Tuesday, 17 November 2026
Ads by

ރައީސްގެ ވަރުގަދަ ރައްދެއް އިދިކޮޅު ފަރާތްތަކަށް: ރަސްމާލެ މަޝްރޫއަށް ހުރަހެއް ނޭޅޭނެ!

ރައީސްގެ ވަރުގަދަ ރައްދެއް އިދިކޮޅު ފަރާތްތަކަށް: ރަސްމާލެ މަޝްރޫއަށް ހުރަހެއް ނޭޅޭނެ!

ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ނޭޝަން ޗެޓް ޕްރޮގްރާމުގައި ވާހަކަފުޅުދައްކަވަނީ--- ފޮޓޯ: ރައީސުލްޖުމްހޫރިއްޔާގެ އޮފީސް

ގައުމީ ތަރައްގީއަށާއި ރައްޔިތުންނަށް ފައިދާހުރި ކޮންމެ ކަމަކަށް ހުރަސްއެޅުމަށް ބަޔަކު މަސައްކަތްކުރަމުންދިޔަ ނަމަވެސް، ޔޫއޭއީގެ އީގަލް ހިލްސް ކުންފުންޏާއެކު ވެފައިވާ އެއްބަސްވުމުގެ ދަށުން ރަސްމާލޭގައި ކުރިއަށްގެންދާ 20 ބިލިއަން ޑޮލަރުގެ ބިޔަ މަޝްރޫއު އެއްވެސް ފަރާތަކަށް ނުހުއްޓުވޭނެ ކަމުގެ ފުރިހަމަ ޔަގީންކަން ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ދެއްވައިފިއެވެ.

Ad Image
Ads by

ދައުލަތުގެ މީޑިއާ (ޕީއެސްއެމް) ގެ ”ނޭޝަން ޗެޓް“ ޕްރޮގްރާމުގައި ވާހަކަފުޅު ދައްކަވަމުން ރައީސުލްޖުމްހޫރިއްޔާ ވިދާޅުވީ، ރަސްމާލެ މަޝްރޫއާ ގުޅުވައިގެން ސިޔާސީ ބައެއް ފަރާތްތަކުން ފަތުރަމުންދަނީ އެއްވެސް އަސާސެއް ނެތް ދޮގު ވާހަކަތަކެއް ކަމަށެވެ. މިއީ ދައުލަތުގެ ބަޖެޓަށް އެއްވެސް ބުރައެއް ނުއުފުލައި ކުރިއަށްގެންދާ މަޝްރޫއެއްކަން ފާހަގަކުރައްވަމުން، މި މަޝްރޫއަށްޓަކައި ސަރުކާރުން އެއްވެސް ސޮވެރިން ގެރެންޓީއެއް ނުދޭނެ ކަމަށާއި އެއްވެސް ލޯނެއް ވެސް ނުނަގާނެ ކަމަށް އެމަނިކުފާނު ވިދާޅުވިއެވެ. މީގެއިތުރުން، އިންވެސްޓަރުންނަށް އެއްވެސް ޓެކްސް ލުޔެއް ނުވަތަ ޑިއުޓީ މަޢާފުކުރުމެއް ވެސް މި މަޝްރޫއުގެ ތެރެއިން ނުދެވޭނެ ކަމަށް ރައީސް ހާމަކުރެއްވިއެވެ.

ރަސްމާލޭގެ ބިން ބޭރުގެ ފަރާތްތަކަށް މިލްކުކޮށްދެނީ ކަމަށް ވިދާޅުވެ ކުރީގެ ރައީސް ޢަބްދުﷲ ޔާމީން ޢަބްދުލްޤައްޔޫމް ދެއްކެވި ވާހަކަފުޅުތަކަށް ނުސީދާކޮށް ރައްދުދެއްވަމުން ރައީސް ވިދާޅުވީ، ދިވެހިރާއްޖޭގެ ގާނޫނުއަސާސީއާ ހިލާފަށް އެއްވެސް ބޭރު ފަރާތަކަށް ރާއްޖެއިން ބިން މިލްކު ނުކުރެވޭނެ ކަމަށެވެ. ކުރީ ސަރުކާރަކުން ގާނޫނުއަސާސީ އިސްލާހުކޮށްގެން ބޭރު މީހުންނަށް ބިން މިލްކުކުރެވޭ ގޮތް ހެދި ނަމަވެސް، ފަހުން އެ މާއްދާ އުވާލާފައިވާކަން ފާހަގަކުރައްވައި އެމަނިކުފާނު ވިދާޅުވީ، ރަސްމާލެއިން ބިން ދޫކުރެވެނީ ހަމައެކަނި ކުއްޔަށް (ލީސް އުސޫލުން) ކަމަށެވެ. އަދި ސަރުކާރުގެ މައިގަނޑު އަމާޒަކީ ބިމުގެ މިލްކުވެރިކަން ދޫކޮށްނުލައި، ރާއްޖެއަށް އެންމެ ފައިދާހުރި ބޮޑެތި އިންވެސްޓްމަންޓްތައް ގެނައުން ކަމުގައި ވިދާޅުވިއެވެ.

