ހުޅުމާލޭ އަމާން އުދަރެސް ޓަވަރެއްގެ އެންމެ ތިރީ ފަންގިފިލާގައި އަލިފާނުގެ ހާދިސާއެއްހިނގައިފިއެވެ.
އަލިފާނުގެ ހާދިސާ ހިނގާފައިވަނީ ހުޅުމާލޭ ދެވަނަ ފިޔަވަހީގައި އިމާރާތްކޮށްފައިވާ އަމާން އުދަރެސް ޓަވަރުތަކުގެ ތެރެއިން ޓަވަރު 15 ގައެވެ.
މި ހާދިސާ ހިނގަން މެދުވެރިވި ސަބަބާއި، އަލިފާން ރޯވާން ދިމާވި ވަކި އެއްޗެއް އަދި ސާފުވާގޮތެއް ނުވެއެވެ. ނަމަވެސް އިމާރާތުގެ ތެރެއިން އަލިފާން ރޯވެގެން އަނދަމުންދާ މަންޒަރު ފެންނަ ވީޑިއޯތަކެއް މީސްމީޑިއާގައި ވަނީ އާންމުވެފައެވެ.
މި ހާދިސާއާ ގުޅިގެން ކަމާބެހޭ އިދާރާތައް ކަމަށްވާ މޯލްޑިވްސް ނޭޝަނަލް ޑިފެންސް ފޯސް (އެމްއެންޑީއެފް) އާއި ދިވެހި ފުލުހުންގެ ޚިދުމަތުން އަދި ވަކި އެއްޗެއް ހާމަކޮށްފައެއް ނުވެއެވެ.
