ސަޢޫދީ ޢަރަބިއްޔާގެ ވެރިރަށް ރިޔާޟްގައި ހުންނަ ކިންގް ޚާލިދު އިންޓަނޭޝަނަލް އެއަރޕޯޓަށާއި، އަރާމްކޯގެ މަރުކަޒަކަށް ޑްރޯން އަދި މިސައިލުން ޙަމަލާދީފައިވާނެކަމަށް ޔަމަނުގެ ހޫޘީން ބުނެފިއެވެ.
ހޫޘީންގެ އަސްކަރީ ތަރުޖަމާނު ޔަޙްޔާ ސާރިއާ ބުނީ ރިޔާޟް އެއަރޕޯޓަށާއި ރާބިޣްގައި ހުންނަ އަރާމްކޯ ރިފައިނަރީއަށް ޙަމަލާދީފައިވާކަމަށެވެ. ސަޢޫދީގެ ސިވިލް އޭވިއޭޝަން އޮތޯރިޓީން ވަނީ ޖާޒާން އަދި ނަޖްރާން އެއަރޕޯޓަށް ދިން ޙަމަލާތަކެއްގައި 3 މީހަކަށް ކުދި އަނިޔާތަކެއް ލިބިފައިވާކަން ކަށަވަރުކޮށްދީފައެވެ. ސަޢޫދީގެ ވައިގެ ސަރަޙައްދަކީ ރައްކާތެރި ނޫން ތަނެއްކަމަށް ހޫޘީން އިންޒާރު ދިން ނަމަވެސް، ކޮމާޝަލް ފްލައިޓްތަކުގެ ދަތުރުތަކަށް އެއްވެސް ބުރޫއެއް އަރާފައެއް ނުވެއެވެ.
މި ޙަމަލާތަކާ ގުޅިގެން ސަޢޫދީ ޢަރަބިއްޔާ، ޕާކިސްތާން އަދި ތުރުކީ ގުޅިގެން ރިޔާޟުގައި ކުއްލި ބައްދަލުވުމެއް ވަނީ ބާއްވާފައެވެ. މިދިޔަ އޮގަސްޓް މަހު ވެފައިވާ ’މައްކާ ޖޮއިންޓް ޑިފެންސް އެގްރީމަންޓް‘ ގެ ދަށުން، ސަޢޫދީގެ ދިފާޢުގައި ތުރުކީއާއި ޕާކިސްތާނުން އަވަސް ގޮތެއްގައި ސިފައިންނާއި އަސްކަރީ ވަސީލަތްތައް ފޮނުވުމަށް ވަނީ އެއްބަސްވެފައެވެ.
The Emergency Meeting of the Strategic Political and Defense Committee under the Makkah Alliance for Defense reaffirmed the solidarity and unity of our countries in confronting the heinous attacks against the Kingdom and the holy sites. The committee agreed to activate collective… pic.twitter.com/4hGjcJcw25
— Khalid bin Salman خالد بن سلمان (@kbsalsaud) October 5, 2026
މި ޙަމަލާތައް ބަދަލުވަމުން މިދަނީ ޔަމަނުގެ ސަރުކާރު ސިފައިން، ސަޢޫދީ ކޯލިޝަންގެ އެހީތެރިކަމާއެކު، ހޫޘީންގެ ބާރުގެ ދަށުގައިވާ ވެރިރަށް ޞަންޢާ ހިފުމަށް ބޮޑު އޮޕަރޭޝަނެއް ފަށާފައިވާ ދަނޑިވަޅެއްގައެވެ.
