އެމެރިކާގެ އަސްކަރީ މަނަވަރުތަކަކަށް އީރާނުގެ އައި.އާރު.ޖީ.ސީ އިން ބެލިސްޓިކް މިސައިލް ހަމަލާތަކެއް ދިނުމާ ގުޅިގެން، ބަދަލުހިފުމުގެ ގޮތުން އެމެރިކާގެ ސެންޓްކޮމްއިން އީރާނުގެ 3 ތެޔޮ މަނަވަރަކަށް ވަރުގަދަ ޙަމަލާތަކެއް ދީފިއެވެ. މި ޙަމަލާތަކުގައި ޚާރގް އައިލެންޑް އަދި ޖާސްކް ކައިރިން ދަތުރުކުރި ދެ މަނަވަރެއް ބޭނުން ނުކުރެވޭ ވަރަށް ހަލާކުކޮށްލާފައިވާއިރު، ގަލްފް އޮފް އޮމާންގައި އޮތް ހުސް މަނަވަރެއް ވަނީ އެއްކޮށް ހާލާކުކޮށްލާފައެވެ.
ސެންޓްކޮމްގެ ކޮމާންޑަރު އެޑްމިރަލް ބްރެޑް ކޫޕަރ ބުނީ، އެމެރިކާގެ ދެ މަނަވަރަށް ޙަމަލާދީފިނަމަ، އޭގެ ބަދަލުގައި އީރާނުގެ ތިން މަނަވަރު ހަލާކުކޮށް، އިޤްތިޞާދީ ގޮތުން ބޮޑު ގެއްލުމެއް ދޭނެ ކަމަށެވެ. އީރާނުން ވަނީ މިއީ ހަނގުރާމައިގެ ޖަރީމާއެއް ކަމަށް ބުނެ، ޙަމަލާތައް ދިނުން ހުއްޓާނުލައިފިނަމަ މިއަށްވުރެ ވަރުގަދަ ރައްދު ޙަމަލާތަކެއް ދޭނެކަމުގެ އިންޒާރުދީފައެވެ.
އެމެރިކާގެ ޑިފެންސް ސެކްރެޓަރީ ޕީޓް ހެގްސެތު ވަނީ އީރާނުން އެމެރިކާގެ މަނަވަރުތަކަށް ޙަމަލާދޭނަމަ، އީރާނުގެ ތެޔޮ ފްލީޓް އެކީ ނައްތާލާނެކަމުގެ އިންޒާރު ދީފައެވެ. އީރާނުގެ ޚާރިޖިއްޔާއިން ވަނީ އާންމު ވިޔަފާރި ބޯޓުތަކަށް ޙަމަލާދިނުމަކީ ބައިނަލްއަޤްވާމީ ޤާނޫނުތަކާ ޚިލާފުކަމެއް ކަމަށް ބުނެ، އެމެރިކާގެ ބޭސްތަކަށް ދޭ ޙަމަލާތައް އިތުރަށް ވަރުގަދަކުރާނެ ކަމަށް ބުނެފައެވެ.
