ޔަމަނުގެ ހޫޘީ (އަންޞާރުﷲ) ޖަމާޢަތުން ގޮވާތަކެތި އުފުލާ ”ރުޖޫމް“ މަރުކާގެ ޑްރޯން ބޭނުންކޮށްގެން، މާރިބް އަދި ތާއިޒްގެ ސަރަޙައްދުތަކުގައިވާ ސަޢޫދީ ޢަރަބިއްޔާގެ ތާޢީދުލިބޭ ޔަމަނު ސަރުކާރުގެ އަސްކަރީ މަޤާމުތަކަށް ވަރުގަދަ ޙަމަލާތަކެއް ދީފިއެވެ. މީގެ އިތުރުން، ހޫޘީން ވަނީ ޔަމަނުގެ ހުޅަނގު އައްސޭރިފަށުގެ ސަރަޙައްދުތަކަށް 14 ބެލިސްޓިކް މިސައިލާއި ޑްރޯން ހަމަލާތަކެއް ފޮނުވާލާފައެވެ. ޔަމަނު ސަރުކާރުގެ އަސްކަރިއްޔާއިން ބުނާ ގޮތުގައި، ވައިގެ ދިފާޢީ ނިޒާމުތަކުން ވަނީ ތާއިޒްގެ ވައިގެ ސަރަޙައްދުންނާއި އައްސޭރިފަށުން އައި ގިނަ ޑްރޯންތަކެއް ވައިގެ ތެރެއަށް ވައްޓާލާފައެވެ.
ހޫޘީން ބޭނުންކުރާ ”ރުޖޫމް“ ކުދި ޑްރޯންތަކަކީ މޯޓާރު ބޮން އުފުލައިގެން ސިފައިން ތިބޭ ބަންކަރުތަކަށާއި ރަންވޭތަކަށް ސީދާ މަތިން ހަމަލާދިނުމަށް ބޭނުންކުރާ އުޅަނދުތަކެކެވެ. 14 ބެލިސްޓިކް މިސައިލް ފޮނުވާލި ނަމަވެސް، އަސްކަރިއްޔާގެ ސިފައިން ތިބި މައި މަޤާމުތަކަށް ބޮޑު ގެއްލުމެއް ލިބިފައިނުވާކަމަށް ޔަމަނު ސަރުކާރުން ބުނެއެވެ.
