Tuesday, 17 November 2026
Ads by

އިންތިޚާބީ ބައެއް މަޤާމުތަކުގެ އެލަވަންސް ބޮޑުކުރަން މާލިއްޔަތު ކޮމިޓީން ފާސްކޮށްފި

އިންތިޚާބީ ބައެއް މަޤާމުތަކުގެ އެލަވަންސް ބޮޑުކުރަން މާލިއްޔަތު ކޮމިޓީން ފާސްކޮށްފި

ދަޢުލަތުގެ އިންތިޚާބީ މަޤާމުތަކުގައި ތިއްބަވާ ބައެއް ބޭފުޅުންނަށް ދެއްވާ އެލަވަންސް ބޮޑުކުރުމަށް ރައްޔިތުންގެ މަޖިލީހުގެ މާލިއްޔަތު ކޮމިޓީން މިއަދު ފާސްކޮށްފިއެވެ. މި ބަދަލު ގެނައުމަށް ފާސްކޮށްފައިވަނީ މަޖިލީހުގެ ރައީސާއި، ރަށު ކައުންސިލަރުންގެ އިތުރުން ވަޒީރުންގެ ކާރު އެލަވަންސަށެވެ.

Ad Image
Ads by

މާލިއްޔަތު ކޮމިޓީގެ ބައްދަލުވުމުގައި، އިތުރު ކަންކަމުގެ ބައިގައި ދަޢުލަތުގެ މުސާރަތަކަށް ގެންނަންވާ ބަދަލުތަކާ ގުޅޭގޮތުން މަޝްވަރާކުރުމަށް ހުށަހެޅުއްވީ ކެލާ ދާއިރާގެ މެންބަރު ޢަބްދުﷲ ޝަރީފެވެ. އޭނާގެ ހުށަހެޅުއްވުމަށް ފުނަދޫ ދާއިރާގެ މެންބަރު މުޙައްމަދު މަމްދޫހު ވަނީ ތާއީދުކުރައްވާފައެވެ.

ކޮމިޓީން ފާސްކުރި ކަންކަމުގެ ތެރޭގައި ރައްޔިތުންގެ މަޖިލީހުގެ ރައީސް ޢަބްދުއްރަޙީމް ޢަބްދުﷲ އަށް މިހާރު ލިބިވަޑައިގަންނަވާ 73،125 ރުފިޔާގެ މުސާރައިގެ އިތުރުން، އެލަވަންސްގެ ގޮތުގައި 22،000 ރުފިޔާ އިތުރުކުރުން ހިމެނެއެވެ. މި ބަދަލާއެކު މަޖިލީހުގެ ރައީސްގެ މުސާރައާއި އިނާޔަތްތައް ޖުމްލަ 95،125 ރުފިޔާއަށް އަރާނެއެވެ. މި ބަދަލު ގެނައުމުގެ ބޭނުމަކީ މަޖިލީހުގެ ނައިބު ރައީސަށް 91،000 ރުފިޔާ އަދި އާންމު މެންބަރުންނަށް 82،500 ރުފިޔާ ލިބިވަޑައިގަންނަވާއިރު، ރައީސްގެ މުސާރައިގައި ހުރި ފަރަގު ނައްތާލުން ކަމަށް ކޮމިޓީގައި ފާހަގަކުރިއެވެ.

މީގެއިތުރުން، ލާމަރުކަޒީ ނިޒާމުގެ ދަށުން ޚިދުމަތްކުރައްވާ ރަށު ކައުންސިލްތަކުގެ ރައީސުންނާއި، ނައިބު ރައީސުން އަދި ކައުންސިލް މެންބަރުންގެ އެލަވަންސަށް 5،000 ރުފިޔާ އިތުރުކުރުމަށްވެސް ވަނީ ފާސްކޮށްފައެވެ. މިހާރު ކައުންސިލް ރައީސަކަށް 25،000 ރުފިޔާ، ނައިބު ރައީސަކަށް 20،000 ރުފިޔާ އަދި މެންބަރަކަށް 18،000 ރުފިޔާ ލިބިވަޑައިގަންނަވައެވެ.

ވަޒީރުންގެ މުސާރައަށް ބަލާއިރު، މިނިވަން މުއައްސަސާތަކާއި ޖުޑީޝަރީގެ ބޭފުޅުންނަށްވުރެ އެ ބޭފުޅުންގެ މުސާރަ ބޮޑުކަމަށް ފާހަގަކުރެވިފައިވާތީ، މުސާރަ އިތުރުކުރުމުގެ ބަދަލުގައި ނިންމާފައިވަނީ ވަޒީރުންގެ ކާރު އެލަވަންސް ބޮޑުކުރުމަށެވެ. އެގޮތުން ޕެޓްރޯލް އެލަވަންސަށް 2،000 ރުފިޔާ، ޑްރައިވަރުންގެ މުސާރައަށް 12،000 ރުފިޔާ އަދި ޑްރައިވަރުންގެ ލިވިންގ އެލަވަންސަށް 3،000 ރުފިޔާ ހަމަޖެއްސުމަށް ވަނީ ފާސްކޮށްފައެވެ. މި ތަފްސީލުތައް އިދާރީ މޭޒުން އިއްވެވުމުން ކޮމިޓީއަށް ރަސްމީކޮށް ހުށަހެޅުއްވީވެސް މެންބަރު މަމްދޫހެވެ.

