ށ. ފުނަދޫ ބަނދަރު ސަރަހައްދުގައި ހުންނަ ޕެޓްރޯލް ޝެޑެއްގައި މިއަދު ނުރައްކާތެރި އަލިފާނުގެ ހާދިސާއެއް ހިންގައި، އަލިފާންގަނޑު ކޮންޓްރޯލްނުވެ ވަރަށް ބޮޑަށް އަނދަން ފަށައިފިއެވެ.
މީގެ އިރުކޮޅެއް ކުރިން ހިނގި މި ހާދިސާގައި، ޝެޑުގައި ހުރި ތެލުގެ ބާވަތްތަކާއެކު އަލިފާންގަނޑު ހޯސްލާފައި އަނދަމުންދާއިރު، މުޅި ސަރަހައްދަށް ވަނީ ކަޅު ބޯ ދުންގަނޑު ފެތުރިފައެވެ. އަދި އަލިފާނުގެ ހޫނުގަދަވުމާއި ދުމުގެ އަސަރު މުޅި ރަށުތެރެއަށް ފޯރައި، އެ ސަރަހައްދުގައި ނޭވާލާން އުނދަގޫވާ ވަރަށް ދުން ބައްދާލާފައިވާ ކަމަށް މައުލޫމާތު ލިބެއެވެ.
އަލިފާންގަނޑު އިތުރު ސަރަހައްދުތަކަށް ފެތުރިގެން ދިޔަނުދީ ކޮންޓްރޯލް ކުރުމަށާއި، އަލިފާން ނިއްވާލުމުގެ މަސައްކަތް ކަމާބެހޭ އިދާރާތަކުންނާއި ރަށުގެ އާންމު ރައްޔިތުން ގުޅިގެން ނުރައްކާތެރި މާހައުލެއްގައި މިހާރުވެސް ދަނީ ކުރަމުންނެވެ.
މި ހާދިސާ ހިނގަން މެދުވެރިވި ސަބަބެއް އަދި ލިބުނު ގެއްލުންތަކުގެ ތަފްސީލެއް ސާފުވެފައި ނުވިނަމަވެސް، އަލިފާންގަނޑު ނިއްވާލުމުގެ މަސައްކަތް އަދިވެސް ހުއްޓުމެއްނެތި ދަނީ ކުރިއަށެވެ.
