Tuesday, 17 November 2026
Ads by

މޫސުމީ ރެޒިލިއެންސް ގާއިމުކުރުމަށް މާލީ އިލްތިޒާމުތައް ފުރިހަމަކުރަން ތަރައްގީވެފައިވާ ގައުމުތަކަށް ރައީސް ގޮވާލައްވައިފި

މޫސުމީ ރެޒިލިއެންސް ގާއިމުކުރުމަށް މާލީ އިލްތިޒާމުތައް ފުރިހަމަކުރަން ތަރައްގީވެފައިވާ ގައުމުތަކަށް ރައީސް ގޮވާލައްވައިފި

ރައީސް ޑރ.މުޢިއްޒު --- ފޮޓޯ: ރައީސް އޮފީސް

ދުންޔޭގެ ފިނިހޫނުމިން މައްޗަށް ދިއުމުގެ ސަބަބުން ކުރިމަތިވާ މޫސުމީ ކާރިސާތަކަށް ހޭނުމަށް ކުރާ މަސައްކަތުގައި ރާއްޖެ ފަދަ ކުދި ޖަޒީރާ ގައުމުތައް ބޮޑެތި ދަރަނިތަކުގައި ޖެހެންޖެހޭ ހާލަތު ބަދަލުކޮށް، ތަރައްގީވެފައިވާ ގައުމުތަކުން މާލީ އިލްތިޒާމުތައް ފުރިހަމަކުރުމަށް ރައީސުލްޖުމްހޫރިއްޔާ ޑރ. މުހައްމަދު މުއިއްޒު ގޮވާލައްވައިފިއެވެ.

Ad Image
Ads by

ތުރުކީގެ އަންތާލިއާގައި ކުރިއަށްދާ ކޮޕް 31 ސަމިޓުގައި ތަގުރީރު ކުރައްވަމުން ރައީސް ވިދާޅުވީ މޫސުމީ ރެޒިލިއެންޓް މުސްތަގުބަލެއް ބިނާކުރުމަށް ރާއްޖެ އޮތީ ތައްޔާރަށް ކަމަށާއި، އެކަމަށްޓަކައި ބައިނަލްއަގުވާމީ މާލީ އެހީތެރިކަން ކޮންމެހެން ބޭނުންވާ ކަމަށެވެ.

މޫސުމީ މައްސަލަތަކުގައި ބައިނަލްއަގުވާމީ މުޖުތަމައުން އަވަސް ފިޔަވަޅުތަކެއް އަޅަންޖެހޭ މައިގަނޑު ތިން ކަމެއް ރައީސް މުއިއްޒު ވަނީ ފާހަގަކުރައްވާފައެވެ. އެގޮތުން ފުރަތަމަ ކަމެއްގެ ގޮތުގައި މާލީ އެހީތެރިކަން ފޯރުކޮށްދިނުން ހިމެނޭއިރު، މާލީ އެހީއަކީ އަލަށް ދެވޭ، އިތުރުކުރެވޭ އަދި ހިލޭ ދެވޭ އެހީއަކަށް ވާންޖެހޭނެ ކަމަށް އެމަނިކުފާނު ވިދާޅުވިއެވެ. މީގެއިތުރުން ގްރީން ކްލައިމެޓް ފަންޑާއި އެޑަޕްޓޭޝަން ފަންޑު އަދި ގެއްލުމުގެ ބަދަލުދޭ ފަންޑަށް އެކަށީގެންވާ ވަސީލަތްތައް ފޯރުކޮށްދިނުމުގެ މުހިންމުކަން ރައީސް ފާހަގަކުރެއްވިއެވެ.

ދެވަނަ ކަމެއްގެ ގޮތުގައި ރައީސް ގޮވާލެއްވީ މޫސުމީ އެހީ ދިނުމުގެ ނިޒާމުތައް އިސްލާހުކުރުމަށެވެ. ބައިނަލްއަގުވާމީ މާލީ އިދާރާތަކުން މޫސުމަށް ހޭނުމަށް ކުރާ އިންވެސްޓްމަންޓްތަކާ މެދު ދެކޭ ގޮތާއި ރޭޓްކުރާ އުސޫލުތައް ބަދަލުކުރަންޖެހޭ ކަމަށާއި، ރެޒިލިއެންސްއަށް ކުރެވޭ މަސައްކަތަކީ މާލީ ބުރައެއްގެ ބަދަލުގައި އެންމެންގެ މުސްތަގުބަލަށް ކުރެވޭ އިންވެސްޓްމަންޓެއްގެ ގޮތުގައި ބަލައިގަންނަންޖެހޭ ކަމަށް އެމަނިކުފާނު ވިދާޅުވިއެވެ.

ތިންވަނަ ކަމެއްގެ ގޮތުގައި މޫސުމީ ސިޔާސަތުތައް އަމަލީ ގޮތުން ތަންފީޒުކުރުމަށް ގޮވާލައްވަމުން، ކާނާގެ ކަށަވަރުކަމާއި ހަކަތަ އަދި ފެނުގެ ވަސީލަތްތައް ގާއިމުކުރުމުގައި ރާއްޖެއިން އަމާޒުތައް އަމަލީ މަސައްކަތަށް ބަދަލުކުރަމުންދާކަން ރައީސް ހާމަކުރެއްވިއެވެ. އެގޮތުން މިދިޔަ މަހު ރާއްޖޭގެ މުއައްސަސާއަކަށް ގްރީން ކްލައިމެޓް ފަންޑުގެ އެކްރިޑިޓޭޝަން ލިބިފައިވާކަން ފާހަގަކުރައްވައި، މިއީ އޭޝިއާގެ ތަރައްގީވަމުން އަންނަ ކުޑަ ޖަޒީރާ ގައުމަކަށް މިފަދަ ކާމިޔާބީއެއް ހާސިލުވި ފުރަތަމަ ފަހަރުކަން އެމަނިކުފާނު ފާހަގަކުރެއްވިއެވެ.

