Tuesday, 17 November 2026
Ads by

”ރާއްޖޭގެ މިނިވަންކަމަށް އައި ކޮންމެ ލޮޅުމެއްގައި ދިވެހިންގެ ސަފުތައް އެއްބައިވަންތަ ކުރުވީ އިސްލާމްދީން“

”ރާއްޖޭގެ މިނިވަންކަމަށް އައި ކޮންމެ ލޮޅުމެއްގައި ދިވެހިންގެ ސަފުތައް އެއްބައިވަންތަ ކުރުވީ އިސްލާމްދީން“

އިސްލާމިކް މިނިސްޓަރު ޑރ. ޝަހީމް--- ފޮޓޯ: އިސްލާމިކް މިނިސްޓްރީ

ދީނީ ގޮތުންނާއި މިނިވަންކަމުގެ ގޮތުން ދިވެހިރާއްޖެއަށް ގޮންޖެހުން ކުރިމަތިވާ ކޮންމެ ހިނދެއްގައި ދިވެހިންގެ ސަފުތައް އެއްބައިވަންތަ ކުރުވަނީ މާތްވެގެންވާ އިސްލާމްދީން ކަމަށް އިސްލާމީ ކަންތައްތަކާ އައުގާފާ ބެހޭ ވަޒީރު ޑރ. މުޙައްމަދު ޝަހީމް ޢަލީ ސަޢީދު މިރޭ ވިދާޅުވެއްޖެއެވެ.

Ad Image
Ads by

ދިވެހިރާއްޖެ އިސްލާމްވިތާ 900 އަހަރު ފުރުން ފާހަގަކުރުމުގެ ގޮތުން މިރޭ ބޭއްވި ރަސްމީ ޖަލްސާގައި ވާހަކަފުޅު ދައްކަވަމުން ވަޒީރު ވިދާޅުވީ، ވޭތުވެދިޔަ 900 އަހަރު ރާއްޖެ އިސްލާމްދީނުގެ މަތީގައި ސާބިތުވެ އޮތުމުގެ އެންމެ ބޮޑު ސަބަބަކީ މާތްﷲ ގެ ފަޟުލުވަންތަކަން ކަމަށެވެ. އަދި ދުނިޔެވީ ސަބަބުތަކަށް ބަލާއިރު، ދިވެހިންގެ ހިތްތަކުގައި އިސްލާމްދީނާ މެދު އޮތް ލޯތްބާއި ދިވެހި ދައުލަތުން ގެންގުޅުނު ހަރުދަނާ ސިޔާސަތުތައް މުހިންމު ދައުރެއް އަދާކުރި ކަމަށް އެމަނިކުފާނު ފާހަގަކުރެއްވިއެވެ.

ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުގެ ސަރުކާރުން އިސްލާމީ ދާއިރާއިން ހޯއްދަވަމުން ގެންދަވާ ކާމިޔާބީތަކަށް އަލިއަޅުއްވާލައްވަމުން ވަޒީރު ވިދާޅުވީ، ރާއްޖޭގެ ތާރީހުގައި ފުރަތަމަ ފަހަރަށް ޒަކާތުގެ ހާއްސަ ގާނޫނެއް އެކުލަވާލައި، ވަކި އިދާރާއެއްގެ ގޮތުގައި ”މޯލްޑިވްސް ޒަކާތު ހައުސް“ ގާއިމުކުރެވިފައިވާ ކަމަށެވެ. މިކަމުގެ ސަބަބުން ޒަކާތުގެ ނިޒާމަށް އޮތް އިތުބާރު ބޮޑުވެފައިވާއިރު، 6 އަހަރުގެ މެދުކެނޑުމަކަށްފަހު ޒަކާތުގެ ހާއްސަ ސްކޮލަރޝިޕް އަލުން ދޭން ފަށައި، އިސްލާމީ މާލީ އަދި އިލްމީ ދާއިރާތަކުން ޒުވާނުން ބިނާކުރުމުގެ މަސައްކަތް ކުރެވެމުންދާކަން ވަޒީރު ފާހަގަކުރެއްވިއެވެ.

މީގެއިތުރުން، ރާއްޖޭގެ ތާރީހުގައި ހިންގޭ އެންމެ ބޮޑެތި ވަގްފު މަޝްރޫއުތައް މިހާރު ފެށިފައިވާކަން ހާމަކުރައްވަމުން ޑރ. ޝަހީމް ވިދާޅުވީ، ދާރުއްސަލާމް، ދާރުލްއަރުގަމްގެ އިތުރުން ކުޅުދުއްފުށި ސިޓީ، ތިނަދޫ ސިޓީ، ގއ. ވިލިނގިލި އަދި އައްޑޫ ސިޓީގައި ކުރިއަށްދާ މަޝްރޫއުތައް ކުރިއަށް އޮތް ދެ އަހަރުގެ ތެރޭގައި ނިންމުމަކީ އަމާޒެއް ކަމަށެވެ.