”ވަރަށް ގިނަ ވާހަކަތައް އެކި ގޮތްގޮތުން އެބަ ދައްކާ މި ޕްރޮޖެކްޓް މިތަނަށް އަޔަނުދިނުމަށްޓަކައި. މިއީ ވަރަށް ދެރަކަމެއް. ރާއްޖެއަށް ފައިދާވާން ހުރި ކަންތައްތަކެއް ހިނގަން އުޅޭ ކޮންމެ ފަހަރަކު އެކަމަށް ހުރަސްއަޅަނީ،“ – ރައީސް މުޢިއްޒު ވިދާޅުވިއެވެ.

ރާއްޖެއަށް ކުރިމަތިވެފައިވާ ބޯހިޔާވަހިކަމުގެ މައްސަލައަށް އަލިއަޅުއްވާލައްވަމުން ރައީސް ވިދާޅުވީ، ކުރީ ސަރުކާރުން ދޫކޮށްފައިވާ އެއްވެސް ގޯއްޗެއް އަތުނުލައްވާނެ ކަމަށެވެ. އަދި މިހާރު ހުށަހަޅާފައިވާ ފޯމުތައް އިވެލުއޭޓްކޮށް ނިމުމުން، ޝަރުތު ހަމަވާ ހުރިހާ ފަރާތްތަކަށް ބިން ދޫކުރާނެ ކަމަށާއި، ގޯތީގެ އިތުރުން ފްލެޓް އެޅުމަށް ބޭނުންވާ އެކަށީގެންވާ ޖާގަ ވެސް ރަސްމާލެއިން ކަނޑައެޅިފައިވާނެ ކަމަށް އެމަނިކުފާނު ވިދާޅުވިއެވެ.

މުޅި މަޝްރޫއު އެއްކޮށް ނިންމުމަށް އިންވެސްޓަރުން 10 އަހަރުގެ މުއްދަތެއް އަންދާޒާކުރި ނަމަވެސް، އަސާސީ ހިދުމަތްތައް އެއަށްވުރެ މާ އަވަހަށް ގާއިމުކުރެވިގެންދާނެ ކަމުގެ ޔަގީންކަން ރައީސް ދެއްވިއެވެ. އެގޮތުން، މިއަހަރުގެ ތެރޭގައި ބިން ހިއްކުމުގެ މަސައްކަތް ނިމުމާއެކު ފެނާއި، ނަރުދަމާ، ކަރަންޓު އަދި މަގުހެދުމުގެ އަމަލީ މަސައްކަތްތައް ކުންފުނިތަކާ ހަވާލުކޮށްގެން ފަށްޓަވާނެ ކަމަށާއި، މައިގަނޑު މަގުސަދަކީ ގޯތި ލިބޭ ފަރާތްތަކަށް ވީހާވެސް އަވަހަކަށް ގެދޮރު އިމާރާތްކުރުމުގެ މަގު ފަހިކޮށްދިނުން ކަމުގައި ފާހަގަކުރެއްވިއެވެ.

