އިސްލާމީކަންތައްތަކާއި އައުޤާފާ ބެހޭ ވުޒާރާއިން އިންތިޒާމްކޮށްގެން ބާއްވާ އިސްލާމީ ފޮތް މައުރަޒު ”މަޢުރިފާ 2026“ ގައި ބައިވެރިވުމުގެ ފުރުޞަތު އާންމުކޮށް ހުޅުވާލައިފިއެވެ.
އިސްލާމީ ކަންތައްތަކާއި އައުޤާފާ ބެހޭ ވުޒާރާއިން މައުލޫމާތު ދެއްވާ ގޮތުގައި، މި މައުރަޒުގައި ބައިވެރިވުމަށް އެދޭ ފަރާތްތަކުން ފޯމު ހުށަހެޅުމުގެ ސުންގަޑިއަކީ 2026 ސެޕްޓެންބަރު 20 ވާ އާދީއްތަ ދުވަހުގެ މެންދުރުފަހު 14:00 އެވެ.
މި މައުރަޒުގައި ބައިވެރިވާން އެދޭ ފަރާތްތަކަށް ޚާއްޞަ އޮންލައިން ގޫގުލް ފޯމެއް މެދުވެރިކޮށް ފޯމު ހުށަހެޅޭނެ އިންތިޒާމު އެ ވުޒާރާއިން ވަނީ ހަމަޖައްސާފައެވެ.
”މަޢުރިފާ 2026“ އިސްލާމީ ފޮތް މައުރަޒު ބޭއްވުމަށް ހަމަޖެހިފައިވަނީ 2026 އޮކްޓޫބަރު 1 އިން 3 އަށެވެ.
މި މައުރަޒު ކުރިއަށްދާނީ މައުރަޒު ބާއްވާ ދުވަސްތަކުގެ ހަވީރު 16:00 އިން 18:00 އަށް އަދި ރޭގަނޑު 20:00 އިން 22:00 އަށެވެ.
މި މައުރަޒަކީ އިސްލާމީ ދީނީ ފޮތްތަކާއި މަޢުލޫމާތު އާންމުންނާ ހަމައަށް ފޯރުކޮށްދިނުމުގެ އިތުރުން ފޮތް ލިޔުންތެރިންނާއި ޝާޢިއުކުރާ ފަރާތްތަކަށް އެފަރާތްތަކުގެ މަސައްކަތްތައް ދައްކާލުމަށް ފުރުޞަތު ތަނަވަސްކޮށްދިނުމުގެ މަޤްޞަދުގައި ބާއްވާ މައުރަޒެކެވެ.
