ސަޢޫދީ ޢަރަބިއްޔާއާއި ޔަމަނުގެ ހޫޘީންނާ ދެމެދު ބަދަލުކުރަމުންދާ ޙަމަލާތައް އިތުރަށް ގޯސްވެ، ދެ ޤައުމުގެ ވެރިރަށުގެ އެއަރޕޯޓުތަކަށް ވަރުގަދަ ޙަމަލާތަކެއް ދޭން ފަށައިފިއެވެ.
ރިޔާޟްގެ ކިންގް ޚާލިދު އިންޓަނޭޝަނަލް އެއަރޕޯޓަށް ދިން ފުރަތަމަ ޙަމަލާގައި 12 މީހުން މަރުވެފައިވަނިކޮށް، ހޫޘީން ވަނީ އެ އެއަރޕޯޓަށް ދެވަނަ ޙަމަލާއެއް ދީފައެވެ. މި ޙަމަލާގައި އިތުރު އެކަކު މަރުވެ، 11 މީހަކަށް ވަނީ އަނިޔާވެފައެވެ. މިއާއެކު ރިޔާޟް އެއަރޕޯޓަށް ދިން ޙަމަލާތަކުގައި މަރުވި މީހުންގެ ޖުމްލަ އަދަދު ވަނީ 13 އަށް އަރާފައެވެ.
ރިޔާޟަށް ދެވަނަ ޙަމަލާއެއް ދީފައިމިވަނީ، ހޫޘީންގެ ބާރުގެ ދަށުގައިވާ ޔަމަނުގެ ވެރިރަށް ޞަންޢާގެ އެއަރޕޯޓަށް ސައުދީ ކޯލިޝަނުން ވަރުގަދަ ވައިގެ ޙަމަލާތަކެއް ދީފައިވާކަމަށް ހޫޘީންގެ މީޑިއާތަކުން ރިޕޯޓުކޮށްފައި ވަނިކޮށެވެ. ސައުދީގެ މި ޙަމަލާތަކުގެ ބޭނުމަކީ ހޫޘީން ޙަމަލާދިނުމަށް ބޭނުންކުރާ ވަސީލަތްތައް ނައްތާލުމެވެ.
