Tuesday, 17 November 2026
Ads by

އިމްތިޙާނެއްގައި ޗެޓްޖީޕީޓީ ބޭނުންކޮށްގެން ޖަވާބުދިން މައްސަލައެއް ހޫނުވެއްޖެ

އިމްތިޙާނެއްގައި ޗެޓްޖީޕީޓީ ބޭނުންކޮށްގެން ޖަވާބުދިން މައްސަލައެއް ހޫނުވެއްޖެ

މުޒާހަރާގެ ބައިވެރިން އަދި އިމްތިހާނުގައި ޗެޓްޖީޕީޓީ ބޭނުންކުރި ކަމަށްބުނާ ދަރިވަރުގެ ފޮޓޯއެއް --- ފޮޓޯ: އެންޑީޓީވީ

އިންޑިއާގެ އިންޑިއަން އިންސްޓިޓިއުޓް އޮފް ޓެކްނޮލޮޖީ (އައިއައިޓީ) ބޮމްބޭގައި ބޭއްވި އިމްތިހާނެއްގެ ތެރޭގައި މޮބައިލް ފޯނު ބޭނުންކޮށްގެން ސުވާލު ކަރުދާސް ޗެޓްޖީޕީޓީއަށް އަރުވައިގެން ޖަވާބު ހޯދަން އުޅެނިކޮށް އަތުލައިގަތް ދަރިވަރަކު އަމިއްލައަށް މަރުވި މައްސަލައާ ގުޅިގެން ކޭމްޕަސް ތެރޭގައި އިހުތިޖާޖުތައް ފަށައި، އެ މައްސަލަ ވަރަށް ބޮޑަށް ހޫނުވެއްޖެއެވެ.

Ad Image
Ads by

މަރުވެފައިވަނީ އެ އިންސްޓިޓިއުޓްގެ ޑިޕާޓްމަންޓް އޮފް އެނާޖީ ސައިންސް އެންޑް އިންޖިނިއަރިންގްގެ ދެވަނަ އަހަރުގައި ކިޔަވަމުންދިޔަ ސާހިލް ވަކޯޑޭ ނަމަކަށް ކިޔާ ދަރިވަރެކެވެ. މިއީ ފާއިތުވި ހަ މަސްދުވަހުގެ ތެރޭގައި އައިއައިޓީ ޕޮވާއީ ކޭމްޕަސްގައި ހިނގި މިފަދަ ތިންވަނަ ހާދިސާއެވެ.

އިންސްޓިޓިއުޓުން ބުނެފައިވާ ގޮތުގައި އެ ދަރިވަރާމެދު އެއްވެސް ފިޔަވަޅެއް އަޅަން ނިންމާފައެއް ނުވެއެވެ. އަދި އެ މައްސަލައާ ގުޅިގެން ކްލާސް އިންސްޓްރަކްޓަރާއި ޑިޕާޓްމަންޓުގެ ވެރިޔާ ދަރިވަރާ ވާހަކަދައްކައި، ނަސޭހަތްތެރިވެ، މި ހާދިސާގެ ސަބަބުން އޭނާގެ ތައުލީމީ ހަޔާތަށް އެއްވެސް ނޭދެވޭ އަސަރެއް ނުކުރާނެކަމުގެ ޔަގީންކަން ދީފައިވެއެވެ. ނަމަވެސް އެ މަޝްވަރާތަކަށްފަހު އެނބުރި ހޮސްޓެލް ރޫމަށް ދިޔަ ދަރިވަރު ފަހުން ފެނިފައިވަނީ މަރުވެފައި ވަނިކޮށެވެ.

