Tuesday, 17 November 2026
Ads by

ބަނގުރަލާއެކު އަތުލައިގެން މީހަކު 6،000 ރުފިޔާއިން ޖޫރިމަނާކޮށްފި

ބަނގުރަލާއެކު އަތުލައިގެން މީހަކު 6،000 ރުފިޔާއިން ޖޫރިމަނާކޮށްފި

ހުޅުމާލެ ކަންނެލި ޖެޓީ ސަރަހައްދުން 24 ދަޅު ބަނގުރަލާއެކު އަތުލައިގަތް މީހަކު، އޭނާގެ މައްޗަށް އުފުލުނު ދައުވާއަށް އިއުތިރާފުވުމުން، ކްރިމިނަލް ކޯޓުން ވަނީ ޖަލު އަދަބުގެ ބަދަލުގައި 6،000 ރުފިޔާގެ ޖޫރިމަނާއަކަށް ހުކުމް ކޮށްފައެވެ. މި މައްސަލައިގައި ދައުލަތުން ދައުވާ އުފުލާފައިވަނީ ޅ. ނައިފަރު ރާނީވިލާ، މުހައްމަދު މުބާރިކްގެ މައްޗަށެވެ.

Ad Image
Ads by

މި މައްސަލަ ހިނގާފައިވަނީ މި އަހަރުގެ އޮގަސްޓް މަހުގެ 21 ވަނަ ދުވަހުގެ ރޭގަނޑު ގާތްގަނޑަކަށް 19:30 ހާއިރު، ހުޅުމާލެ ކަންނެލި ޖެޓީ ސަރަހައްދު ފުލުހުން ހާލަތު ބެލުމަށް ދަނިކޮށެވެ. ފުލުހުން އެ ސަރަހައްދުގައި ހަރަކާތްތެރިވަމުން ދަނިކޮށް، މުހައްމަދު މުބާރިކް އޭނާގެ އަތުގައި އޮތް ރަތް ކުލައިގެ ކޮތަޅެއް އެތަނުގައި ހުރި ސައިކަލެއްގެ ކައިރީގައި ބެހެއްޓުމަށްފަހު ފިލަން މަސައްކަތް ކުރުމުން، ފުލުހުން ވަނީ އޭނާ ހުއްޓުވައި ބަލައި ފާސްކޮށްފައެވެ.

ފުލުހުން މައުލޫމާތު ދިން ގޮތުގައި އެ ކޮތަޅު ބަލައި ފާސްކުރިއިރު، އޭގެ ތެރޭގައި ހުރި ފޮށިގަނޑަކުން ”ޓައިގާ“ ބްރޭންޑްގެ 24 ދަޅު ބިޔަރު ފެނުނެވެ. މި ތަކެތި ތަހުލީލު ކުރުމުން، ބަނގުއާތްވަށް ޕޮޒިޓިވްވެފައިވާކަން ވަނީ ކަށަވަރުވެފައެވެ.

މި މައްސަލައިގެ އިބްތިދާއީ އަޑުއެހުމުގަޔާއި އަވަސް ނިޔާގެ މަޖިލީހުގައި މުހައްމަދު މުބާރިކް ވަނީ، އެއްވެސް މަޖުބޫރެއް ނެތި، އަމިއްލަ އިހުތިޔާރުގައި ކުށަށް އިއުތިރާފުވެފައެވެ. މި ކުށަށް ގާނޫނުގައި ކަނޑައަޅާފައިވާ އަސާސީ އަދަބަކީ ދެ މަހާއި 12 ދުވަހުގެ ޖަލު އަދަބެކެވެ. ނަމަވެސް، ކުށަށް އިއުތިރާފުވެ ޝަރީއަތަށް އެއްބާރުލުން ދީފައިވާތީ، އޭނާގެ އަދަބު ދެ ދަރަޖަ ދަށްކުރުމުން، އައީ އެއް މަހާއި ހަ ދުވަހުގެ ޖަލު އަދަބެކެވެ. މީގެއިތުރުން، މައްސަލައިގެ ތަހުގީގީ މަރުހަލާގައި މުބާރިކް ބަންދުގައި ހޭދަކުރި ހަ ދުވަސް އުނިކުރުމުން، ތަންފީޒު ކުރަންޖެހުނީ އެއް މަސް ދުވަހުގެ ޖަލު އަދަބެކެވެ.

