2 މިނިސްޓަރަކާއި މަގުމަތިން ދިމާކޮށް ފުރައްސާރަކޮށްފި
large_thumb_1794838270108
މާފަރާއި ފޮއްދޫގައި އަލަށް ބިނާކުރި ފުލުހުންގެ މަރުކަޒު ރަސްމީކޮށް ހުޅުވައި ޚިދުމަތް ދޭން ފަށައިފި
vazeerunge majilis
ސިޔާސަތުތަކަށް ފަންނީ ތަޖުރިބާކާރުންގެ އިލްމީ ލަފާ ހޯދަން ކޮމިޓީތަކެއް އުފައްދަވަނީ
big_y0OjWZ5sc0AZ00GFfi0UbJiYK
2028 ގައި ރައީސް މުޢިއްޒަށް ދެވަނަ ދައުރެއް ދިނުމަކީ ޤައުމުގެ ހަމަޖެހުމަށް އޮތް ހަމައެކަނި މަގު: ޢަބްދުއްރަޙީމް
Ads by
މަގުބޫލު
Dhivehi Raeesun 123
ޖުމުހޫރީ ދުވަސް: އަމިއްލަ މިނިވަންކަމާއި، ސިޔާދަތާއި އިސްތިޤުލާލުގެ ތާރީޚީ ރަމުުޒު
IMG_3293
2015 ގައި މާބަނޑު އަންހެނަކު މަރުވި އެކްސިޑެންޓް: ފިރިމީހާއާއި ދަރިފުޅު މަރުގެ ދިޔަ ބޭނުމެއް ނުވި
Adam Azim 1414
ވެރިކަމުގައި އިބޫ ނުވަތަ ނަޝީދު ހުންނެވި ނަމަ ރަސްމާލެ އޯކޭ: އާޒިމް
Moosun2525
ދުނިޔޭގެ މޫސުމަށް ބޮޑެތި ބަދަލުތަކެއް އަތުވެދާނެ ކަމުގެ އިންޒާރު ނާސާއިން ދީފި
Dhivehi Raeesun 123
ޖުމުހޫރީ ދުވަސް: އަމިއްލަ މިނިވަންކަމާއި، ސިޔާދަތާއި އިސްތިޤުލާލުގެ ތާރީޚީ ރަމުުޒު
IMG_3293
2015 ގައި މާބަނޑު އަންހެނަކު މަރުވި އެކްސިޑެންޓް: ފިރިމީހާއާއި ދަރިފުޅު މަރުގެ ދިޔަ ބޭނުމެއް ނުވި
Adam Azim 1414
ވެރިކަމުގައި އިބޫ ނުވަތަ ނަޝީދު ހުންނެވި ނަމަ ރަސްމާލެ އޯކޭ: އާޒިމް
Moosun2525
ދުނިޔޭގެ މޫސުމަށް ބޮޑެތި ބަދަލުތަކެއް އަތުވެދާނެ ކަމުގެ އިންޒާރު ނާސާއިން ދީފި