Tuesday, 17 November 2026
Ads by

އިސްރާއީލުގައި އާ ސަރުކާރެއް އެކުލަވާލުމުގެ ފުރުސަތު ނަތަންޔާހޫއަށް ނުދީ، އައިޒެންކޮޓްއާ ހަވާލުކޮށްފި

އިސްރާއީލުގައި އާ ސަރުކާރެއް އެކުލަވާލުމުގެ ފުރުސަތު ނަތަންޔާހޫއަށް ނުދީ، އައިޒެންކޮޓްއާ ހަވާލުކޮށްފި

އިސްރާއީލުގެ އަސްކަރިއްޔާގެ ކުރީގެ ވެރިޔާ އަދި ޔަޝާރު ޕާޓީގެ ލީޑަރު ގާދީ އައިޒެންކޮޓް.. ފޮޓޯ| ޝިރް ތޮރެމް/ރޮއިޓާސް

އިސްރާއީލުގެ އާ ސަރުކާރެއް އެކުލަވާލުމުގެ ފުރުސަތު، އެ ގައުމުގެ އަސްކަރިއްޔާގެ ކުރީގެ ވެރިޔާ ގާދީ އައިޒެންކޮޓްއާ ހަވާލުކުރުމަށް ރައީސް އިސްހާގު ހަރޒޮގް ނިންމައިފިއެވެ. މިއާއެކު މިހާރުގެ ބޮޑުވަޒީރު ބެންޖަމިން ނަތަންޔާހޫގެ ދިގުލީ ވެރިކަން ނިމުމަކަށް އައުމުގެ ފުރުސަތު ވަނީ ބޮޑުވެފައެވެ.

Ad Image
Ads by

ރައީސް ހަރޒޮގް މި ނިންމުން އައިޒެންކޮޓްއަށް ހޮނިހިރު ދުވަހުގެ ރޭ އަންގާފައިވާއިރު، ސަރުކާރު އެކުލަވާލުމުގެ ރަސްމީ ލިޔުން އާދީއްތަ ދުވަހު އޮންނަ ރަސްމިއްޔާތެއްގައި އޭނާއާ ހަވާލުކުރާނެ ކަމަށް ރައީސްގެ ތަރުޖަމާނު ބުނެފައިވެއެވެ. މި ނިންމުން ނިންމާފައިވަނީ އޮކްޓޯބަރު 27 ގައި ބޭއްވި އާންމު އިންތިޚާބުގައި އެއްވެސް ޕާޓީއަކަށް އަޣުލަބިއްޔަތު ނުލިބުމާ ގުޅިގެން، ސިޔާސީ ޕާޓީތަކާ އެކު ކުރިއަށްގެންދިޔަ މަޝްވަރާތަކަށް ފަހުގައެވެ.

އިސްރާއީލުގެ ގާނޫނުހަދާ މަޖިލިސް (ކްނެސެޓް) ގެ މެންބަރުންގެ ތެރެއިން 67 މެންބަރަކު ވަނީ އައިޒެންކޮޓް ބޮޑުވަޒީރުކަމަށް ގެނައުމަށް ތާއީދުކޮށްފައެވެ. އޭގެ ތެރޭގައި އަރަބި ޕާޓީތަކުގެ މެންބަރުން ވެސް ހިމެނެއެވެ. އަނެއްކޮޅުން ނަތަންޔާހޫއަށް ތާއީދުކޮށްފައިވަނީ އެންމެ 46 މެންބަރުންނެވެ.

އައިޒެންކޮޓްއަށް ސަރުކާރެއް އެކުލަވާލުމަށް 28 ދުވަހުގެ މުއްދަތެއް ލިބޭނެއެވެ. އަދި ބޭނުންވެއްޖެ ހިނދެއްގައި އިތުރު 14 ދުވަސް ދެވިދާނެއެވެ. 120 ގޮނޑި ހިމެނޭ މަޖިލީހުގައި ސަރުކާރެއް ގާއިމުކުރުމަށް މަދުވެގެން 61 ގޮނޑީގެ ތާއީދު ބޭނުންވެއެވެ. އިންތިޚާބުގައި އައިޒެންކޮޓްގެ އިއްތިހާދަށް 48 ގޮނޑި ލިބުނުއިރު، ނަތަންޔާހޫގެ ފެކްޝަނަށް ލިބުނީ 53 ގޮނޑިއެވެ. އަދި އަރަބި ޕާޓީތަކުން ވަނީ ތާރީޚީ ކާމިޔާބީއެއް ހޯދައި 19 ގޮނޑި ކާމިޔާބުކޮށްފައެވެ.