މި ހާދިސާއާ ގުޅިގެން އައިއައިޓީ ބޮމްބޭއިން ނެރުނު ބަޔާނެއްގައި ވަނީ ދަރިވަރުގެ މަރުގެ ހަބަރާއެކު އިންތިހާއަށް ދެރަވާކަން ހާމަކޮށްފައެވެ. އަދި މަރުވި ދަރިވަރުގެ ރައްޓެހިންނާއި، ކްލާސްކުދިންނާއި، ފެކަލްޓީ މެމްބަރުންގެ އިތުރުން މި ހާދިސާގެ އަސަރުކުރި އެންމެންނަށް އެހީތެރިކަން ފޯރުކޮށްދެމުންދާ ކަމަށާއި، މި މަރުގެ ހާދިސާއާ ގުޅޭ ކަންކަން ކަމާބެހޭ އިދާރާތަކުން ބަލަމުންދާ ކަމަށްވެސް ބުނެފައިވެއެވެ.

ނަމަވެސް، ސާހިލްގެ މަރުގެ ހަބަރު ފެތުރުމާއެކު އައިއައިޓީ ޕޮވާއީ ކޭމްޕަސްގައި ދަރިވަރުން ވަނީ އިހުތިޖާޖު ކުރަން ފަށާފައެވެ. އިހުތިޖާޖުކުރާ ދަރިވަރުން ތުހުމަތުކުރާ ގޮތުގައި އިދާރާއިން ދަނީ މިއީ ހިންގި ގޮތުގެ ފުރިހަމަ ހަގީގަތް ވަންހަނާކުރަމުންނެވެ. ދަރިވަރުން ބުނާ ގޮތުގައި ކޮޕީ ކުރި ކަމަށް ބުނެ ސާހިލްއަށް ވަނީ އެއް އަހަރުގެ ސަސްޕެންޝަނެއް ދޭނެ ކަމުގެ އިންޒާރު ދީފައެވެ. ސަސްޕެންޑްކޮށްފިނަމަ ހޮސްޓެލް ދޫކޮށް ކޭމްޕަސްއިން ބޭރުގައި އުޅެންޖެހޭނެ ކަމަށާއި، އޭގެ ސަބަބުން އޭނާގެ އިންޖިނިއަރިން ކޯސް ނިންމުމަށް ނަގާ މުއްދަތު ހަތަރު އަހަރަށްވުރެ އިތުރުވެގެންދާނެ ކަމަށް ދަރިވަރުން ފާހަގަކުރެއެވެ.

އިހުތިޖާޖުގައި ބައިވެރިވާ ދަރިވަރުން ބުނެފައިވަނީ އަޅަން އުޅުނު ފިޔަވަޅުތަކުގެ ސަބަބުން އުފެދުނު ބިރުވެރިކަމާއި ޕްރެޝަރަކީ ސާހިލް އަމިއްލައަށް މަރުވާން މެދުވެރިވި ސަބަބަކަށް ވެދާނެ ކަމަށެވެ. މިއީ މިއަހަރުގެ ތެރޭގައި އެކަނިވެސް ހިނގި މިފަދަ ހަތަރުވަނަ ހާދިސާ ކަމަށާއި، ފާއިތުވި ދެ މަސްދުވަހުގެ ތެރޭގައިވެސް ދެ ހާދިސާ ހިނގާފައިވާތީ، އިންސްޓިޓިއުޓްގެ އެޑްމިނިސްޓްރޭޝަނުން މިކަމުގެ ފުރިހަމަ ޒިންމާ ނަގައި، ސާފު މައުލޫމާތު ހާމަކުރަންޖެހޭނެ ކަމަށް ދަރިވަރުން ދަނީ ގޮވާލަމުންނެވެ.

މި ހާދިސާއާ ގުޅިގެން ކޭމްޕަސް ތެރޭގެ މަސްލަހަތު ކަންތައްތައް ބެލެހެއްޓުމަށްޓަކައި ފުލުހުންގެ ވަރުގަދަ ސެކިއުރިޓީއެއް ވަނީ ހަރަކާތްތެރިވާން ފަށާފައެވެ. ފުލުހުންގެ ސީނިއާ އޮފިސަރު ދައްތާތުރޭ ނަލަވާޑޭ މައުލޫމާތު ދެއްވި ގޮތުގައި މައްސަލައިގެ ތަހުގީގު މިހާރު ދަނީ ކުރިއަށެވެ. އަދި އިހުތިޖާޖުކުރާ ދަރިވަރުންގެ މައްސަލަތަކަށް އަލިއަޅުވާލައި، ދެފަރާތަށް އެއްބަސްވެވޭފަދަ ހައްލެއް ހޯދުމަށްޓަކައި އައިއައިޓީ އެޑްމިނިސްޓްރޭޝަނުން ދަރިވަރުންނާއެކު މަޝްވަރާތައް ކުރިއަށްދާ ކަމަށްވެސް އޭނާ ވިދާޅުވިއެވެ.

