އީރާނުގެ ސުޕްރީމް ނޭޝަނަލް ސެކިއުރިޓީ ކައުންސިލްގެ ސެކްރެޓަރީ މުޙްސިން ރެޟާއީ، ޔަމަނުގެ ޙޫޘީންގެ ސަފީރު އިބްރާހީމް މުޙައްމަދު އަލް-ދައިލަމީއާ ތެހެރާންގައި ބައްދަލުކޮށް، ޔަމަނުގެ ހަނގުރާމައިގެ މައިދާނާއި ސަރަޙައްދީ ސަލާމަތީ ކަންކަމާ މެދު މަޝްވަރާކުރައްވައިފިއެވެ.
އީރާނުގެ ދައުލަތުގެ ޓީވީން ރިޕޯޓުކުރި ގޮތުގައި، މި ބައްދަލުވުމުގައި ރެޟާއީ ވަނީ ފަލަސްޠީނާއި ޣައްޒާގެ ދިފާޢުގައި އަދި އިޒްރޭލާ ދެކޮޅަށް ޙޫޘީން ކުރަމުންދާ ”ޝަރަފުވެރި“ ހަނގުރާމައަށް ވަރަށް ބޮޑަށް ތާރީފުކުރައްވާފައެވެ. އަދި ޔަމަނުގެ އަސްކަރީ މައިދާންތަކުގައި ހިނގަމުންދާ އެންމެ ފަހުގެ ކަންކަމާ މެދު ދެފަރާތުން މަޝްވަރާކުރިއެވެ.
ސަޢޫދީ ޢަރަބިއްޔާ، ޕާކިސްތާން އަދި ތުރުކީ (މައްކާ ދިފާޢީ އިއްތިހާދު) ގެ އިސް ވަފުދާއެކު ތެހެރާންގައި ބޭއްވި 4 ފަރާތުގެ ބައްދަލުވުމަށް އަލިއަޅުވާލަމުން ރެޟާއީ ބުނީ، އެ ބައްދަލުވުމުގެ މައިގަނޑު ބޭނުމަކީ ސަރަޙައްދީ ޤައުމުތައް ގުޅިގެން ސަލާމަތީ ނިޒާމެއް އުފެއްދުމާއި، މެދުއިރުމަތީގައި ތިބި ބޭރުގެ (އެމެރިކާއާއި ހުޅަނގުގެ) އަސްކަރީ ބާރުތައް ސަރަޙައްދުން ބޭރުކުރުން ކަމަށެވެ.
ރެޟާއީ އިތުރަށް ބުނީ، މެދުއިރުމަތީގެ ޤައުމުތަކުގެ އެތެރޭގެ ކަންކަމަށް ބޭރުގެ ބާރުތަކުން ނުފޫޒު ފޯރުވާ ފޯރުވުން ހުއްޓުވައި، ސަރަޙައްދީ ސުލްޙަ ގާއިމުކުރެވޭނީ ސަރަޙައްދީ ޤައުމުތައް ގުޅިގެން މަސައްކަތްކޮށްގެން ކަމަށެވެ.