އައިޒެންކޮޓް މީގެ ކުރިން ބުނެފައިވަނީ އަރަބި ޕާޓީތަކާއެކު ކޯލިޝަން ނުހަދާނެ ކަމަށެވެ. އެހެންކަމުން އޭނާ މަސައްކަތް ކުރަމުންދަނީ މަޖިލީހުގައި އިތުބާރުގެ ވޯޓު ކާމިޔާބުކޮށް، އަރަބި ޕާޓީތަކުގެ ބޭރުން ލިބޭ ތާއީދާއެކު މައިނޯރިޓީ ސަރުކާރެއް އެކުލަވާލުމަށެވެ. ކަނޑައެޅިފައިވާ މުއްދަތުގައި ސަރުކާރު ނުއުފެއްދިއްޖެނަމަ އެހެން ކެންޑިޑޭޓަކަށް ފުރުސަތު ދޭނެއެވެ. އަދި އެއަށްފަހުވެސް ނާކާމިޔާބުވެއްޖެނަމަ 90 ދުވަސް ތެރޭގައި އަލުން އިންތިޚާބު ބާއްވަން ޖެހޭނެއެވެ.

2015 އިން 2019 އަށް އަސްކަރިއްޔާގެ ވެރިޔަކަށް ހުރި އައިޒެންކޮޓް ވަނީ، އޮކްޓޯބަރު 2023 ގައި ޣައްޒާއާ ދެކޮޅަށް އިސްރާއީލުން ފެށި ލާއިންސާނީ ގަތުލުއާންމުގެ ފުރަތަމަ އަށް މަސްދުވަހު ނަތަންޔާހޫގެ ވޯ ކެބިނެޓުގައި އޮބްޒާވަރެއްގެ ގޮތުގައި މަސައްކަތްކޮށްފައެވެ.

އަރަބި ޕާޓީތަކުގެ ކޯލިޝަން ”ޖޮއިންޓް ލިސްޓް“ ގެ އިސް މެންބަރެއް ކަމަށްވާ އަހުމަދު ތީބީ ވިދާޅުވީ، އައިޒެންކޮޓްގެ ސަރުކާރަކީ އެބޭފުޅުން އެންމެ އެދޭ ސަރުކާރަށް ނުވި ނަމަވެސް، އެންމެ ބޮޑު އިސްކަމެއް ދެނީ ނަތަންޔާހޫ އާއި އޭނާއާ ގުޅިފައިވާ ހަރުކަށި ބެން-ގްވިރް އަދި ސްމޮޓްރިޗްގެ ސަރުކާރު ވައްޓާލުމަށް ކަމަށެވެ.

ރައީސްގެ ނިންމުމުގެ ކުރިން ނަތަންޔާހޫ ވަނީ އަރަބި ޕާޓީތަކުގެ އެހީގައި ސަރުކާރެއް އުފައްދައިފިނަމަ އިސްރާއީލު ރޫޅިގެންދާނެ ކަމަށް ބުނެ އިންޒާރުދީފައެވެ. އަދި އަރަބި މެންބަރުންނަކީ ޓެރަރިޒަމަށް ތާއީދުކުރާ ބައެއްގެ ގޮތުގައި އޭނާވަނީ ސިފަކޮށްފައެވެ.

ނަތަންޔާހޫގެ މި ވާހަކަތަކަށް ރައްދު ދެއްވަމުން އަހުމަދު ތީބީ ވިދާޅުވީ، އިސްރާއީލާއި މުޅި ސަރަހައްދުގައި ހުރި އެންމެ ބޮޑު ޓެރަރިސްޓަކީ އަދި ހުޅަނގު އައްސޭރީގެ ބިންތަކުގައި ޔަހޫދީން ހިންގާ ޓެރަރިޒަމަށް ހިތްވަރުދޭ އެންމެ އިސް މީހަކީ ޚުދު ނަތަންޔާހޫ ކަމަށެވެ.