Ads by
މިލިޔުމާއި ގުޅޭ

ކޮމެންޓް

guest
0 ކޮމެންޓް
ކުރީގެ
ފަހުގެ އެންމެ ގިނަ ވޯޓް
ހަބަރުގެ ތެރެއިން ހިޔާލު
...ހިޔާލުތައް ކިޔާލުމަށް
Ads by
ފަހުގެ ޚަބަރު
mutholibi and saeed
"އަދަދު" ނޫސްވެރިން 2 މިނިސްޓަރަކާއި މަގުމަތިން ދިމާކޮށް ފުރައްސާރަކޮށްފި
large_thumb_1794838270108
މާފަރާއި ފޮއްދޫގައި އަލަށް ބިނާކުރި ފުލުހުންގެ މަރުކަޒު ރަސްމީކޮށް ހުޅުވައި ޚިދުމަތް ދޭން ފަށައިފި
vazeerunge majilis
ސިޔާސަތުތަކަށް ފަންނީ ތަޖުރިބާކާރުންގެ އިލްމީ ލަފާ ހޯދަން ކޮމިޓީތަކެއް އުފައްދަވަނީ
big_y0OjWZ5sc0AZ00GFfi0UbJiYK
2028 ގައި ރައީސް މުޢިއްޒަށް ދެވަނަ ދައުރެއް ދިނުމަކީ ޤައުމުގެ ހަމަޖެހުމަށް އޮތް ހަމައެކަނި މަގު: ޢަބްދުއްރަޙީމް
Ads by
މަގުބޫލު
Dhivehi Raeesun 123
ޖުމުހޫރީ ދުވަސް: އަމިއްލަ މިނިވަންކަމާއި، ސިޔާދަތާއި އިސްތިޤުލާލުގެ ތާރީޚީ ރަމުުޒު
IMG_3293
2015 ގައި މާބަނޑު އަންހެނަކު މަރުވި އެކްސިޑެންޓް: ފިރިމީހާއާއި ދަރިފުޅު މަރުގެ ދިޔަ ބޭނުމެއް ނުވި
Adam Azim 1414
ވެރިކަމުގައި އިބޫ ނުވަތަ ނަޝީދު ހުންނެވި ނަމަ ރަސްމާލެ އޯކޭ: އާޒިމް
Moosun2525
ދުނިޔޭގެ މޫސުމަށް ބޮޑެތި ބަދަލުތަކެއް އަތުވެދާނެ ކަމުގެ އިންޒާރު ނާސާއިން ދީފި
Dhivehi Raeesun 123
ޖުމުހޫރީ ދުވަސް: އަމިއްލަ މިނިވަންކަމާއި، ސިޔާދަތާއި އިސްތިޤުލާލުގެ ތާރީޚީ ރަމުުޒު
IMG_3293
2015 ގައި މާބަނޑު އަންހެނަކު މަރުވި އެކްސިޑެންޓް: ފިރިމީހާއާއި ދަރިފުޅު މަރުގެ ދިޔަ ބޭނުމެއް ނުވި
Adam Azim 1414
ވެރިކަމުގައި އިބޫ ނުވަތަ ނަޝީދު ހުންނެވި ނަމަ ރަސްމާލެ އޯކޭ: އާޒިމް
Moosun2525
ދުނިޔޭގެ މޫސުމަށް ބޮޑެތި ބަދަލުތަކެއް އަތުވެދާނެ ކަމުގެ އިންޒާރު ނާސާއިން ދީފި