ރަޝިޔާގެ އިސްތިއުމާރީ ސިފައިންގެ އަނިޔާވެރިކަމާ ދެކޮޅަށް ހަތިޔާރު ނަގައި، އަތުގައި ހުރި ވަޒަން ހުސްވަންދެން ހަނގުރާމަކުރުމަށްފަހު ޗެޗްނިޔާގެ އުމުރުން 36 އަހަރުގެ ތުރްޕާލް-ޢަލީ މެޜިދޯވް ޝަހީދުވެއްޖެއެވެ.
އޮކްޓޯބަރު 19 ވަނަ ދުވަހު ރަޝިޔާގެ އިސްތިއުމާރީ ސަލާމަތީ ބާރުތަކުން ގުދަރްމޭސްގައި އޭނާ އަލުން ހައްޔަރުކޮށް (ވަކިކޮށްލުމަށް) މަސައްކަތްކުރުމުން، މެޜިދޯވް ވަނީ އަމާންދިނުމަށް ދެކޮޅުހަދައި ސިފައިންނަށް ބަޑީގެ ޙަމަލާތަކެއް ދީފައެވެ. އަދި އަތުގައި ހުރި ވަޒަންތައް ހުސްވަންދެން ހަނގުރާމަކުރުމަށްފަހު އޭނާ ވަނީ ޝަހީދުވެފައެވެ.
މެޜިދޯވް އަކީ މީގެ ކުރިންވެސް ރަޝިޔާގެ ސިފައިން އެތައް ފަހަރަކު ހައްޔަރުކޮށް، އަނިޔާތައް ދީފައިވާ މީހެކެވެ. އޭނާއަކީ އަވަށުގެ އާންމުންނަށް ދީނީ ތަޢުލީމު އުނގަންނައިދީ، ޙައްޖާއި ޢުމުރާ ދަތުރުތައް އިންތިޒާމުކޮށްދިން، ދީނީ ކަންކަމުގައި އާންމުންގެ މައްޗަށް ބަސްކިޔާ ކަމުއޮށިގެންވާ ދީނީ ޢިލްމުވެރިއެކެވެ. ރަޝިޔާގެ އަނިޔާވެރިކަމާ ހެދި، އޭނާ ވަނީ ފަހަކަށް އައިސް ރަޝިޔާގެ އިސްތިއުމާރާ ދެކޮޅަށް މަސައްކަތްކުރާ ކަންތައްތަކުގައި ބައިވެރިވާން ފަށާފައެވެ.
މި ޙާދިސާއަށްފަހު ރަޝިޔާގެ ސަލާމަތީ ބާރުތަކުން ވަނީ މުޅި ޗެޗްނިޔާގައި ސަލާމަތީ ފިޔަވަޅުތައް ވަރުގަދަކޮށް، ގުދަރްމޭސް އާއި އެހެނިހެން ސިޓީތަކުގައި ޗެކްޕޮއިންޓްތައް ބަހައްޓައި ފާސްކުރުމުގެ ބޮޑެތި އޮޕަރޭޝަންތަކެއް ފަށާފައެވެ.
