ޔަމަނުގެ ހޫޘީން ސައުދީ އަރަބިއްޔާގެ ދެކުނުގެ ސަރަޙައްދުތަކަށް ދިން ވަރުގަދަ ހަމަލާތަކެއްގައި 73 ޢާންމުންނަށް އަނިޔާވެ، ހަކަތަ އުފައްދާ ބައެއް މަރުކަޒުތަކުގައި އަލިފާން ރޯވެއްޖެއެވެ.
ސައުދީ އެނަރޖީ މިނިސްޓްރީން ކަށަވަރުކޮށްދިން ގޮތުގައި، މި ޙަމަލާތަކުގެ ސަބަބުން ބައެއް މަރުކަޒުތަކުގެ މަސައްކަތް ވަގުތީގޮތުން ވަނީ މެދުކަނޑާލަން ޖެހިފައެވެ. ރިޕޯޓުތައް ބުނާގޮތުން ޖާޒާންގައި ހުންނަ ސަޢޫދީ އަރާމްކޯގެ ތެޔޮ ފެސިލިޓީތަކަށްވެސް ވަނީ ޙަމަލާ އަމާޒުވެފައެވެ. މިއާއެކު ދުނިޔޭގެ ބާޒާރުގައި ތެލުގެ އަގު ވަނީ ފާއިތުވި 6 ހަފްތާގެ ތެރޭގައި ނުދާހާ މައްޗަށް އުފުލިފައެވެ.
ކޯލިޝަންގެ ތަރުޖަމާނު މޭޖަރ ޖެނެރަލް ތުރްކީ އަލް-މާލިކީ ބުނީ، 4 އަހަރުވީ ސުލްޙައިގެ އެއްބަސްވުން މުގުރާލައި ހޫޘީން ދިން މި ޙަމަލާތަކުގެ ރައްދުގައި ވަރުގަދަ އަސްކަރީ ފިޔަވަޅުތަކެއް އަޅާނެ ކަމަށެވެ.
