އިންޑިއާގެ ބާރުގެ ދަށުގައިވާ ކަޝްމީރުގެ ސަރަޙައްދުތަކުގައި 10 އަހަރަށްވުރެ ދިގު މުއްދަތަކަށް ދިރިއުޅެމުންދާ ރޮހިންގްޔާ މުސްލިމް ރެފިއުޖީންގެ ގެދޮރު ހުސްކުރުމަށް ކޯޓުން ކުރި އަމުރަކާ ގުޅިގެން، އެމީހުން އަމިއްލައަށް އެމީހުންގެ ވަގުތީ ގެތައް ތަޅާލަން ފަށައިފިއެވެ.
ކަޝްމީރުގެ ޖައްމޫ ސަރަޙައްދުގައި ވަގުތީ ފްލެޓްތަކާއި ފެންކޯރުތައް ހަދައިގެން ދިރިއުޅޭ ރޮހިންގްޔާ އާއިލާތަކަށް ކޯޓުންނާއި ކަމާބެހޭ އިދާރާތަކުން ވަނީ އެ ސަރަޙައްދުތައް ހުސްކުރުމަށް އަންގާފައެވެ. ސަރުކާރުން ބުލްޑޯޒަރު ބޭނުންކޮށްގެން ސާފުކުރުމުގެ ކުރިން، ހަލާކުނުވެ ހުރި ސާމާނު ސަލާމަތްކުރުމަށްޓަކައި އާއިލާތަކުން ދަނީ އަމިއްލައަށް ލަކޑިއާއި ތާރުޕާލުން ހަދާފައިވާ ގެތައް ރޫޅަމުންނެވެ.
‘Where will we go?’
Rohingya refugees say they are being forced to dismantle their homes in Indian-administered Kashmir, following a court order.
After living there for more than a decade, many now fear being returned to Myanmar, where they face persecution. pic.twitter.com/oIX7qvoCQb
— Al Jazeera English (@AJEnglish) October 26, 2026
10 އަހަރަށްވުރެ ދިގު މުއްދަތަކަށް އެ ސަރަޙައްދުގައި ދިރިއުޅުނު ނަމަވެސް، ގެދޮރު ގެއްލުމުގެ އިތުރުން އެމީހުން އަނބުރާ މިޔަންމާއަށް ފޮނުވާލަފާނެކަމުގެ ބިރު ވަނީ ބޮޑުވެފައެވެ. މިޔަންމާގެ އަސްކަރީ ސަރުކާރުން ދަނީ ރޮހިންގްޔާ މުސްލިމުންނާ ދެކޮޅަށް ނަސްލުހޭދު ހިންގަމުންނެވެ
އިންޑިއާއަކީ 1951 ގެ ރެފިއުޖީ ކޮންވެންޝަންގައި ބައިވެރިވާ ޤައުމަކަށް ނުވާތީ، އިންޑިއާގެ ސަރުކާރުން ރޮހިންގްޔާ މުސްލިމުން ބަލައިގަންނަނީ ”ޤަވާޢިދާ ޚިލާފަށް އުޅޭ ބިދޭސީން“ ގެ ގޮތުގައެވެ. މީގެ ކުރިންވެސް ކަޝްމީރުގައި އުޅުނު އެތައް ސަތޭކަ ރޮހިންގްޔާ މުސްލިމުން ވަނީ ޑިޓެންޝަން ސެންޓަރުތަކުގައި ބަންދުކޮށްފައެވެ.