ރައީސް މުޢިއްޒު އިތުރަށް ވިދާޅުވީ، ރަސްމާލެ މަޝްރޫއަކީ ރާއްޖޭގެ ގައުމީ އުފެއްދުންތެރިކަން (ޖީޑީޕީ) އާ އުސްމިންތަކަކަށް ގެންގޮސްދީ، އެތައް ހާސް ވަޒީފާގެ ފުރުސަތުތަކެއް އުފައްދައިދޭނެ އިގުތިސާދީ ބޮޑު އިންގިލާބެއް ކަމަށެވެ. އަދި މިފަދަ ގައުމީ ލާބަޔާއި މަންފާއާ ގުޅިފައިވާ ކަންކަމަށް ހުރަސްއަޅަން މަސައްކަތްކުރަނީ އިހުލާސްތެރި ގައުމީ ވިސްނުމެއް ނެތް ބައެއް ކަމަށް ވިދާޅުވެ، އެމަނިކުފާނުގެ ސަރުކާރުން އަބަދުވެސް އިސްކުރާނީ ދިވެހި ރައްޔިތުންގެ މަސްލަހަތާއި ގައުމުގެ ކުރިއެރުން ކަމުގައި ވިދާޅުވިއެވެ.

Ads by
މިލިޔުމާއި ގުޅޭ

ކޮމެންޓް

guest
0 ކޮމެންޓް
ކުރީގެ
ފަހުގެ އެންމެ ގިނަ ވޯޓް
ހަބަރުގެ ތެރެއިން ހިޔާލު
...ހިޔާލުތައް ކިޔާލުމަށް
Ads by
ފަހުގެ ޚަބަރު
mutholibi and saeed
"އަދަދު" ނޫސްވެރިން 2 މިނިސްޓަރަކާއި މަގުމަތިން ދިމާކޮށް ފުރައްސާރަކޮށްފި
large_thumb_1794838270108
މާފަރާއި ފޮއްދޫގައި އަލަށް ބިނާކުރި ފުލުހުންގެ މަރުކަޒު ރަސްމީކޮށް ހުޅުވައި ޚިދުމަތް ދޭން ފަށައިފި
vazeerunge majilis
ސިޔާސަތުތަކަށް ފަންނީ ތަޖުރިބާކާރުންގެ އިލްމީ ލަފާ ހޯދަން ކޮމިޓީތަކެއް އުފައްދަވަނީ
big_y0OjWZ5sc0AZ00GFfi0UbJiYK
2028 ގައި ރައީސް މުޢިއްޒަށް ދެވަނަ ދައުރެއް ދިނުމަކީ ޤައުމުގެ ހަމަޖެހުމަށް އޮތް ހަމައެކަނި މަގު: ޢަބްދުއްރަޙީމް
Ads by
މަގުބޫލު
Dhivehi Raeesun 123
ޖުމުހޫރީ ދުވަސް: އަމިއްލަ މިނިވަންކަމާއި، ސިޔާދަތާއި އިސްތިޤުލާލުގެ ތާރީޚީ ރަމުުޒު
IMG_3293
2015 ގައި މާބަނޑު އަންހެނަކު މަރުވި އެކްސިޑެންޓް: ފިރިމީހާއާއި ދަރިފުޅު މަރުގެ ދިޔަ ބޭނުމެއް ނުވި
Adam Azim 1414
ވެރިކަމުގައި އިބޫ ނުވަތަ ނަޝީދު ހުންނެވި ނަމަ ރަސްމާލެ އޯކޭ: އާޒިމް
Moosun2525
ދުނިޔޭގެ މޫސުމަށް ބޮޑެތި ބަދަލުތަކެއް އަތުވެދާނެ ކަމުގެ އިންޒާރު ނާސާއިން ދީފި
Dhivehi Raeesun 123
ޖުމުހޫރީ ދުވަސް: އަމިއްލަ މިނިވަންކަމާއި، ސިޔާދަތާއި އިސްތިޤުލާލުގެ ތާރީޚީ ރަމުުޒު
IMG_3293
2015 ގައި މާބަނޑު އަންހެނަކު މަރުވި އެކްސިޑެންޓް: ފިރިމީހާއާއި ދަރިފުޅު މަރުގެ ދިޔަ ބޭނުމެއް ނުވި
Adam Azim 1414
ވެރިކަމުގައި އިބޫ ނުވަތަ ނަޝީދު ހުންނެވި ނަމަ ރަސްމާލެ އޯކޭ: އާޒިމް
Moosun2525
ދުނިޔޭގެ މޫސުމަށް ބޮޑެތި ބަދަލުތަކެއް އަތުވެދާނެ ކަމުގެ އިންޒާރު ނާސާއިން ދީފި