މި ނިންމުމާ ދެކޮޅަށް ކޮމިޓީގައި ވާހަކަދެއްކެވި ހަމައެކަނި މެންބަރަކީ ހަނިމާދޫ ދާއިރާގެ މެންބަރު ޢަބްދުލްޣަފޫރު މޫސާއެވެ. އޭނާ ވިދާޅުވީ ޤައުމުގެ އިޤްތިޞާދީ ހާލަތު މިހާރު އޮތްގޮތުން މިއީ އެއްވެސް ބައެއްގެ މުސާރައާއި އެލަވަންސްތައް ބޮޑުކުރަން އެންމެ އެކަށީގެންވާ ދަނޑިވަޅު ނޫން ކަމަށެވެ. ނަމަވެސް، ކޮމިޓީގެ އަޣުލަބިއްޔަތުން ވަނީ މި އިސްލާހުތައް ފާސްކޮށްފައެވެ.

Ads by
މިލިޔުމާއި ގުޅޭ

ކޮމެންޓް

guest
0 ކޮމެންޓް
ކުރީގެ
ފަހުގެ އެންމެ ގިނަ ވޯޓް
ހަބަރުގެ ތެރެއިން ހިޔާލު
...ހިޔާލުތައް ކިޔާލުމަށް
Ads by
ފަހުގެ ޚަބަރު
mutholibi and saeed
"އަދަދު" ނޫސްވެރިން 2 މިނިސްޓަރަކާއި މަގުމަތިން ދިމާކޮށް ފުރައްސާރަކޮށްފި
large_thumb_1794838270108
މާފަރާއި ފޮއްދޫގައި އަލަށް ބިނާކުރި ފުލުހުންގެ މަރުކަޒު ރަސްމީކޮށް ހުޅުވައި ޚިދުމަތް ދޭން ފަށައިފި
vazeerunge majilis
ސިޔާސަތުތަކަށް ފަންނީ ތަޖުރިބާކާރުންގެ އިލްމީ ލަފާ ހޯދަން ކޮމިޓީތަކެއް އުފައްދަވަނީ
big_y0OjWZ5sc0AZ00GFfi0UbJiYK
2028 ގައި ރައީސް މުޢިއްޒަށް ދެވަނަ ދައުރެއް ދިނުމަކީ ޤައުމުގެ ހަމަޖެހުމަށް އޮތް ހަމައެކަނި މަގު: ޢަބްދުއްރަޙީމް
Ads by
މަގުބޫލު
Dhivehi Raeesun 123
ޖުމުހޫރީ ދުވަސް: އަމިއްލަ މިނިވަންކަމާއި، ސިޔާދަތާއި އިސްތިޤުލާލުގެ ތާރީޚީ ރަމުުޒު
IMG_3293
2015 ގައި މާބަނޑު އަންހެނަކު މަރުވި އެކްސިޑެންޓް: ފިރިމީހާއާއި ދަރިފުޅު މަރުގެ ދިޔަ ބޭނުމެއް ނުވި
Adam Azim 1414
ވެރިކަމުގައި އިބޫ ނުވަތަ ނަޝީދު ހުންނެވި ނަމަ ރަސްމާލެ އޯކޭ: އާޒިމް
Moosun2525
ދުނިޔޭގެ މޫސުމަށް ބޮޑެތި ބަދަލުތަކެއް އަތުވެދާނެ ކަމުގެ އިންޒާރު ނާސާއިން ދީފި
Dhivehi Raeesun 123
ޖުމުހޫރީ ދުވަސް: އަމިއްލަ މިނިވަންކަމާއި، ސިޔާދަތާއި އިސްތިޤުލާލުގެ ތާރީޚީ ރަމުުޒު
IMG_3293
2015 ގައި މާބަނޑު އަންހެނަކު މަރުވި އެކްސިޑެންޓް: ފިރިމީހާއާއި ދަރިފުޅު މަރުގެ ދިޔަ ބޭނުމެއް ނުވި
Adam Azim 1414
ވެރިކަމުގައި އިބޫ ނުވަތަ ނަޝީދު ހުންނެވި ނަމަ ރަސްމާލެ އޯކޭ: އާޒިމް
Moosun2525
ދުނިޔޭގެ މޫސުމަށް ބޮޑެތި ބަދަލުތަކެއް އަތުވެދާނެ ކަމުގެ އިންޒާރު ނާސާއިން ދީފި