ރާއްޖޭގެ އެންމެ ބޮޑު މުވާސަލާތީ ކުންފުނި ކަމަށްވާ ދިރާގުގެ މެޖޯރިޓީ ހިއްސާ އަލުން ދިވެހި ސަރުކާރުގެ މެޖޯރިޓީ ހިއްސާ އޮންނަ ކުންފުންޏަކަށް ހެއްދެވުމަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ނިންމެވި ނިންމެވުމަކީ ބޭކާރު ހަރަދެއް ކަމަށް ވިދާޅުވެ، ކުރީގެ ރައީސް އަދި އެމްޑީޕީގެ މިހާރުގެ ޗެއަރޕާސަން މުޙައްމަދު ނަޝީދު އެކަމާ ދެކޮޅަށް ވާހަކަފުޅު ދައްކަވައިފިއެވެ.
ދިރާގުގެ މެޖޯރިޓީ ހިއްސާ ގަތުމަށް ސަރުކާރުން ނިންމާފައިވާކަން ރައީސް މުޢިއްޒު ހާމަކުރެއްވުމާ ގުޅިގެން މީސް މީޑިއާގައި ހިއްސާކުރެއްވި ޕޯސްޓެއްގައި ނަޝީދު ވިދާޅުވީ، ދިރާގަކީ ސިޔާސީ ނުފޫޒާއި ބާރުވެރިކަން ނުފޯރާ ގޮތަށް ރައްޔިތުންނަށް ހިދުމަތް ދެމުން އަންނަ ހަމައެކަނި ކުންފުނި ކަމަށެވެ. އަދި އެކަން އެގޮތަށް އޮތީ އެ ކުންފުނި ޕްރައިވެޓައިޒް ކޮށްފައި އޮތުމުގެ ސަބަބުންނާއި ސަރުކާރުގެ މެޖޯރިޓީ ހިއްސާ އެ ކުންފުނީގައި ނެތުމުގެ ސަބަބުން ކަމަށް އެމަނިކުފާނު ވިދާޅުވިއެވެ.
ދިރާގުގެ އިތުރު ހިއްސާ ގަތުމަށް ދައުލަތުގެ ބަޖެޓުން ބޮޑު ހޭދައެއް ކުރުމަކީ ބޭކާރު ކަމެއްގެ ގޮތުގައި ނަޝީދު ވިދާޅުވެފައިވާއިރު، ސަރުކާރުގެ މެޖޯރިޓީ ހިއްސާ އޮއްވައި، ބޭރުގެ ކުންފުންޏަކަށް އެ ކުންފުނީގެ ބޮޑުބައި ވިއްކާލައްވައި މެޖޯރިޓީ ކޮންޓްރޯލް ދޫކޮށްލީ އެމަނިކުފާނުގެ ވެރިކަމުގެ ތެރޭގައެވެ. އެކަމުގެ ސަބަބުން ގިނަ ބައެއްގެ ފާޑުކިޔުން ނަޝީދަށް އެ ދުވަސްވަރު އަމާޒުވެގެންދިޔައެވެ.
Dhiraagu akee siyaasee nufoozaai baaruverikan nufoaraa rayyithunge hama ekani kunfuni. Sabakee e kunfuni privatise kohfaa vumaai sarukaaruge majority nethumun. Raajjeygai hingaa Sarukaaru hihsaavaa kunfuni thakun faidhaave adhi siyaasee beynumah oiy vaseelatheh ge gothugai nethee…
— Mohamed Nasheed (@MohamedNasheed) September 7, 2026
ދިރާގުގެ މެޖޯރިޓީ ހިއްސާ ގަތުމަށް ނިންމާފައިވާކަން ހާމަކުރައްވައި ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވިދާޅުވެފައިވަނީ، އެ ކުންފުނީގެ ސަރުކާރު ހިއްސާ 51 އިންސައްތައަށް ބޮޑުކުރުމަކީ ރައްޔިތުންގެ ހެވާއި ލާބައަށްޓަކައި އަދި ރާއްޖޭގެ އިގުތިސާދު އިތުރަށް ފުޅާކޮށް ކުރިއެރުވުމަށްޓަކައި ކޮންމެހެން އަޅަންޖެހޭ ފިޔަވަޅެއް ކަމަށެވެ. އެހެންކަމުން، މީގެ ކުރިން ވިއްކާލި ދިރާގުގެ ހިއްސާތައް އަނބުރާ ހޯދައި، ކުންފުނީގެ މެޖޯރިޓީ ކޮންޓްރޯލް އަލުން އަނބުރާ ދައުލަތަށް ނެގުމަކީ ކޮންމެހެން ވެސް މުހިއްމު ކަމެއް ކަމަށް ވިދާޅުވިއެވެ.
މިވަގުތު ދިރާގުގެ މެޖޯރިޓީ ހިއްސާދާރަކީ ބަހުރައިންގެ ކުންފުންޏެއް ކަމަށްވާ ”ބިޔޯން“ އެވެ. 52 އިންސައްތަ ހިއްސާއަކީ އެ ކުންފުނީގެ ހިއްސާއެވެ. ދިވެހި ސަރުކާރުގެ އޮތީ 41.8 އިންސައްތަ ހިއްސާ ކަމަށްވާއިރު، ބާކީ 6.2 އިންސައްތަ ހިއްސާއަކީ އާންމު ރައްޔިތުންގެ ހިއްސާއެވެ. އެހެންކަމުން ރައީސް މުޢިއްޒު ވިދާޅުވި ފަދަ ބަދަލެއް ގެނައުމަކީ އެންމެ ރަނގަޅު ގޮތް ކަމަށް ގިނަ ބަޔަކު ދެކެއެވެ.
ހެހެހެހެހެ
ނަޝީދު އެހެންބުނާނެ އޭނައެހިއްސާވިއްކާލީވެސް އޭނައައްކޮއްމެވެސް ނާޖާއިޒު ފައިދާތަކެއްއޮތީމަ އެހެންނޫންނަމަ ނުވިއްކާނެ ސަރުކާރުން ދިވެހި ރައްޔިތުންގެ ލާބައާއި މަނއފާއައްކުރަން އުޅޭކޮންމެ ކަމަކާ ތިނަޝީދު ފާޑުނުކިޔާ އެއްކަމެއްވެސް އެބައޮތްތަ؟ އެކަމަކު އެރީދޫ ކުލައިގަ ރަގަޅައްޖެހުނު ސެކަކުވެސް އެގޮތައްނުން ގޮތަކައްހުރިއެކަކުވެސް އެބަހުރިތަ؟ އެގޮތައް ނިތިބޭނީވަރައްބުއްދިވެރި މީހުން އޭގެމީހުންވެސް އެޕާރޓީގައެބަތިބި މޮސަރުކާރުން ޑރ. މުހައްމަދު މުއިއްޒު އެގެންދަވަނީ ރައްޔިތުންނައްޓަކާ ހިތުދަނާ މަސައްކަތްތަކެއް ކޮއްދެއްވަމުން.