މަސްރަހު ދިރާސާކުރާ ފަރާތްތަކުން ފާހަގަކުރާ ގޮތުގައި، އައިޒެންކޮޓް އަރަބި ޕާޓީތަކާއެކު ރަސްމީ ސަރުކާރެއް ހަދަން ބޭނުންނުވި ނަމަވެސް، ނަތަންޔާހޫގެ ވެރިކަން ނިންމުމަކަށް ގެނައުމަކީ އެ ދެ ފަރާތް ވެސް އެއްބަސްވާ މައިގަނޑު އަސާސެވެ.

Ads by
މިލިޔުމާއި ގުޅޭ

ކޮމެންޓް

guest
0 ކޮމެންޓް
ކުރީގެ
ފަހުގެ އެންމެ ގިނަ ވޯޓް
ހަބަރުގެ ތެރެއިން ހިޔާލު
...ހިޔާލުތައް ކިޔާލުމަށް
Ads by
ފަހުގެ ޚަބަރު
mutholibi and saeed
"އަދަދު" ނޫސްވެރިން 2 މިނިސްޓަރަކާއި މަގުމަތިން ދިމާކޮށް ފުރައްސާރަކޮށްފި
large_thumb_1794838270108
މާފަރާއި ފޮއްދޫގައި އަލަށް ބިނާކުރި ފުލުހުންގެ މަރުކަޒު ރަސްމީކޮށް ހުޅުވައި ޚިދުމަތް ދޭން ފަށައިފި
vazeerunge majilis
ސިޔާސަތުތަކަށް ފަންނީ ތަޖުރިބާކާރުންގެ އިލްމީ ލަފާ ހޯދަން ކޮމިޓީތަކެއް އުފައްދަވަނީ
big_y0OjWZ5sc0AZ00GFfi0UbJiYK
2028 ގައި ރައީސް މުޢިއްޒަށް ދެވަނަ ދައުރެއް ދިނުމަކީ ޤައުމުގެ ހަމަޖެހުމަށް އޮތް ހަމައެކަނި މަގު: ޢަބްދުއްރަޙީމް
Ads by
މަގުބޫލު
Dhivehi Raeesun 123
ޖުމުހޫރީ ދުވަސް: އަމިއްލަ މިނިވަންކަމާއި، ސިޔާދަތާއި އިސްތިޤުލާލުގެ ތާރީޚީ ރަމުުޒު
IMG_3293
2015 ގައި މާބަނޑު އަންހެނަކު މަރުވި އެކްސިޑެންޓް: ފިރިމީހާއާއި ދަރިފުޅު މަރުގެ ދިޔަ ބޭނުމެއް ނުވި
Adam Azim 1414
ވެރިކަމުގައި އިބޫ ނުވަތަ ނަޝީދު ހުންނެވި ނަމަ ރަސްމާލެ އޯކޭ: އާޒިމް
Moosun2525
ދުނިޔޭގެ މޫސުމަށް ބޮޑެތި ބަދަލުތަކެއް އަތުވެދާނެ ކަމުގެ އިންޒާރު ނާސާއިން ދީފި
Dhivehi Raeesun 123
ޖުމުހޫރީ ދުވަސް: އަމިއްލަ މިނިވަންކަމާއި، ސިޔާދަތާއި އިސްތިޤުލާލުގެ ތާރީޚީ ރަމުުޒު
IMG_3293
2015 ގައި މާބަނޑު އަންހެނަކު މަރުވި އެކްސިޑެންޓް: ފިރިމީހާއާއި ދަރިފުޅު މަރުގެ ދިޔަ ބޭނުމެއް ނުވި
Adam Azim 1414
ވެރިކަމުގައި އިބޫ ނުވަތަ ނަޝީދު ހުންނެވި ނަމަ ރަސްމާލެ އޯކޭ: އާޒިމް
Moosun2525
ދުނިޔޭގެ މޫސުމަށް ބޮޑެތި ބަދަލުތަކެއް އަތުވެދާނެ ކަމުގެ އިންޒާރު ނާސާއިން ދީފި