ފްލައިދުބާއީގެ ބޯޓު (FZ1073) ވައްޓާލަން އުޅުނު ޙާދިސާއާ ގުޅިގެން ސަޢޫދީ ޢަރަބިއްޔާއިން ކަންކަން ހަމަޖެއްސި ގޮތަށް އިޒްރޭލު ސަރުކާރުން ރަސްމީކޮށް ޝުކުރު އަދާކޮށް ވަރަށް ބޮޑަށް ތަޢުރީފުކޮށްފިއެވެ.
އަލް ޢަރަބިއްޔާ ނޫހަށް މަޢުލޫމާތު ދެއްވަމުން އިޒްރޭލުގެ ބޮޑުވަޒީރުގެ އޮފީހުގެ ތަރުޖަމާނު ޑޮރޮން ސްޕީލްމަން ބުނީ، ސަޢޫދީއިން މި މައްސަލަ ހޭންޑަލްކުރީ ވަރަށް ”ޕްރޮފެޝަނަލް“ ކޮށް ކަމަށާއި، ކޮންމެ އިޒްރޭލު ރައްޔިތަކުވެސް ސަޢޫދީއަށް ޝުކުރުވެރިވާ ކަމަށެވެ.
150 އަށްވުރެ ގިނަ އިޒްރޭލު ރައްޔިތުންނާއެކު ދަތުރުކުރި މި ބޯޓު ސަޢޫދީގެ ތަބޫކަށް ޖެއްސުމާއެކު، ސަޢޫދީގެ ސަލާމަތީ ބާރުތަކުން ވަނީ ބޯޓަށް ރައްކާތެރިކަން ފޯރުކޮށްދީފައެވެ. ބޯޓު ވައްޓާލަން މަސައްކަތްކުރި އޮމާނުގެ ކޯ-ޕައިލެޓް ސަޢޫދީ ފުލުހުން ވަނީ ވަގުތުން ހައްޔަރުކޮށްފައެވެ. އަދި އަނިޔާވި ކެޕްޓަނަށް ސަޢޫދީގެ ޞިއްޙީ އެހީތެރިން ވަނީ ފަރުވާދީފައެވެ.
އިޒްރޭލާ ސަޢޫދީއާ ދެމެދު ރަސްމީ ސިޔާސީ ގުޅުމެއް ނެތް ނަމަވެސް، މި ޙާދިސާއިން ދައްކުވައިދެނީ ދެ ޤައުމުގެ ދެމެދުގައި ސިއްރު ނަމަވެސް ވަރުގަދަ ސަލާމަތީ ގުޅުންތަކެއް އޮތްކަމެވެ. ސަޢޫދީގެ ރަސްމީ މީޑިއާއެއް މެދުވެރިކޮށް އިޒްރޭލަށް ޝުކުރު އަދާކުރުމަކީ ސިޔާސީ ގޮތުން ވަރަށް މުހިންމު ފިޔަވަޅެއްގެ ގޮތުގައި މުޙައްލިލުން ދެކެއެވެ.
