މޯލްޑިވްސް ޕޯޓްސް ލިމިޓެޑް (އެމްޕީއެލް) އަކީ ’ޑިޖިޓަލް ފޯ އޯލް‘ ގައުމީ ކެމްޕޭނުގެ ދަށުން ’އޭއައި އެސެންޝަލްސް އަންޑަސްޓޭންޑިންގ އެންޑް ވާކިން ވިތް އޭއައި‘ ތަމްރީނު ޕްރޮގްރާމް ހިންގި ދައުލަތުގެ ފުރަތަމަ ކުންފުންޏެވެ. މި ޕްރޮގްރާމްގައި އެމްޕީއެލްގެ ސީއީއޯ އާއި އެގްޒެކެޓިވް މެނޭޖްމަންޓު ޓީމު ބައިވެރިވެފައިވެއެވެ.
މި ކެމްޕޭނަކީ ތައުލީމީ ވުޒާރާ އާއި މަތީ ތައުލީމާއި ހުނަރު ތަރައްގީ ކުރުމާބެހޭ ވުޒާރާ، އަދި ހޯމްލޭންޑް ސެކިއުރިޓީ، ލޭބަރ އެންޑް ޓެކްނޮލޮޖީ ވުޒާރާ ގުޅިގެން ހިންގާ ކެމްޕޭނެކެވެ. މީގެ އިތުރުން، މި ކެމްޕޭނުގެ ސްޓްރެޓީޖިކް އިރުޝާދު ދެއްވަނީ ރައީސް އޮފީހުންނެވެ. އަދި މި ކެމްޕޭން ހިންގުމުގެ މަސައްކަތް ކުރަމުންދަނީ ފިއުޗަރ އިންސްޓިޓިއުޓާއި އެމްއައިއެންޑީކޯ ގުޅިގެންނެވެ.
Maldives Ports Limited (MPL) has become the first State-Owned Enterprise (SOE) to conduct the AI Essentials: Understanding and Working with AI training programme under the Digital for All national campaign, with the participation of its CEO and executive management team.
Digital… pic.twitter.com/NJ10JhHUmX
— Maldives Ports Limited (@Portmv) October 13, 2026
މި ތަމްރީނު ޕްރޮގްރާމްގައި ބައިވެރިވުމުން، އެމްޕީއެލްއިން ވަނީ ރާއްޖޭގެ ޑިޖިޓަލް ބަދަލުވުމުގެ މަސައްކަތަށް އެއްބާރުލުން ދިނުމާއި، ޑިޖިޓަލް ގާބިލިއްޔަތުތައް ވަރުގަދަ ކުރުމަށް ދޭ އަހަންމިއްޔަތު ހާމަކޮށްފައެވެ. މިއީ މުޅި ގައުމަށް ޑިޖިޓަލް ކުރިއެރުން ގެނައުމަށް ކުރެވޭ މަސައްކަތްތަކަށް އެހީތެރިވެދޭނެ މުހިންމު ފިޔަވަޅެއް ކަމަށް އެމްޕީއެލްއިން ގަބޫލުކުރެއެވެ.