ކީރިތި ޤުރުއާން އުނގަންނައިދިނުމުގެ ދާއިރާއަށް އަލިއަޅުއްވާލައްވަމުން ވަޒީރު ވިދާޅުވީ، ރާއްޖޭގެ ތާރީހުގައި އެންމެ ގިނަ ހާފިޒުން އުފެދިފައިވަނީ މި ދުވަސްވަރު ކަމަށެވެ. އެގޮތުން މިހާރު 322 ހާފިޒުން ތިބިއިރު، ކުރިއަށް އޮތް ދެ އަހަރުގެ ތެރޭގައި މި އަދަދު 500 އަށް އެރުވުމަށް މަސައްކަތް ކުރައްވާނެ ކަމަށް ވިދާޅުވިއެވެ. އަދި ރައީސް ޑރ. މުޢިއްޒުގެ ވައުދުފުޅާ އެއްގޮތަށް ހާފިޒުންގެ އެލަވަންސް ބޮޑުކޮށްދެއްވާފައިވާ ކަމަށާއި، މިހާރު ވެސް 30 ރަށެއްގައި ޤުރުއާނާ ބެހޭ މަރުކަޒުގެ ގޮފިތައް ގާއިމުކޮށް، އިތުރު 58 ތަނެއްގެ އަމަލީ މަސައްކަތް ކުރިއަށްދާ ކަމަށް ވިދާޅުވިއެވެ.

ވާހަކަފުޅު ނިންމަވާލައްވަމުން ވަޒީރު ވަނީ، ރާއްޖޭގެ ތާރީހުގައި ބިނާކުރެވޭ އެންމެ ބޮޑު މިސްކިތުގެ ބިންގާ މާދަމާ އެޅިގެންދާނެ ކަމުގެ އުފާވެރި ހަބަރު ދެއްވާފައެވެ. އަދި ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުއާ މަޝްވަރާކުރެއްވުމަށްފަހު އެ މިސްކިތަށް ނަންދެވިފައިވަނީ ދަރުމަވަންތަ ރަސްގެފާނުގެ ނަންފުޅުން ކަމަށް ހާމަކުރެއްވިއެވެ.

ވަޒީރުގެ ވާހަކަފުޅުގައި، ސިޔާސީ ގޮތުން ކިތަންމެ ހިޔާލުތަފާތުވުންތަކެއް ހުރި ނަމަވެސް، ދީނާއި ގައުމުގެ މިނިވަންކަމުގެ ދިފާއުގައި ހުރިހާ ދިވެހިންނަކީ އެއްބައިވަންތަ، އަހުވަންތަ ބަޔަކަށްވުމަށް އިލްތިމާސްކުރެއްވިއެވެ.

Ads by
މިލިޔުމާއި ގުޅޭ

ކޮމެންޓް

guest
0 ކޮމެންޓް
ކުރީގެ
ފަހުގެ އެންމެ ގިނަ ވޯޓް
ހަބަރުގެ ތެރެއިން ހިޔާލު
...ހިޔާލުތައް ކިޔާލުމަށް
Ads by
ފަހުގެ ޚަބަރު
mutholibi and saeed
"އަދަދު" ނޫސްވެރިން 2 މިނިސްޓަރަކާއި މަގުމަތިން ދިމާކޮށް ފުރައްސާރަކޮށްފި
large_thumb_1794838270108
މާފަރާއި ފޮއްދޫގައި އަލަށް ބިނާކުރި ފުލުހުންގެ މަރުކަޒު ރަސްމީކޮށް ހުޅުވައި ޚިދުމަތް ދޭން ފަށައިފި
vazeerunge majilis
ސިޔާސަތުތަކަށް ފަންނީ ތަޖުރިބާކާރުންގެ އިލްމީ ލަފާ ހޯދަން ކޮމިޓީތަކެއް އުފައްދަވަނީ
big_y0OjWZ5sc0AZ00GFfi0UbJiYK
2028 ގައި ރައީސް މުޢިއްޒަށް ދެވަނަ ދައުރެއް ދިނުމަކީ ޤައުމުގެ ހަމަޖެހުމަށް އޮތް ހަމައެކަނި މަގު: ޢަބްދުއްރަޙީމް
Ads by
މަގުބޫލު
Dhivehi Raeesun 123
ޖުމުހޫރީ ދުވަސް: އަމިއްލަ މިނިވަންކަމާއި، ސިޔާދަތާއި އިސްތިޤުލާލުގެ ތާރީޚީ ރަމުުޒު
IMG_3293
2015 ގައި މާބަނޑު އަންހެނަކު މަރުވި އެކްސިޑެންޓް: ފިރިމީހާއާއި ދަރިފުޅު މަރުގެ ދިޔަ ބޭނުމެއް ނުވި
Adam Azim 1414
ވެރިކަމުގައި އިބޫ ނުވަތަ ނަޝީދު ހުންނެވި ނަމަ ރަސްމާލެ އޯކޭ: އާޒިމް
Moosun2525
ދުނިޔޭގެ މޫސުމަށް ބޮޑެތި ބަދަލުތަކެއް އަތުވެދާނެ ކަމުގެ އިންޒާރު ނާސާއިން ދީފި
Dhivehi Raeesun 123
ޖުމުހޫރީ ދުވަސް: އަމިއްލަ މިނިވަންކަމާއި، ސިޔާދަތާއި އިސްތިޤުލާލުގެ ތާރީޚީ ރަމުުޒު
IMG_3293
2015 ގައި މާބަނޑު އަންހެނަކު މަރުވި އެކްސިޑެންޓް: ފިރިމީހާއާއި ދަރިފުޅު މަރުގެ ދިޔަ ބޭނުމެއް ނުވި
Adam Azim 1414
ވެރިކަމުގައި އިބޫ ނުވަތަ ނަޝީދު ހުންނެވި ނަމަ ރަސްމާލެ އޯކޭ: އާޒިމް
Moosun2525
ދުނިޔޭގެ މޫސުމަށް ބޮޑެތި ބަދަލުތަކެއް އަތުވެދާނެ ކަމުގެ އިންޒާރު ނާސާއިން ދީފި