މުބާރިކްގެ މައްޗަށް މީގެ ކުރިން މިފަދަ ކުށެއް ސާބިތުވެފައި ނެތުމާއި، ޖޫރިމަނާ ދެއްކޭނެ ކަމަށް އޭނާ ބުނެފައިވާތީ، ގާޒީ މުޒައްމިލު ނާސިރު ވަނީ ޖަލު އަދަބުގެ ބަދަލުގައި 6،000 ރުފިޔާއިން އޭނާ ޖޫރިމަނާކުރުމަށް ހުކުމް ކުރައްވާފައެވެ.

މި ޖޫރިމަނާގެ ފައިސާ، ހުކުމް ކުރި ތާރީހުން ފެށިގެން 12 މަސް ދުވަހުގެ ތެރޭގައި މޯލްޑިވްސް އިންލަންޑް ރެވެނިއު އޮތޯރިޓީ (މީރާ) އަށް ދައްކައި ހަލާސްކުރުމަށް ކޯޓުން ވަނީ އަންގާފައެވެ.

Ads by
މިލިޔުމާއި ގުޅޭ

ކޮމެންޓް

guest
0 ކޮމެންޓް
ކުރީގެ
ފަހުގެ އެންމެ ގިނަ ވޯޓް
ހަބަރުގެ ތެރެއިން ހިޔާލު
...ހިޔާލުތައް ކިޔާލުމަށް
Ads by
ފަހުގެ ޚަބަރު
mutholibi and saeed
"އަދަދު" ނޫސްވެރިން 2 މިނިސްޓަރަކާއި މަގުމަތިން ދިމާކޮށް ފުރައްސާރަކޮށްފި
large_thumb_1794838270108
މާފަރާއި ފޮއްދޫގައި އަލަށް ބިނާކުރި ފުލުހުންގެ މަރުކަޒު ރަސްމީކޮށް ހުޅުވައި ޚިދުމަތް ދޭން ފަށައިފި
vazeerunge majilis
ސިޔާސަތުތަކަށް ފަންނީ ތަޖުރިބާކާރުންގެ އިލްމީ ލަފާ ހޯދަން ކޮމިޓީތަކެއް އުފައްދަވަނީ
big_y0OjWZ5sc0AZ00GFfi0UbJiYK
2028 ގައި ރައީސް މުޢިއްޒަށް ދެވަނަ ދައުރެއް ދިނުމަކީ ޤައުމުގެ ހަމަޖެހުމަށް އޮތް ހަމައެކަނި މަގު: ޢަބްދުއްރަޙީމް
Ads by
މަގުބޫލު
Dhivehi Raeesun 123
ޖުމުހޫރީ ދުވަސް: އަމިއްލަ މިނިވަންކަމާއި، ސިޔާދަތާއި އިސްތިޤުލާލުގެ ތާރީޚީ ރަމުުޒު
IMG_3293
2015 ގައި މާބަނޑު އަންހެނަކު މަރުވި އެކްސިޑެންޓް: ފިރިމީހާއާއި ދަރިފުޅު މަރުގެ ދިޔަ ބޭނުމެއް ނުވި
Adam Azim 1414
ވެރިކަމުގައި އިބޫ ނުވަތަ ނަޝީދު ހުންނެވި ނަމަ ރަސްމާލެ އޯކޭ: އާޒިމް
Moosun2525
ދުނިޔޭގެ މޫސުމަށް ބޮޑެތި ބަދަލުތަކެއް އަތުވެދާނެ ކަމުގެ އިންޒާރު ނާސާއިން ދީފި
Dhivehi Raeesun 123
ޖުމުހޫރީ ދުވަސް: އަމިއްލަ މިނިވަންކަމާއި، ސިޔާދަތާއި އިސްތިޤުލާލުގެ ތާރީޚީ ރަމުުޒު
IMG_3293
2015 ގައި މާބަނޑު އަންހެނަކު މަރުވި އެކްސިޑެންޓް: ފިރިމީހާއާއި ދަރިފުޅު މަރުގެ ދިޔަ ބޭނުމެއް ނުވި
Adam Azim 1414
ވެރިކަމުގައި އިބޫ ނުވަތަ ނަޝީދު ހުންނެވި ނަމަ ރަސްމާލެ އޯކޭ: އާޒިމް
Moosun2525
ދުނިޔޭގެ މޫސުމަށް ބޮޑެތި ބަދަލުތަކެއް އަތުވެދާނެ ކަމުގެ އިންޒާރު ނާސާއިން ދީފި