އަމަލީ ގޮތުން ތަންފީޒު ނުކުރެވޭ އުއްމީދުތަކަކީ ހަމައެކަނި ވައުދުތަކެއްގެ ގޮތުގައި ސިފަކުރައްވަމުން، ރާއްޖެއިން ގޮވާލަނީ އިންސާފަށާއި ޒިންމާ އަދާކުރުމަށް ކަމަށް ރައީސް ވިދާޅުވިއެވެ. ސަރުކާރުގެ އަމާޒަކީ ރާއްޖޭގައި ބޭނުންކުރާ ކަރަންޓުގެ 33 އިންސައްތަ އިޔާދަކުރަނިވި ހަކަތައަށް ބަދަލުކުރުން ކަމަށްވާއިރު، ކުރިން އުފެއްދި 53 މެގަވޮޓްގެ އިޔާދަކުރަނިވި ހަކަތަ މިހާރު 126 މެގަވޮޓަށް އިތުރުކުރެވިފައިވާ ކަމަށާއި، މިއީ 2023 ވަނަ އަހަރާ ހަމައަށް އުފެއްދި މިންވަރަށް ވުރެ ދެގުނައަށް ވުރެ އިތުރު އަދަދެއްކަން ސަރުކާރުން ވަނީ ހާމަކޮށްފައެވެ.

Ads by
މިލިޔުމާއި ގުޅޭ

ކޮމެންޓް

guest
0 ކޮމެންޓް
ކުރީގެ
ފަހުގެ އެންމެ ގިނަ ވޯޓް
ހަބަރުގެ ތެރެއިން ހިޔާލު
...ހިޔާލުތައް ކިޔާލުމަށް
Ads by
ފަހުގެ ޚަބަރު
mutholibi and saeed
"އަދަދު" ނޫސްވެރިން 2 މިނިސްޓަރަކާއި މަގުމަތިން ދިމާކޮށް ފުރައްސާރަކޮށްފި
large_thumb_1794838270108
މާފަރާއި ފޮއްދޫގައި އަލަށް ބިނާކުރި ފުލުހުންގެ މަރުކަޒު ރަސްމީކޮށް ހުޅުވައި ޚިދުމަތް ދޭން ފަށައިފި
vazeerunge majilis
ސިޔާސަތުތަކަށް ފަންނީ ތަޖުރިބާކާރުންގެ އިލްމީ ލަފާ ހޯދަން ކޮމިޓީތަކެއް އުފައްދަވަނީ
big_y0OjWZ5sc0AZ00GFfi0UbJiYK
2028 ގައި ރައީސް މުޢިއްޒަށް ދެވަނަ ދައުރެއް ދިނުމަކީ ޤައުމުގެ ހަމަޖެހުމަށް އޮތް ހަމައެކަނި މަގު: ޢަބްދުއްރަޙީމް
Ads by
މަގުބޫލު
Dhivehi Raeesun 123
ޖުމުހޫރީ ދުވަސް: އަމިއްލަ މިނިވަންކަމާއި، ސިޔާދަތާއި އިސްތިޤުލާލުގެ ތާރީޚީ ރަމުުޒު
IMG_3293
2015 ގައި މާބަނޑު އަންހެނަކު މަރުވި އެކްސިޑެންޓް: ފިރިމީހާއާއި ދަރިފުޅު މަރުގެ ދިޔަ ބޭނުމެއް ނުވި
Adam Azim 1414
ވެރިކަމުގައި އިބޫ ނުވަތަ ނަޝީދު ހުންނެވި ނަމަ ރަސްމާލެ އޯކޭ: އާޒިމް
Moosun2525
ދުނިޔޭގެ މޫސުމަށް ބޮޑެތި ބަދަލުތަކެއް އަތުވެދާނެ ކަމުގެ އިންޒާރު ނާސާއިން ދީފި
Dhivehi Raeesun 123
ޖުމުހޫރީ ދުވަސް: އަމިއްލަ މިނިވަންކަމާއި، ސިޔާދަތާއި އިސްތިޤުލާލުގެ ތާރީޚީ ރަމުުޒު
IMG_3293
2015 ގައި މާބަނޑު އަންހެނަކު މަރުވި އެކްސިޑެންޓް: ފިރިމީހާއާއި ދަރިފުޅު މަރުގެ ދިޔަ ބޭނުމެއް ނުވި
Adam Azim 1414
ވެރިކަމުގައި އިބޫ ނުވަތަ ނަޝީދު ހުންނެވި ނަމަ ރަސްމާލެ އޯކޭ: އާޒިމް
Moosun2525
ދުނިޔޭގެ މޫސުމަށް ބޮޑެތި ބަދަލުތަކެއް އަތުވެދާނެ ކަމުގެ އިންޒާރު ނާސާއިން ދީފި